ព័ត៌មានជាតិ

បណ្តាអង្គការសមាគម រួមនឹងបងប្អូនសប្បុរសជនមួយចំនួន ចាប់ផ្តើមចែកកញ្ចប់អាហារស្រាយបួសដល់បងប្អូនមូស្លីម ខណៈដែលខែរ៉ម៉ាឌនដ៏ពិសិដ្ឋកាន់តែខិតជិតមកដល់

Spread the love

ភ្នំពេញ៖ ការផ្តល់អាហារជូនដល់អ្នកបួស និងអ្នកដែលមានជីវភាពខ្វះខាត នៅក្នុងសាសនាឥស្លាម គឺជាទង្វើកុសលមួយដែលទទួលបានផលបុណ្យតបស្នងដ៏ច្រើនលើសលប់ ជាពិសេសក្នុងខែរ៉ម៉ាឌន ដែលអ្នកផ្តល់នឹងទទួលបានផលបុណ្យទ្វេដងពីអល់ឡោះជាម្ចាស់។

ខណៈខែរ៉ម៉ាឌនដែលជាខែដ៏ពិសិដ្ឋនៅក្នុងសាសនាឥស្លាមកាន់តែខិតជិតមកដល់ គេសង្កេតឃើញបណ្តាអង្គការសមាគម រួមនឹងបងប្អូនសប្បុរសជនមួយចំនួន បានចាប់ផ្តើមចែកកញ្ចប់អាហារស្រាយបួសរ៉ម៉ាឌន ជូនដល់បងប្អូនមូស្លីម ដើម្បីជាការរួមចំណែកសម្រួលទុក្ខលំបាកនៅក្នុងជីវភាពគ្រួសាររបស់ពួកគាត់។

ជាក់ស្តែង កាលពីថ្ងៃទី១៩ ខែមីនា ឆ្នាំ២០២៣ កន្លងទៅ ស្ថិតនៅខេត្តតាកែវ ក្នុងភូមិកំពង់យោល ឃុំគោកពោធិ៍ ស្រុកបូរីជលសារ សមាគមប្រភពល្អកម្ពុជា បានចែកនូវអំណោយជាកញ្ចប់អាហារខែបួសរ៉ម៉ាដនឆ្នាំ២០២៣ ចំនួន៩៣២កញ្ចប់ ជូនដល់បងប្អូនមូស្លីមដែលចាស់ជរានិងមានជីវភាពខ្វះខាតចំនួន ៩៣២គ្រួសារ មកពីពីរឃុំ គឺឃុំគោកពោធិ៍ និងឃុំបុរីជលសារ។

ចំណែកនៅខាងខេត្តត្បូងឃ្មុំ ក្នុងភូមិថ្មី ឃុំពេល ស្រុកពញាក្រែក មានអង្គការមូលនិធិពិភពកុមារកំព្រារកម្ពុជា ក៏បានធ្វើការចែកនូវកញ្ចប់អាហារស្រាយបួសចំនួន ២២០កញ្ចប់ ជូនដល់បងប្អូនមូស្លីមដែលចាស់ជរា និងមានជីវភាពខ្វះខាត។

ក្រៅពីអង្គការសមាគម ក៏មានសប្បុរសជនទាំងក្នុងស្រុកនិងក្រៅស្រុក បានចូលរួមចែកអំណោយជាកញ្ចប់អាហារស្រាយបួសជូនដល់បងប្អូនមូស្លីមដែលចាស់ជរា និងមានជីវភាពខ្វះខាតផងដែរ។ ជាក់ស្តែង ស្ថិតនៅភូមិទ្រា ស្រុកក្រូចឆ្មារ សប្បុរសជនបានចូលរួមចែកអំណោយជាកញ្ចប់អាហារ ដល់ប្រជាពលរដ្ឋដែលចាស់ជរា និងគ្រួសារដែលមានជីវភាពខ្វះខាត សរុបចំនួន១៤៦កញ្ចប់ តាមរយៈគម្រោង “រ៉ម៉ាឌននៃស្នាមញញឹម”។

គួរជម្រាបថា ក្រៅពីការផ្តល់អំណោយជាកញ្ចប់អាហារដល់បងប្អូនមូស្លីម ក៏មានការរៀបចំកម្មវិធីនៅវិហារឥស្លាម និងអង្គការសមាគមមួយចំនួនផងដែរ ដើម្បីរំលឹកក៏ដូចជាស្វាគមន៍ខែរ៉ម៉ាឌនដែលនឹងឈានចូលមកដល់៕

camm

Recent Posts

មនុស្សស្លាប់ជិត ២០នាក់ ដោយសារភ្លើងឆេះព្រៃជាច្រើនកន្លែង នៅកូរ៉េខាងត្បូង

មនុស្សស្លាប់យ៉ាងហោចណាស់ ១៨នាក់ ដោយសារភ្លើងឆេះព្រៃជាច្រើនកន្លែង នៅទូទាំងតំបន់ភាគអាគ្នេយ៍របស់ប្រទេសកូរ៉េខាងត្បូង។ ភ្លើងឆេះព្រៃបានរាលដាលពាសពេញតំបន់ភាគអាគ្នេយ៍របស់ប្រទេសកូរ៉េខាងត្បូង កាលពីថ្ងៃអង្គារ ទី២៥ ខែមីនា ដោយបង្ខំឱ្យអ្នកស្រុករាប់ពាន់នាក់ភៀសខ្លួនចេញពីផ្ទះសម្បែង និងតំបន់ជុំវិញ ខណៈអាជ្ញាធរបានផ្ទេរអ្នកទោសរាប់រយនាក់ចេញពីពន្ធនាគារ។ នេះបើតាមការផ្សាយដោយសារព័ត៌មាន CNA នៅថ្ងៃទី២៦ ខែមីនា…

1 week ago

មនុស្សស្លាប់ជិត ២០នាក់ ដោយសារភ្លើងឆេះព្រៃជាច្រើនកន្លែង នៅកូរ៉េខាងត្បូង

មនុស្សស្លាប់យ៉ាងហោចណាស់ ១៨នាក់ ដោយសារភ្លើងឆេះព្រៃជាច្រើនកន្លែង នៅទូទាំងតំបន់ភាគអាគ្នេយ៍របស់ប្រទេសកូរ៉េខាងត្បូង។ ភ្លើងឆេះព្រៃបានរាលដាលពាសពេញតំបន់ភាគអាគ្នេយ៍របស់ប្រទេសកូរ៉េខាងត្បូង កាលពីថ្ងៃអង្គារ ទី២៥ ខែមីនា ដោយបង្ខំឱ្យអ្នកស្រុករាប់ពាន់នាក់ភៀសខ្លួនចេញពីផ្ទះសម្បែង និងតំបន់ជុំវិញ ខណៈអាជ្ញាធរបានផ្ទេរអ្នកទោសរាប់រយនាក់ចេញពីពន្ធនាគារ។ នេះបើតាមការផ្សាយដោយសារព័ត៌មាន CNA នៅថ្ងៃទី២៦ ខែមីនា…

1 week ago

ប្រជាជនប៉ាឡេស្ទីនផ្តល់សក្ខីកម្មនៅអង្គការសហប្រជាជាតិ អំពីការធ្វើទារុណកម្ម និងបៀតបៀនកេរ្តិ៍ភេទ ក្នុងអំឡុងពេលឃុំឃាំង ពីសំណាក់ទាហានអ៊ីស្រាអែល

ប្រជាជនប៉ាឡេស្ទីនបានផ្តល់សក្ខីកម្មនៅអង្គការសហប្រជាជាតិ អំពីការធ្វើទារុណកម្មទៅលើពួកគេ និងបៀតបៀនកេរ្តិ៍ភេទអំឡុងពេលឃុំឃាំង ពីសំណាក់ទាហានអ៊ីស្រាអែល។ នេះបើតាមការផ្សាយដោយសារ (more…)

3 weeks ago

ទីភ្នាក់ងារអង្គការសហប្រជាតិទទួលបន្ទុកជនភៀសខ្លួន បានចាប់ផ្តើមផ្តល់ជំនួយមនុស្សធម៌ជាថ្មីទៅដល់មូស្លីមរ៉ូហ៊ីងយ៉ាជិតបីពាន់នាក់នៅក្នុងប្រទេសឥណ្ឌូនេស៊ី

(ហ្សាការតា)៖ លោក Jeff Labovitz ប្រធានបេសកកម្មនៃអង្គការអន្តរជាតិបានឱ្យដឹងថា ទីភ្នាក់ងារអង្គការសហប្រជាតិទទួលបន្ទុកជនភៀសខ្លួន បានចាប់ផ្តើមផ្តល់ជំនួយមនុស្សធម៌ដល់មូស្លីមរ៉ូហ៊ីងយ៉ាដែល (more…)

3 weeks ago

Singapore Ambassador Pays a Courtesy Call on Cambodian Acting Head of State

Cambodia’s Acting Head of State, Samdech Akka Moha Sena Padei Techo Hun Sen (R, Pic.…

3 weeks ago

អារ៉ាប៊ីសាអូឌីតដឹកនាំប្រទេសអារ៉ាប់ផ្សេងទៀតថ្កោលទោសអ៊ីស្រាអែល ក្រោយពីបានកាត់ផ្តាច់អគ្គិសនីនៅតំបន់ហ្គាហ្សា ខណៈអង្គការសហប្រជាជាតិ និងអង្គការមនុស្សធម៌ក៏បានថ្កោលទោសនូវទង្វើនេះថាជាការដាក់ទណ្ឌកម្មទៅលើពលរដ្ឋស្លូតត្រង់ ខុសនិងច្បាប់អន្តរជាតិ

រីយ៉ាដ៖ អារ៉ាប៊ីសាអូឌីត បានដឹកនាំប្រទេសអារ៉ាប់ផ្សេងទៀតដូចជា កាតា និងហ្សកដានី ដើម្បីធ្វើការថ្កោលទោសការសម្រេចចិត្តរបស់អ៊ីស្រាអែល ក្នុងការកាត់ផ្តាច់ការផ្គត់ផ្គង់អគ្គិសនីទៅកាន់តំបន់ហ្គាហ្សា។ ក្នុង (more…)

3 weeks ago