ប៉ាឡេស្ទីនទទួលបានកៅអីផ្លូវការក្នុងនាមជារដ្ឋ ដើម្បីចូលរួមប្រជុំនៅឯមហាសន្និបាតអង្គការសហប្រជាជាតិ នៃសម័យប្រជុំលើកទី៧៩ ដែលនឹងប្រព្រឹត្តទៅនៅថ្ងៃទី១០ ខែកញ្ញា ឆ្នាំ២០២៤ ខាងមុខនេះ។
បេសកជនរបស់ប៉ាឡេស្ទីនប្រចាំអង្គការសហប្រជាជាតិ បានប្រកាសនៅលើបណ្តាញសង្គម X កាលពីថ្ងៃសុក្រ ដែលដកស្រង់ផ្សាយដោយទីភ្នាក់ងារសារព័ត៌មាន Anadolu នៅថ្ងៃទី១ ខែកញ្ញា ថា ប៉ាឡេស្ទីននឹងចូលរួមក្នុងសម័យប្រជុំលើកទី៧៩ នៃមហាសន្និបាតអង្គការសហប្រជាជាតិ (GA) ជាលើកដំបូង ជាមួយនឹងកៅអីផ្លូវការ ដែលលោកអ្នកអាចឃើញរដ្ឋប៉ាឡេស្ទីនអង្គុយចន្លោះរវាងប្រទេសស្រីលង្កា និងស៊ូដង់។
ការទទួលបានកៅអីផ្លូវការក្នុងនាមជារដ្ឋរបស់ប៉ាឡេស្ទីន នៅឯមហាសន្និបាតអង្គការសហប្រជាជាតិនាពេលនេះ កើតឡើងបន្ទាប់ពីមានសេចក្តីសម្រេចលេខ ES-10/23 ដោយផ្តល់សិទ្ធិ និងឯកសិទ្ធិបន្ថែមដល់ប៉ាឡេស្ទីនសម្រាប់ការចូលរួមក្នុងអង្គការសហប្រជាជាតិ ដែលជាការលើកកំពស់គួរឱ្យកត់សម្គាល់នៃឋានៈរបស់ប៉ាឡេស្ទីននៅក្នុងអង្គការអន្តរជាតិ។ ដោយមានរដ្ឋជាសមាជិកចំនួន ១៤៣ បានបោះឆ្នោតគាំទ្រ, ចំនួន ៩ ប្រទេសប្រឆាំង, ខណៈចំនួន ២៥ ប្រទេសផ្សេងទៀតអនុប្បវាទ។
គួរជម្រាបថា ប៉ាឡេស្ទីនបានដាក់ពាក្យសុំចូលជាសមាជិកពេញសិទ្ធិរបស់អង្គការសហប្រជាជាតិ តាំងតែពីឆ្នាំ ២០១១ ប៉ុន្តែមិនបានទទួលការគាំទ្រចាំបាច់ពីក្រុមប្រឹក្សាសន្តិសុខនៃអង្គការសហប្រជាជាតិ ដោយសារការវេតូពីសំណាក់សហរដ្ឋអាមេរិក។ ប៉ុន្តែទោះបីយ៉ាងណា ប៉ាឡេស្ទីនទទួលឋានៈជារដ្ឋសង្កេតការណ៍អចិន្រ្តៃយ៍ នៅឆ្នាំ២០១២ ហើយរហូតមកដល់ឆ្នាំ២០២៤ ទើបទទួលបានកៅអីផ្លូវការក្នុងនាមជារដ្ឋ៕
យ៉ាងហោចណាស់សិស្ស ២៧នាក់ ដែលភាគច្រើនមានអាយុក្រោម ១៣ឆ្នាំ និងគ្រូម្នាក់ បានស្លាប់ បន្ទាប់ពីដំបូលអគារសាលារៀនមួយបានបាក់រលំ ខណៈពួកគេកំពុងរៀនក្នុងថ្នាក់ នៅថ្ងៃថ្ងៃព្រហស្បតិ៍ នេះនៅទីក្រុងប៉េសាវ៉ា (Peshawar) ភាគខាងជើងប្រទេសប៉ាគីស្ថាន។ អាជ្ញាធរបារម្ភថា ចំនួនអ្នកស្លាប់អាចនឹងកើនឡើងបន្ថែមទៀត។ (more…)
នារសៀលថ្ងៃទី១៥ ខែតុលា ឆ្នាំ២០២៦ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានជួបពិភាក្សាទ្វេភាគីជាមួយ ឯកឧត្តម Isaac Herzog ប្រធានាធិបតី អ៊ីស្រាអែល ក្នុងឱកាសនៃការអញ្ជើញបំពេញទស្សនកិច្ចផ្លូវការ និងចូលរួមកិច្ចប្រជុំកំពូល…
នៅថ្ងៃទី៩ ខែតុលា ឆ្នាំ២០២៦ ម៉ាឡេស៊ីបានសម្រេចបិទសាលារៀននៅរដ្ឋចំនួន៤ រួមមាន ចូហ័រ ម៉ាឡាកា នេហ្គឺរីសេមប៊ីឡាន និងសេឡាងហ្គ័រ ព្រមទាំងគូឡាឡាំពួរ ពូត្រាចាយ៉ា និងស្រុករ៉ុមពីន ដោយសារផ្សែងអ័ព្ទបង្កឱ្យគុណភាពខ្យល់ធ្លាក់ចុះដល់កម្រិតមិនល្អចំពោះសុខភាព។ (more…)
ប្រទេសម៉ាឡេស៊ីបានទទួលភ្ញៀវទេសចរអន្តរជាតិចំនួន ២៨,៨ លាននាក់ ក្នុងរយៈពេលពីខែមករា ដល់ខែសីហា ឆ្នាំ២០២៦ កើនឡើង ១,៨% បើធៀបនឹងរយៈពេលដូចគ្នាកាលពីឆ្នាំមុន។ តួលេខនេះបានធ្វើឱ្យម៉ាឡេស៊ីបន្តឈរនៅលំដាប់កំពូលក្នុងតំបន់អាស៊ីអាគ្នេយ៍ ខាងចំនួនភ្ញៀវទេសចរអន្តរជាតិ។ (more…)
អាកាសយានដ្ឋានអន្តរជាតិ King Khalid បានជូនដំណឹងថា ជើងហោះហើរមួយចំនួនអាចមានការយឺតយ៉ាវ ផ្លាស់ប្តូរកាលវិភាគ ឬត្រូវលុបចោល ដោយសារការវិវត្តន៍នៃស្ថានការណ៍ក្នុងតំបន់ និងការរឹតបន្តឹងលើដែនអាកាស។ (more…)
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជាអធិបតីដ៏ខ្ពង់ខ្ពស់ ពិធីបើក “មហាសន្និបាត សហព័ន្ធអតីតយុទ្ធជនបណ្តាប្រទេសអាស៊ាន” លើកទី២៥ (VECONAC) ដែលកម្ពុជាធ្វើជាម្ចាស់ផ្ទះ ក្រោមប្រធានបទ៖ «ជាង៤ទសវត្សនៃសហព័ន្ធអតីតយុទ្ធជនអាស៊ាន៖ រួមគ្នាកសាងមិត្តភាព…