ប្រទេសប្រេស៊ីលបានកោះហៅឯកអគ្គរដ្ឋទូតរបស់ខ្លួនប្រចាំនៅអ៊ីស្រាអែល បន្ទាប់ពីអ៊ីស្រាអែលនិយាយថា ប្រធានាធិបតីប្រេស៊ីល លោក Luiz Inacio Lula da Silva មិនត្រូវបានស្វាគមន៍នៅក្នុងប្រទេសនេះ ជុំវិញការអធិប្បាយរបស់លោក ដែលបានប្រៀបធៀបយុទ្ធនាការយោធារបស់អ៊ីស្រាអែលនៅហ្គាហ្សា ទៅនឹងការសម្លាប់រង្គាល។ នេះបើតាមការផ្សាយដោយសារព័ត៌មាន Arab News នៅថ្ងៃទី២០ ខែកុម្ភៈ ឆ្នាំ២០២៤។
ជម្លោះការទូតរវាងប្រទេសទាំងពីរបានកើតឡើង បន្ទាប់ពីលោកប្រធានាធិបតី Lula កាលពីថ្ងៃអាទិត្យ អំឡុងពេលកិច្ចប្រជុំកំពូលសហភាពអាហ្វ្រិក នៅទីក្រុង Addis Ababa បាននិយាយថា “អ្វីដែលកំពុងកើតឡើងនៅតំបន់ហ្គាហ្សាស្ទ្រីបជាមួយប្រជាជនប៉ាឡេស្ទីន មិនខុសពីអ្វីដែលធ្លាប់បានកើតឡើងជាប្រវត្តិសាស្ត្រផ្សេងទៀតនោះទេ។ តាមពិតទៅ វាបានកើតឡើងក្នុងអំឡុងសង្គ្រាមលោកលើកទី២ នៅពេលដែលហ៊ីត្លែរសម្រេចចិត្តសម្លាប់ជនជាតិជ្វីហ្វចំនួនប្រាំមួយលាននាក់”។
ភ្លាមៗបន្ទាប់ពីការលើកឡើងរបស់លោក Lula នាយករដ្ឋមន្ត្រីអ៊ីស្រាអែល លោក Benjamin Netanyahu បានពណ៌នាការអត្ថាធិប្បាយនេះ ថាជារឿងគួរអោយអាម៉ាស់ និងធ្ងន់ធ្ងរជាទីបំផុត។
ជាមួយគ្នានេះ កាលពីថ្ងៃចន្ទ រដ្ឋមន្ត្រីការបរទេសអ៊ីស្រាអែល លោក Israel Katz បានឆ្លើយតបតាមរយៈឯកអគ្គរដ្ឋទូតប្រេស៊ីលថា លោក Lula មិនត្រូវបានស្វាគមន៍នៅក្នុងប្រទេសនេះទេ រហូតដល់គាត់ដកពាក្យសម្តីរបស់គាត់វិញ។
ដោយឡែក ក្រសួងការបរទេសប្រេស៊ីល បាននិយាយថា ខ្លួននឹងកោះហៅឯកអគ្គរដ្ឋទូតអ៊ីស្រាអែលប្រចាំប្រទេសប្រេស៊ីល សម្រាប់កិច្ចប្រជុំនៅទីក្រុង Rio de Janeiro ជាកន្លែងដែលអ្នកការទូតកំពូលរបស់ប្រទេសប្រេស៊ីលកំពុងចូលរួមកិច្ចប្រជុំ G20។
គួរជម្រាបថា សង្រ្គាមនៅតំបន់ហ្គាហ្សាបានចាប់ផ្តើមនៅពេលដែលក្រុមហាម៉ាស់ វាយប្រហារលើអ៊ីស្រាអែល កាលពីថ្ងៃទី៧ ខែតុលា ដោយបានសម្លាប់មនុស្សជិត 1,200 នាក់ ភាគច្រើនជាជនស៊ីវិល និងចាប់ចំណាប់ខ្មាំង ២៥៣នាក់។
ប៉ុន្តែទោះបីយ៉ាងណា យោងតាមអាជ្ញាធរសុខាភិបាលប៉ាឡេស្ទីន ការវាយលុករបស់អ៊ីស្រាអែលតាមអាកាស និងផ្លូវគោកចាប់តាំងពីពេលនោះមក បានបំផ្លិចបំផ្លាញតំបន់ហ្គាហ្សាជាច្រើន ដោយបានសម្លាប់មនុស្សជាង 29,000 នាក់ ដែលភាគច្រើនជាស្ត្រី និងកុមារ និងបង្ខំឱ្យប្រជាជនជិត ២ លាននាក់ចេញពីលំនៅដ្ឋានរបស់ពួកគេ៕
យ៉ាងហោចណាស់សិស្ស ២៧នាក់ ដែលភាគច្រើនមានអាយុក្រោម ១៣ឆ្នាំ និងគ្រូម្នាក់ បានស្លាប់ បន្ទាប់ពីដំបូលអគារសាលារៀនមួយបានបាក់រលំ ខណៈពួកគេកំពុងរៀនក្នុងថ្នាក់ នៅថ្ងៃថ្ងៃព្រហស្បតិ៍ នេះនៅទីក្រុងប៉េសាវ៉ា (Peshawar) ភាគខាងជើងប្រទេសប៉ាគីស្ថាន។ អាជ្ញាធរបារម្ភថា ចំនួនអ្នកស្លាប់អាចនឹងកើនឡើងបន្ថែមទៀត។ (more…)
នារសៀលថ្ងៃទី១៥ ខែតុលា ឆ្នាំ២០២៦ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានជួបពិភាក្សាទ្វេភាគីជាមួយ ឯកឧត្តម Isaac Herzog ប្រធានាធិបតី អ៊ីស្រាអែល ក្នុងឱកាសនៃការអញ្ជើញបំពេញទស្សនកិច្ចផ្លូវការ និងចូលរួមកិច្ចប្រជុំកំពូល…
នៅថ្ងៃទី៩ ខែតុលា ឆ្នាំ២០២៦ ម៉ាឡេស៊ីបានសម្រេចបិទសាលារៀននៅរដ្ឋចំនួន៤ រួមមាន ចូហ័រ ម៉ាឡាកា នេហ្គឺរីសេមប៊ីឡាន និងសេឡាងហ្គ័រ ព្រមទាំងគូឡាឡាំពួរ ពូត្រាចាយ៉ា និងស្រុករ៉ុមពីន ដោយសារផ្សែងអ័ព្ទបង្កឱ្យគុណភាពខ្យល់ធ្លាក់ចុះដល់កម្រិតមិនល្អចំពោះសុខភាព។ (more…)
ប្រទេសម៉ាឡេស៊ីបានទទួលភ្ញៀវទេសចរអន្តរជាតិចំនួន ២៨,៨ លាននាក់ ក្នុងរយៈពេលពីខែមករា ដល់ខែសីហា ឆ្នាំ២០២៦ កើនឡើង ១,៨% បើធៀបនឹងរយៈពេលដូចគ្នាកាលពីឆ្នាំមុន។ តួលេខនេះបានធ្វើឱ្យម៉ាឡេស៊ីបន្តឈរនៅលំដាប់កំពូលក្នុងតំបន់អាស៊ីអាគ្នេយ៍ ខាងចំនួនភ្ញៀវទេសចរអន្តរជាតិ។ (more…)
អាកាសយានដ្ឋានអន្តរជាតិ King Khalid បានជូនដំណឹងថា ជើងហោះហើរមួយចំនួនអាចមានការយឺតយ៉ាវ ផ្លាស់ប្តូរកាលវិភាគ ឬត្រូវលុបចោល ដោយសារការវិវត្តន៍នៃស្ថានការណ៍ក្នុងតំបន់ និងការរឹតបន្តឹងលើដែនអាកាស។ (more…)
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជាអធិបតីដ៏ខ្ពង់ខ្ពស់ ពិធីបើក “មហាសន្និបាត សហព័ន្ធអតីតយុទ្ធជនបណ្តាប្រទេសអាស៊ាន” លើកទី២៥ (VECONAC) ដែលកម្ពុជាធ្វើជាម្ចាស់ផ្ទះ ក្រោមប្រធានបទ៖ «ជាង៤ទសវត្សនៃសហព័ន្ធអតីតយុទ្ធជនអាស៊ាន៖ រួមគ្នាកសាងមិត្តភាព…