ត្បូងឃ្មុំ៖ ប្រជាពលរដ្ឋខ្មែរឥស្លាម នៅភូមិត្រសិត ឃុំក្រែក ស្រុកពញាក្រែក ខេត្តត្បូងឃ្មុំ ស្រុះដៃគ្នាចាក់គ្រឹះកសាងវិហារដែលជាជំនួយថវិកាពីសប្បុរសជននៃប្រទេសកាតា ផ្តល់មកតាមរយៈសមាគមមិត្តភាព និងសប្បុរសធម៌កម្ពុជា។ ដោយបានរៀបចំពិធីបើកការដ្ឋានសាងសង់កាលពីចុងខែសីហា ឆ្នាំ២០២៤ កន្លងទៅថ្មីៗនេះ ក្រោមវត្តមានកិត្តិយសពីសំណាក់ថ្នាក់ដឹកនាំជាច្រើនរូប រួមមាន ឯកឧត្តមជាសមាជិកនៃរដ្ឋសភា ឯកឧត្តមអភិបាលរងខេត្ត លោកអភិបាលស្រុក អាជ្ញាធរមូលដ្ឋាន និងប្រជាពលរដ្ឋជាច្រើននាក់ផងដែរ។
បើតាមលោក ស៊ីន រំលី ប្រធានសមាគមមិត្តភាព និងសប្បុរសធម៌កម្ពុជា បានអោយដឹងថា វិហារឥស្លាមដែលស្ថិតនៅភូមិត្រសិត ឃុំក្រែក ស្រុកពញាក្រែក ខេត្តត្បូងឃ្មុំនេះ គឺជាគម្រោងមួយស្ថិតនៅក្នុងគម្រោងមនុស្សធម៌ជាច្រើនរបស់សមាគម ដែលបានផ្តល់ជូនប្រជាពលរដ្ឋ ក៏ដូចជាការចូលរួមចំណែកជាមួយរាជរដ្ឋាភិបាលដើម្បីអភិវឌ្ឍន៍សហគមន៍។
វិហារឥស្លាមនេះ ជាប្រភេទបេតុង ប្រក់ក្បឿង មានទំហំ ១០ម៉ែត្រ គុណនឹង ១៥ម៉ែត្រ អាចផ្ទុកអ្នកថ្វាយបង្គំប្រមាណ ២៥០នាក់ គ្រោងនឹងបញ្ចប់ការសាងសង់នៅពាក់កណ្តាលឆ្នាំ២០២៥ ដែលនឹងចំណាយថវិកាសាងសង់ប្រហែល ៤ម៉ឺនដុល្លារអាមេរិក ជាជំនួយមកពីសប្បុរសជននៃប្រទេសកាតា។ ក្រៅពីសំណង់អគារវិហារ សមាគមន៍បានផ្តល់ជូននូវស៊ីទែនទឹក និងកន្លែងយកទឹកថ្វាយបង្គំ ផងដែរ។
ប្រជាពលរដ្ឋសម្តែងការសាទរ និងសប្បាយរីករាយ និងថ្លែងអំណរគុណទៅចំពោះម្ចាស់ជំនួយ ជាពិសេសលោក ស៊ីន រំលី ប្រធានសមាគម ដែលបានស្វះស្វែងរកថវិកាកសាងវិហារជូនពួកគាត់ ដើម្បីសម្រួលដល់ការគោរពប្រតិបត្តិជំនឿសាសនា។
គួរជម្រាបថា កន្លងមកសមាគមមិត្តភាព និងសប្បុរសធម៌កម្ពុជា បានចូលរួមចំណែកយ៉ាងច្រើនក្នុងការអភិវឌ្ឍសហគមន៍ តាមរយៈការសងសង់ម៉ាស្ជិត សូរ៉ាវ សំណង់អគារសិក្សា ការសាងសង់អណ្តូងទឹកស្អាត និងគម្រោងសង្គមកិច្ចជាច្រើនទៀតផងដែរ៕
Rendering of the Ho Chi Minh City-Moc Bai Expressway project set to streamline transport between…
អ្នកគាំទ្រក្រុមជម្រើសជាតិកូរ៉េខាងត្បូង បានគ្រវីទង់ជាតិប៉ាឡេស្ទីន អំឡុងពេលក្រុមទាំងពីជួបគ្នាក្នុងការប្រកួតជម្រុះនៃពានរង្វាន់ World Cup ជាមួយប៉ាឡេស្ទីន ក្នុងទីក្រុងសេអ៊ូល កាលពីថ្ងៃព្រ.ហ ទី៥ ខែកញ្ញា កន្លងទៅ ដែលជាកាយវិកាបង្ហាញពីសាមគ្គីភាពជាមួយនឹងប្រជាជនប៉ាឡេស្ទីន។ នេះបើតាមការផ្សាយដោយកាសែត The Siasat…
ម៉ារ៉ុក៖ អាជ្ញាធរនៃប្រទេសម៉ារ៉ុក កាលពីថ្ងៃអាទិត្យ ទី៨ ខែកញ្ញា បានប្រាប់ទីភ្នាក់ងារសារព័ត៌មាន AFP ថាមនុស្ស ១១នាក់បានស្លាប់ និង ៩នាក់បានបាត់ខ្លួននៅក្នុងគ្រោះទឹកជំនន់ដែលបណ្តាលមកពីបាតុភូតអាកាសធាតុ នៅក្នុងតំបន់ភាគខាងត្បូងប្រទេស។ (more…)
ដាកា៖ ប្រមុខរដ្ឋាភិបាលបណ្តោះអាសន្នបង់ក្លាដែស ដែលទើបកាន់តំណែង លោក មូហាំម៉ាត់យូនូស បានអំពាវនាវឱ្យមានការតាំងទីលំនៅជាបន្ទាន់ សម្រាប់ជនភៀសខ្លួនរ៉ូហ៊ីងយ៉ាទៅកាន់ប្រទេសទីបី ដោយសារតែចំនួនជនភៀសខ្លួនកំពុងកើនឡើង ដោយសារអំពើហិង្សានៅរដ្ឋរ៉ាឃីន ប្រទេសភូមា ។ នេះបើតាមាការចុះផ្សាយដោយសារព័ត៌មាន Reuters នៅថ្ងៃទី០៨ ខែកញ្ញា…
(ភ្នំពេញ)៖ នាព្រឹកថ្ងៃពុធ ទី៤ ខែកញ្ញា ឆ្នាំ២០២៤ នៅទីស្តីការក្រសួងពាណិជ្ជកម្ម លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម និងជាប្រធាន គ.ត.ផ.ហ.ក. បានអញ្ជើញដឹកនាំកិច្ចប្រជុំគណៈកម្មាធិការត្រួត (more…)
ប្រជាជនប៉ាឡេស្ទីននៅតំបន់ហ្គាហ្សាទទួលបានជំនួយមនុស្សធម៌ តាមរយៈការទម្លាក់ពីយន្តហោះយោធារបស់ប្រទេសហ្ស៊កដានី។ នៅក្នុងសេចក្តីថ្លែងការណ៍មួយកាលពីថ្ងៃចន្ទ កងកម្លាំងយោធាហ្ស៊កដានី បាននិយាយថា ការទម្លាក់ជំនួយមនុស្សធម៌តាមយន្តហោះដែលធ្វើឡើងនៅក្នុងតំបន់ដែលក្បួនយន្តហោះមិនអាចទៅដល់នោះ ត្រូវបានបញ្ចប់ជាមួយនឹងយន្តហោះប្រភេទ C130 ចំនួនពីរគ្រឿង ពីកងទ័ពអាកាស Royal Jordanian។ នេះបើតាមការផ្សាយដោយសារព័ត៌មានចិន Xinhua នៅថ្ងៃទី៣…