អ្នករៀបចំកម្មវិធី បាននិយាយថា មនុស្សជាង ២ម៉ឺននាក់មកពីជុំវិញពិភពលោក បានសម្រុកទៅកាន់ទីក្រុងឡុងដ៍ របស់ចក្រភពអង់គ្លេស សម្រាប់ចុងសប្តាហ៍ដ៏មានរសជាតិ ដើម្បីចូលរួមក្នុងព្រឹត្តិការណ៍ ពិធីបុណ្យអាហារហាឡាល់ពិភពលោកប្រចាំឆ្នាំ (World Halal Food Festival) សម្រាប់ឆ្នាំ២០២៣។
នេះគឺជាឆ្នាំទីប្រាំបី ក្នុងការរៀបចំព្រឹត្តិការណ៍នេះដែលត្រូវបានចាត់ទុកថាជាពិធីបុណ្យអាហារហាឡាលដ៏ធំបំផុត និងដំណើរការយូរបំផុតនៅលើពិភពលោក។ វាត្រូវបានប្រារព្ធធ្វើឡើង កាលថ្ងៃទី ២៣-២៤ ខែកញ្ញា ឆ្នាំ២០២៣ កន្លងទៅ នៅពហុកីឡដ្ឋាន London Stadium ក្នុងឧទ្យាន Queen Elizabeth Olympic Park។ នេះបើតាមការផ្សាយដោយសារព័ត៌មាន Arab News នៅថ្ងៃទី២ ខែតុលា ឆ្នាំ២០២៣។
លោក Graham Gilmore នាយកប្រតិបត្តិនៃកីឡដ្ឋាន London Stadium បាននិយាយថា “យើងពិតជារីករាយក្នុងការស្វាគមន៍ការត្រលប់មកវិញនូវពិធីបុណ្យអាហារដ៏អស្ចារ្យនេះសម្រាប់ឆ្នាំទី៣ ដែលរៀបចំធ្វើឡើងនៅ កីឡដ្ឋាន London Stadium។ កន្លែងរបស់យើងគឺសមល្អសម្រាប់ព្រឹត្តិការណ៍នេះ ដែលប្រមូលផ្តុំនូវអាហារ តន្ត្រី និងវប្បធម៌នៃសហគមន៍មូស្លីមសម្រាប់ទាំងអស់គ្នាដើម្បីរីករាយនៅក្នុងបេះដូងនៃទីក្រុងឡុងដ៍ខាងកើត”។
សាសនាឥស្លាមគឺជាសាសនាធំទីពីរនៅចក្រភពអង់គ្លេស! យោងតាមតួលេខជំរឿន ចំនួនប្រជាជនម៉ូស្លីមបានកើនឡើងចំនួន ១.២លាននាក់ ក្នុងរយៈពេល ១០ឆ្នាំចុងក្រោយ ដែលនាំឱ្យចំនួនសរុបកើនឡើងដល់ ៣.៩លាននាក់ ក្នុងឆ្នាំ២០២១ ឬប្រហែល ៦.៥ភាគរយ កើនឡើងពី ៤.៤ភាគរយ ក្នុងឆ្នាំ២០១១។
ទីផ្សារហាឡាលនៅចក្រភពអង់គ្លេស កំពុងកើនឡើងក្នុងអត្រាគួរឱ្យកត់សម្គាល់ ហើយតម្លៃសរុបរបស់វាត្រូវបានប៉ាន់ប្រមាណថា មានចន្លោះពី ១ពាន់លានផោន (១.២ពាន់លានដុល្លារ) ទៅ ២ពាន់លានផោន។ នេះបើយោងតាមគណៈកម្មាធិការត្រួតពិនិត្យហាឡាល់ ដែលជាស្ថាប័នបញ្ជាក់ហាឡាល់ធំបំផុតនៅក្នុងប្រទេស។
លោកស្រី Iman Mustafa ប្រធានប្រតិបត្តិករនៃសមាគមពាណិជ្ជកម្មឥស្លាមអង់គ្លេស បាននិយាយថា តួនាទីរបស់ពួកគេគឺដើម្បីលើកកម្ពស់ សម្របសម្រួល និងគាំទ្រដល់អាជីវកម្មដែលផ្គត់ផ្គង់ផលិតផល និងសេវាកម្មហាឡាល់។ គោលបំណង និងបេសកកម្មរបស់យើងគឺធ្វើយ៉ាងណាដើម្បីឲ្យសេដ្ឋកិច្ចហាឡាលរីកចម្រើននៅក្នុងចក្រភពអង់គ្លេស និងទូទាំងពិភពលោក។
លោកស្រី Mustafa បាននិយាយថា៖ “ហេតុផលមួយក្នុងចំណោមហេតុផលដែលយើងសម្រេចចិត្តរៀបចំពិធីបុណ្យអាហារហាឡាល់ពិភពលោកគឺការប្រើប្រាស់អាហារដើម្បីបំបែករបាំងសង្គម និងការយល់ខុសនៅក្នុងសហគមន៍មូស្លីម” ។ “វាគឺជាវិធីមួយដើម្បីបង្កើតវេទិកាមួយដើម្បីចូលរួមសហគមន៍ទាំងអស់ដោយប្រើអាហារជាយានជំនិះ ហើយនោះជាអ្វីដែលយើងបានធ្វើដោយនាំយកមនុស្សប្រភេទផ្សេងៗគ្នាពីជំនឿ និងសាវតាផ្សេងៗគ្នាដើម្បីរីករាយជាមួយអាហារជុំវិញតុ៕
រដ្ឋសភាបារាំងបានអនុម័តច្បាប់ថ្មី ដោយហាមឃាត់កុមារអាយុក្រោម ១៥ឆ្នាំ មិនឱ្យបង្កើត ឬប្រើប្រាស់គណនីបណ្ដាញសង្គម ចាប់ពីថ្ងៃទី១ ខែកញ្ញា ខាងមុខ។ (more…)
ខេត្តកណ្ដាល : ថ្ងៃអង្គារទី២១ ខែកក្កដា ឆ្នាំ២០២៦ នេះ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាអនុប្រធានអាជ្ញាធរជាតិប្រយុទ្ធប្រឆាំងគ្រឿងញៀន អញ្ជើញជាអធិបតី ដ៏ខ្ពង់ខ្ពស់ក្នុងកម្មវិធីអបអរសាទរទិវាអន្តរជាតិប្រយុទ្ធប្រឆាំងគ្រឿងញៀន ថ្ងៃទី២៦…
អភិបាលក្រុងញូវយ៉ក លោក Zohran Mamdani បានឱ្យដឹងថា លោកកំពុងពិភាក្សាជាមួយនាយកដ្ឋានច្បាប់របស់ទីក្រុង ដើម្បីពិនិត្យមើលថា តើអាជ្ញាធរទីក្រុងមានសិទ្ធិបញ្ជាឱ្យចាប់ខ្លួននាយករដ្ឋមន្ត្រីអ៊ីស្រាអែល លោក Benjamin Netanyahu ដែរឬទេ ប្រសិនបើលោកធ្វើដំណើរមកទីក្រុងញូវយ៉ក ដើម្បីចូលរួមមហាសន្និបាតអង្គការសហប្រជាជាតិ (UN…
«សហគ្រាសធុនតូច និងមធ្យម (SME) គឺជាចលករយ៉ាងសំខាន់ក្នុងការជំរុញកំណេីនសេដ្ឋកិច្ចជាតិ និងបង្កើតការងារសម្រាប់ប្រជាពលរដ្ឋ។ រាជរដ្ឋាភិបាលជាច្រើនអាណត្តិមកហើយ ក៏បានដាក់ចេញនូវគោលនយោបាយ និងវិធានការជាបន្តបន្ទាប់ដើម្បីជំរុញ និងលើកស្ទួយការអភិវឌ្ឍន៍វិស័យ SME ហើយរាជរដ្ឋាភិបាល និតិកាលទី៧ នៃរដ្ឋសភា ក៏បានដាក់ចេញនូវវិធានបន្ថែមជាបន្តបន្ទាប់ ដើម្បីលើកទឹកចិត្ត…
ប្រទេសអារ៉ាប៊ីសាអូឌីត បានចេញសេចក្តីថ្លែងការណ៍ថ្កោលទោសយ៉ាងខ្លាំងចំពោះការវាយប្រហាររបស់អ៊ីរ៉ង់ទៅលើប្រទេសគុយវ៉ែត បារ៉ែន និងហ្ស៊កដានី ដោយចាត់ទុកថា ការវាយប្រហារលើហេដ្ឋារចនាសម្ព័ន្ធសំខាន់ៗ គឺជាទង្វើដែលមិនអាចទទួលយកបាន។ (more…)
នាយករដ្ឋមន្ត្រីម៉ាឡេស៊ី ដាតុសេរី អាន់វ៉ារ អ៊ីប្រាហ៊ីម បានបញ្ជាក់ថា ម៉ាឡេស៊ីនឹងមិនបន្ធូរបន្ថយគោលនយោបាយរបស់ខ្លួនឡើយ ហើយនឹងបណ្តេញជនជាតិអ៊ីស្រាអែលចេញពីប្រទេសភ្លាមៗ ប្រសិនបើរកឃើញថាពួកគេបានចូលមកក្នុងប្រទេស។ (more…)