ក្រសួងកិច្ចការសាសនា នៃប្រទេសស៊ីរី (Awqaf) គ្រោងនឹងបន្តទទួលខុសត្រូវរៀបចំសម្រាប់ការធ្វើហាជ្ជីពីប្រទេសស៊ីរី ដោយមានការសម្របសម្រួលជាមួយអាជ្ញាធរអារ៉ាប៊ីសាអូឌីត ចាប់ពីឆ្នាំក្រោយ ក្នុងការបង្ហាញចុងក្រោយនៃទំនាក់ទំនងដ៏កក់ក្តៅរវាងទីក្រុងរីយ៉ាដ និងទីក្រុងដាម៉ាស។ នេះបើតាមការផ្សាយដោយសារព័ត៌មាន Arab News នៅថ្ងៃទី២៦ ខែឧសភា ឆ្នាំ២០២៣។
អស់រយៈពេល ១០ឆ្នាំកន្លងមកនេះ ក្រុមប្រឆាំងស៊ីរីជាអ្នកទទួលខុសត្រូវក្នុងការរៀបចំពិធីបុណ្យ ហាជ្ជីពីប្រទេសស៊ីរី បន្ទាប់ពីអារ៉ាប៊ីសាអូឌីតបានផ្តាច់ទំនាក់ទំនងជាមួយទីក្រុងដាម៉ាស (Damascus) ជុំវិញការគាបសង្កត់ដោយហិង្សាពីសំណាក់រដ្ឋាភិបាលដឹកនាំដោយលោក Bashar al-Assad ចំពោះការតវ៉ាដោយសន្តិវិធី នៅដើមដំបូងនៃសង្រ្គាមស៊ីវិល។
លោក Hassan Nasrallah នាយកកិច្ចការហាជ្ជីនៃប្រទេសស៊ីរី បានប្រាប់កាសែត Al-Watan កាលពីថ្ងៃពុធថា ការរៀបចំកិច្ចការហាជ្ជី គឺផ្អែកលើកិច្ចព្រមព្រៀងរវាងក្រសួងកិច្ចការសាសនា (Awqaf) នៃប្រទេសស៊ីរី និងក្រសួងកិច្ចការហាជ្ជីនិងអុំរ៉ោះ នៃប្រទេសអារ៉ាប៊ីសាអូឌីត។
ជើងហោះហើររវាងទីក្រុង Jeddah, Riyadh នៃប្រទេសអារ៉ាប៊ីសាអូឌីត និងទីក្រុង Damascus ប្រទេសស៊ីរី ត្រូវបានគេរំពឹងថានឹងចាប់ផ្តើមដំណើរការឡើងវិញនៅខែក្រោយ។ ប៉ុន្តែលោក Hassan Nasrallah បានបញ្ជាក់ថា នឹងមិនមានការរៀបចំការធ្វើហាជ្ជីពីប្រទេសស៊ីរីទេនៅឆ្នាំនេះ ពោលគឺការរៀបចំធ្វើហាជ្ជីពីប្រទេសស៊ីរី នឹងប្រព្រឹត្តទៅនៅឆ្នាំក្រោយ។
កិច្ចសហប្រតិបត្តិការជាថ្មីជាមួយរដ្ឋាភិបាលស៊ីរី លើកិច្ចការសាសនា គឺជាសញ្ញាចុងក្រោយបំផុតនៃការធ្វើឱ្យទំនាក់ទំនងមានប្រក្រតីភាពឡើងវិញ រវាងប្រធានាធិបតីស៊ីរី លោក Assad និងរដ្ឋឈូងសមុទ្រ។
គួរជម្រាបថា បន្ទាប់ពីការផ្ទុះឡើងនៃជម្លោះក្នុងប្រទេសស៊ីរីកាលពីឆ្នាំ២០១១មក ការរៀបចំធ្វើហាជ្ជីរបស់ប្រទេសស៊ីរី បានធ្លាក់ទៅលើក្រុមប្រឆាំងរដ្ឋាភិបាលស៊ីរី ដោយបានសហការជាមួយ ក្រសួងកិច្ចការហាជ្ជីនិងអុំរ៉ោះរបស់ប្រទេសអារ៉ាប៊ីសាអូឌីត ដែលដំណើរការចាប់តាំងពីឆ្នាំ២០១៣៕
ប្រទេសអារ៉ាប់ និងប្រទេសមូស្លីមជាច្រើន បានថ្កោលទោសការចូលលុកលុយបរិវេណវិហារ Al-Aqsa នៅក្រុង Jerusalem ដោយរដ្ឋមន្ត្រីសន្តិសុខជាតិអ៊ីស្រាអែល Itamar Ben-Gvir និងក្រុមអ្នកតាំងទីលំនៅអ៊ីស្រាអែល ក្រោមការការពាររបស់កងកម្លាំងប៉ូលិសអ៊ីស្រាអែល។ នៅថ្ងៃទី 29 ខែកញ្ញា ឆ្នាំ…
អ៊ីស្រាអែល៖ ជើងហោះហើរ Flydubai ពីទីក្រុងឌូបៃទៅទីក្រុង Tel Aviv បហរទេសអ៊ីស្រាអែល បានបញ្ចេញសញ្ញាអាសន្ន 7700 ខណៈកំពុងហោះហើរ ហើយបានបង្វែរទិសដៅនៅលើដែនអាកាសអារ៉ាប៊ីសាអូឌីត។ (more…)
រ៉ាបាត៖ព្រះមហាក្សត្រ Mohammed VI នៃប្រទេសម៉ារ៉ុក កាលពីថ្ងៃទី ២៩ ខែកញ្ញា ឆ្នាំ២០២៦បានតែងតាំងលោកស្រី Fatima Ezzahra El Mansouri ជាប្រមុខរដ្ឋាភិបាល ឬនាយករដ្ឋមន្ត្រីថ្មីរបស់ប្រទេស ដែលធ្វើឱ្យលោកស្រីក្លាយជា…
ស្ថានទូតតួកគីប្រចាំកម្ពុជា បានជូនដំណើរនិស្សិតនគរបាលកម្ពុជាចំនួន ១០រូប ទៅកាន់ប្រទេសតួកគី ដើម្បីបន្តការសិក្សាថ្នាក់ បរិញ្ញាបត្រ និងអនុបណ្ឌិត នៅបណ្ឌិតសភានគរបាលតួកគី ក្រោមកម្មវិធីអាហារូបករណ៍ពេញលេញ។ (more…)
កូឡាឡាំពួរ៖ ប្រទេសម៉ាឡេស៊ី នៅថ្ងៃអង្គារ ទី២៩ ខែកញ្ញា ឆ្នាំ២០២៦ បានចាប់ផ្តើមដំណើរការបញ្ជូនពលរដ្ឋមីយ៉ាន់ម៉ាប្រមាណ ១,៥០០នាក់ ត្រឡប់ទៅប្រទេសកំណើតវិញ ជាដំណាក់កាលដំបូងនៃកម្មវិធីដែលអាចនឹងបញ្ជូនមនុស្សរហូតដល់ ៥,០០០នាក់។ រដ្ឋាភិបាលម៉ាឡេស៊ីអះអាងថា ការវិលត្រឡប់នេះធ្វើឡើងដោយស្ម័គ្រចិត្ត។ (more…)
ប្រធានាធិបតីតួកគី លោក Recep Tayyip Erdogan បានប្តេជ្ញាថា ទួរគីនឹងបន្តទាមទារឱ្យអ្នកដែលត្រូវបានចោទប្រកាន់ថាទទួលខុសត្រូវចំពោះអំពើឃោរឃៅ និងឧក្រិដ្ឋកម្មនៅតំបន់ហ្កាហ្សា និងតំបន់ផ្សេងទៀត ប្រឈមមុខនឹងយុត្តិធម៌។ (more…)