ភ្ញៀវទេសចរណ៍ចំនួន ៧០៨ នាក់ដែលជាប់គាំងនៅលើកោះរុងត្រូវបានដឹកនិងជូនមកដល់ដីគោក

ក្រុងព្រះសីហនុ៖ ថ្ងៃទី១៧​ ខែកក្កដា​ ឆ្នាំ​២០២៣​ ដោយយោងតាមអាកាសធាតុជាក់ស្តែង និងមានការយកចិត្តទុកដាក់ពីសុវត្ថិភាពភ្ញៀវដែលជាប់គាំងនៅលេីកោះ​ ឯកឧត្តម​ អភិបាល​នៃ​គណៈអភិបាលខេត្ត​ និង​ លោក​ ​ឧត្តមសេនីយ៍ទោ​ ស្នងការ​ បានចេញបទបញ្ជាអោយ​ លោក​ ឧ.ត្រី​ សួន​ គីមហេង​ ដឹកនាំកម្លាំងការិយាល័យ​នគរបាលចរាចរណ៍ផ្លូវទឹក​ និងទេសចរណ៏​ សហការជាមួយក្រុមហ៊ុនទូកដឹកភ្ញៀវទេសចរ​ និងកម្លាំងអធិការដ្ឋាននគរបាលក្រុងកោះរ៉ុង​ ដេីម្បីរៀបចំមធ្យោបាយដឹកភ្ញៀវពីក្រុងកោះរ៉ុងមកក្រុងព្រះសីហនុវិញ​ ។