មនុស្សជាង១៥០,០០០នាក់ ត្រូវជម្លៀសទៅកន្លែងសុវត្ថិភាព ខណៈឥណ្ឌានិងប៉ាគីស្ថានត្រៀមខ្លួន សម្រាប់ការមកដល់នៃព្យុះស៉ីក្លូនដ៏ខ្លាំងក្លាមួយ

មន្រ្តីទទួលបន្ទុកប្រតិបត្តិការជួយសង្រ្គោះរបស់ឥណ្ឌា បានឱ្យដឹងថា អាជ្ញាធរបានជម្លៀសមនុស្សជាង៧៥,០០០នាក់ ចេញពីសហគមន៍ ​ដែលប្រឈមហានិភ័យខ្ពស់ ក្នុងស្រុកចំនួន៨ដែលនៅជាប់ឆ្នេរសមុទ្រ ក្នុងរដ្ឋហ្គូចារ៉ាត់ (Gujarat)។ រីឯខាងប៉ាគីស្ថានវិញបានឱ្យដឹងថា ខ្លួនបានជម្លៀសប្រជាជនសរុបជិត ៨២,០០០នាក់ ចេញពីតំបន់នៅក្បែរឆ្នេរភាគអាគ្នេយ៍ប្រទេស ទៅកាន់ទីសុវត្ថិភាព។