ប្រជាជនប៉ាឡេស្ទីនបានថ្កោលទោសយ៉ាងខ្លាំង ចំពោះសំណើរបស់ប្រធានាធិបតីសហរដ្ឋអាមេរិក លោក ដូណាល់ ត្រាំ ដែលស្នើឱ្យពួកគេផ្លាស់ទីលំនៅចេញពីតំបន់ហ្គាហ្សាស្ទ្រីប ដែលជាផ្ទះ និងជាទឹកដីកំណើតរបស់ពួកគេ ហើយបញ្ជូនទៅកាន់ប្រទេសអេហ្ស៊ីប និងហ្ស៊កដានី ដែលជាប្រទេសក្បែរខាង។
លោក ត្រាំ កាលពីថ្ងៃសៅរ៍ បានប្រាប់អ្នកសារព័ត៌មានថា វាដល់ពេលដែលត្រូវ “សម្អាត” ជនជាតិប៉ាឡេស្ទីនចេញពីតំបន់ហ្គាហ្សាស្ទ្រីប ដែលឡោមព័ទ្ធ ដោយជំរុញឱ្យមេដឹកនាំនៃប្រទេសហ្ស៊កដានី និងអេហ្ស៊ីប ទទួលយកជនជាតិប៉ាឡេស្ទីនពីហ្គាហ្សាជាបណ្តោះអាសន្ន ឬជាអចិន្ត្រៃយ៍។ នេះបើតាមការផ្សាយដោយសារព័ត៌មាន Al Jazeera នៅថ្ងៃទី២៧ ខែមករា ឆ្នាំ២០២៥។
ជុំវិញបញ្ហានេះ ប្រធានាធិបតីប៉ាឡេស្ទីន បាននិយាយនៅក្នុងសេចក្តីថ្លែងការណ៍មួយថា៖ ប្រជាជនប៉ាឡេស្ទីន និងថ្នាក់ដឹកនាំ បដិសេធយ៉ាងដាច់អហង្ការនូវគោលនយោបាយ ឬសកម្មភាពណាមួយដែលមានគោលបំណងធ្វើឱ្យខូចដល់ការរួបរួមនៃទឹកដីប៉ាឡេស្ទីន។
សេចក្តីថ្លែងការណ៍ដដែល បានសង្កត់ធ្ងន់ថា៖ ប្រជាជនប៉ាឡេស្ទីន នឹងមិនបោះបង់ចោលទឹកដី ឬទឹកដីដ៏ពិសិដ្ឋរបស់ពួកគេឡើយ ហើយនឹងមិនអនុញ្ញាតឱ្យមានការកើតឡើងម្តងទៀតនូវគ្រោះមហន្តរាយ (Nakba) ដូចកាលពីឆ្នាំ១៩៤៨ និងឆ្នាំ១៩៦៧ នោះទេ។
ជាមួយគា្ននេះ ក្រុមហាម៉ាសដែលគ្រប់គ្រងតំបន់ហ្គាហ្សា ក៏បានបរិហារសំណើរបស់លោក ត្រាំ ផងដែរ និងបានអំពាវនាវឱ្យរដ្ឋបាលសហរដ្ឋអាមេរិក បោះបង់ចោលសំណើទាំងនេះ ដោយទាមទារឱ្យអាមេរិកគួរធ្វើការដើម្បីឱ្យប្រជាជនប៉ាឡេស្ទីនទទួលបានសេរីភាពរបស់ពួកគេ និងបង្កើតរដ្ឋឯករាជ្យរបស់ពួកគេជាមួយក្រុងហ្សេរុយសាឡឹម ជារដ្ឋធានីរបស់ខ្លួន។
ចំណែកប្រទេសហ្ស៊កដានី ក៏បានបដិសេធ ផងដែរ ដោយរដ្ឋមន្ត្រីការបរទេស លោក Ayman Safadi បានប្រាប់អ្នកសារព័ត៌មានថា៖ ជំហររបស់ប្រទេសហ្ស៊កដានី គឺប្រឆាំងនឹងការផ្លាស់ទីលំនៅរបស់ប្រជាជនប៉ាឡេស្ទីនចេញពីតំបន់ហ្គាហ្សា ដែលជាទឹកដីកំណើតរបស់ពួកគេ ទោះបីជារយៈពេលខ្លីឬរយៈពេលវែងក៏ដោយ ដែលការប្រឆាំងនេះនឹងនៅតែរក្សាយ៉ាងរឹងមាំ និងមិនផ្លាស់ប្តូរ។
គួរជម្រាបថា បន្ថែមពីលើការចង់បោះសម្អាតហ្គាហ្សា លោកត្រាំ ក៏បានអនុញ្ញាតឡើងវិញលើការផ្គត់ផ្គង់គ្រាប់បែកទម្ងន់ ២ ០០០ផោន ឬប្រហែល ៩០៧គីឡូក្រាម ដល់អ៊ីស្រាអែល ដែលត្រូវបានផ្អាកកាលពីក្នុងរដ្ឋបាលប្រធានាធិបតី លោក ចូ បៃដិន ខណៈបារម្ភពីផលប៉ះពាល់លើប្រជាជនស៊ីវិល៕
យ៉ាងហោចណាស់សិស្ស ២៧នាក់ ដែលភាគច្រើនមានអាយុក្រោម ១៣ឆ្នាំ និងគ្រូម្នាក់ បានស្លាប់ បន្ទាប់ពីដំបូលអគារសាលារៀនមួយបានបាក់រលំ ខណៈពួកគេកំពុងរៀនក្នុងថ្នាក់ នៅថ្ងៃថ្ងៃព្រហស្បតិ៍ នេះនៅទីក្រុងប៉េសាវ៉ា (Peshawar) ភាគខាងជើងប្រទេសប៉ាគីស្ថាន។ អាជ្ញាធរបារម្ភថា ចំនួនអ្នកស្លាប់អាចនឹងកើនឡើងបន្ថែមទៀត។ (more…)
នារសៀលថ្ងៃទី១៥ ខែតុលា ឆ្នាំ២០២៦ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានជួបពិភាក្សាទ្វេភាគីជាមួយ ឯកឧត្តម Isaac Herzog ប្រធានាធិបតី អ៊ីស្រាអែល ក្នុងឱកាសនៃការអញ្ជើញបំពេញទស្សនកិច្ចផ្លូវការ និងចូលរួមកិច្ចប្រជុំកំពូល…
នៅថ្ងៃទី៩ ខែតុលា ឆ្នាំ២០២៦ ម៉ាឡេស៊ីបានសម្រេចបិទសាលារៀននៅរដ្ឋចំនួន៤ រួមមាន ចូហ័រ ម៉ាឡាកា នេហ្គឺរីសេមប៊ីឡាន និងសេឡាងហ្គ័រ ព្រមទាំងគូឡាឡាំពួរ ពូត្រាចាយ៉ា និងស្រុករ៉ុមពីន ដោយសារផ្សែងអ័ព្ទបង្កឱ្យគុណភាពខ្យល់ធ្លាក់ចុះដល់កម្រិតមិនល្អចំពោះសុខភាព។ (more…)
ប្រទេសម៉ាឡេស៊ីបានទទួលភ្ញៀវទេសចរអន្តរជាតិចំនួន ២៨,៨ លាននាក់ ក្នុងរយៈពេលពីខែមករា ដល់ខែសីហា ឆ្នាំ២០២៦ កើនឡើង ១,៨% បើធៀបនឹងរយៈពេលដូចគ្នាកាលពីឆ្នាំមុន។ តួលេខនេះបានធ្វើឱ្យម៉ាឡេស៊ីបន្តឈរនៅលំដាប់កំពូលក្នុងតំបន់អាស៊ីអាគ្នេយ៍ ខាងចំនួនភ្ញៀវទេសចរអន្តរជាតិ។ (more…)
អាកាសយានដ្ឋានអន្តរជាតិ King Khalid បានជូនដំណឹងថា ជើងហោះហើរមួយចំនួនអាចមានការយឺតយ៉ាវ ផ្លាស់ប្តូរកាលវិភាគ ឬត្រូវលុបចោល ដោយសារការវិវត្តន៍នៃស្ថានការណ៍ក្នុងតំបន់ និងការរឹតបន្តឹងលើដែនអាកាស។ (more…)
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជាអធិបតីដ៏ខ្ពង់ខ្ពស់ ពិធីបើក “មហាសន្និបាត សហព័ន្ធអតីតយុទ្ធជនបណ្តាប្រទេសអាស៊ាន” លើកទី២៥ (VECONAC) ដែលកម្ពុជាធ្វើជាម្ចាស់ផ្ទះ ក្រោមប្រធានបទ៖ «ជាង៤ទសវត្សនៃសហព័ន្ធអតីតយុទ្ធជនអាស៊ាន៖ រួមគ្នាកសាងមិត្តភាព…