ពោធិសាត់៖ ជារៀងរាល់ឆ្នាំ សប្បុរសជនដែលរស់នៅសហរដ្ឋអាមេរិក តាមរយៈអង្គការមូលនិធិហ្សាកាត់សហរដ្ឋអាមេរិក (Zakat Foundation of America) តែងតែផ្តល់ជំនួយគាំទ្រដល់គម្រោងមនុស្សធម៌នានា ដែលជាការចូលរួមចំណែកអភិវឌ្ឍសហគមន៍នៅក្នុងប្រទេសកម្ពុជា។
ជាក់ស្តែង នាឱកាសពិធីបុណ្យរ៉យ៉ាហាជ្ជី ឆ្នាំ២០២៤ ដែលត្រូវបានប្រារព្ធកាលពីថ្ងៃទី១៧ ខែមិថុនា កន្លងទៅ សប្បុរសជនសហរដ្ឋអាមេរិក តាមរយៈអង្គការមូលនិធិហ្សាកាត់សហរដ្ឋអាមេរិក (Zakat Foundation of America) បានចូលរួមបរិច្ចាគថវិកាចំនួន ៥២លានរៀល ដើម្បីទិញសត្វគោសម្លេះយកសាច់ចែកបងប្អូនខ្មែរឥស្លាមជាង ៦០០គ្រួសារ ដែលមកពី២ភូមិ នៃភូមិចាមថ្មី និងភូមិដង្កៀបក្តាម ក្នុងឃុំឈើតុំ ស្រុកក្រគ ខេត្តពោធិសាត់ ដើម្បីចូលរួមអបអរសាទរពិធីបុណ្យនេះ។
ឯកឧត្តម ស្លេះ ណាស៊ី ទីប្រឹក្សាក្រសួងព័ត៌មាន និងជាប្រធានមជ្ឈមណ្ឌលព័ត៌មូស្លីមកម្ពុជា ដែលមជ្ឈមណ្ឌលនេះបានសហការជាមួយអង្គការមូលនិធិហ្សាកាត់សហរដ្ឋអាមេរិក (Zakat Foundation of America) បានមានប្រសាសន៍អោយដឹងក្នុងពិធីចែកសាច់គោកូរពាន ក្នុងភូមិចាមថ្មី ឃុំឈើតុំ ស្រុកក្រគ ថា នេះជាឆ្នាំទី៩ ហើយដែលមជ្ឈមណ្ឌលព័ត៌មានមូស្លីមកម្ពុជាបានទទួលអនុវត្តគម្រោងចែកគោរកូរហ្ពានដែលផ្តល់ថវិកាពី អង្គការមូលនិធិហ្សាកាត់សហរដ្ឋអាមេរិក (Zakat Foundation of America)។ ខណៈឆ្នាំ២០២៤នេះ ទទួលបានថវិកាចំនួន ៥២លានរៀល ដើម្បីទិញសត្វគោសម្លេះយកសាច់ចែកបងប្អូនខ្មែរឥស្លាមជាង ៦០០គ្រួសារ មកពី២ភូមិ ក្នុងខេត្តពោធិសាត់។
ឯកឧត្តម បានសម្តែងនូវសេចក្តីសោមន្សរីករាយ និងថ្លែងអំណរគុណដល់សប្បុរសជនអាមេរិក ដែលបានចូលរួមបរិច្ចាកថវិកាក្នុងគម្រោងនេះ ក្នុងសារស្មារតីសាមគ្គី និងភាពជាបងប្អូនរួមសាសនា។ ឯកឧត្តម ស្លេះ ណាស៊ី ក៏បានចូលរួមរំលឹកដល់បងប្អូនដែលបានចូលរួមទទួលសាច់គោអោយចេះសាមគ្គីគ្នា និងចូលរួមវិភាគទានក្នុងការងារអភិវឌ្ឍន៍សហគមន៍ ពីព្រោះស្មារតីនៃបុណ្យហាជ្ជី ពិសេសការសំឡេះសត្វគោធ្វើកូរពាននេះ វាបានបង្ហាញនូវស្មារតីលះបង់ និងរួបរួមគ្នាក៏ដូចជាបង្ហាញនូវវប្បធម៌ចែករំលែកដែលឥស្លាមបានប្រៀនប្រដៅតាំងពីជំនាន់ព្យាការីអ៊ីព្រហ៊ីមមកម្លេះ។
ឯកឧត្តមក៏បានគោរពបួងសួងដល់អល់ឡោះជាម្ចាស់អោយប្រទានពរជ័យដល់ម្ចាស់ជំនួយ ហើយសង្ឃឹមយ៉ាងមុតមាំថា អង្គការមូលនិធិហ្សាកាត់សហរដ្ឋអាមេរិក (Zakat Foundation of America) នឹងបន្តជួយគម្រោងនេះ និងគម្រោងអភិវឌ្ឍន៍ផ្សេងៗទៀតក្នុងបុព្វហេតុសហគមន៍ និងប្រទេសជាតិរបស់យើង។
បងប្អូនខ្មែរឥស្លាមដែលបានទទួលសាច់គោ និងថ្នាក់ដឹកនាំមូលដ្ឋាន សុទ្ធតែបានបង្ហាញអារម្មណ៍រីករាយ និងដឹងគុណចំពោះម្ចាស់ជំនួយ និងក្រុមការងារនៃមជ្ឈមណ្ឌលព័ត៌មានមូស្លីមកម្ពុជា ដែលបានចូលរួមឧបត្ថម្ភសាច់គោនាពេលនេះ។
គួរបញ្ចាក់ថា គម្រោងចែកគោរកូរបានជាផ្នែកមួយនៃគម្រោងប្រចាំឆ្នាំក្នុងកម្មវិធីមនុស្សធម៌ដែលមជ្ឈមណ្ឌលព័ត៌មូស្លីមកម្ពុជា បាននឹងកំពុងអនុវត្តន៍ដោយមានកិច្ចសហប្រត្តិការជាមួយសប្បុរសជន និងអង្គការសមាគមក្រៅប្រទេស ក្នុងបំណងលើកកំពស់ស្មារតីរួមគ្នា និងចែករំលែកសម្រាប់សហគមន៍៕
លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានសម្រេចបញ្ចប់តំណែង និងលុបឈ្មោះពីក្របខណ្ឌមន្ត្រីរាជការ លោក គឹម ប្រុស ពីប្រធានសាខាកិច្ចការពារអ្នកប្រើប្រាស់ និងការប្រកួតប្រជែង «ក.ប.ប» (more…)
កំពង់ចាម៖ នៅរសៀលថ្ងៃទី១៣ ខែឧសភា ឆ្នាំ២០២៦ ឯកឧត្តម អ៊ុន ចាន់ដា អភិបាលនៃគណ:អភិបាលខេត្តកំពង់ចាម បានដឹកនាំក្រុមការងារ អញ្ជើញចុះសួរសុខទុក្ខ និងពិនិត្យ សំណង់ផ្ទះថ្មី ដែលជាចំណងដៃដ៏ថ្លៃថ្លារបស់លោកជំទាវបណ្ឌិត ពេជ ចន្ទមុន្នី…
ភ្នំពេញ៖ នាព្រឹកថ្ងៃអង្គារ ទី១២ ខែឧសភា ឆ្នាំ២០២៦នេះ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា អញ្ញើញជាអធិបតីសម័យប្រជុំវិសាមញរដ្ឋសភាលើកទី៥ នីតិកាលទី៧ នៅវិមានរដ្ឋសភា រាជធានីភ្នំពេញ ដែលមាន សមាជិកសមាជិកាចំនួន…
កណ្តាល៖ ពិតជាអាណោចអាធ័ម និងតក់ស្លត់សម្រាប់គ្រួសារមួយដែលកូនស្រីអាយុទើប៥ឆ្នាំ ដែលជាទីស្រឡាញ់បំផុត ត្រូវបានឃាតកសម្លាប់ ដោយសារជំរិតទារប្រាក់ចំនួន ១ម៉ឺនដុល្លារមិនបានពីឪពុកម្តាយរបស់នាង។ តែយ៉ាងណា ជនដៃដល់រូបនេះ ត្រូវបានកម្លាំងនគរបាលខេត្តកណ្តាល តាមចាប់ខ្លួនភ្លាមៗ។ (more…)
ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានអនុញ្ញាតជូនឯកឧត្តម AHMET Gurbanov អនុរដ្ឋមន្ត្រីក្រសួងការបរទេសតួកម៉ានីស្ថាន អមដោយឯកឧត្តម MUHAMMETNYYAZ Mashalov អគ្គរដ្ឋទូតតួកម៉េនីស្ថានប្រចាំកម្ពុជា (មាននិវេសនដ្ឋាននៅប្រទេសម៉ាឡេស៊ី) និងសហការីជាន់ខ្ពស់ ចូលជួបសម្តែងការគួរសម…
បន្ទាយមានជ័យ ៖ កម្លាំងជំនាញរបស់អគ្គស្នងការដ្ឋាននគរបាលជាតិ នៅថ្ងៃទី៦ ខែឧសភា ឆ្នាំ២០២៦នេះ បានបើកប្រតិបត្តិការជួយសង្គ្រោះជនជាតិថៃ ចំនួន ២៨នាក់ ដែលត្រូវបានជនល្មើសចាប់បង្ខាំងដោយខុសច្បាប់ នៅផ្ទះជួល១កន្លែង ជាប់ផ្លូវជាតិលេខ៥៨ ស្ថិតក្នុងភូមិអូរឬស្សីលើ សង្កាត់អូរឬស្សី ក្រុងប៉ោយប៉ែត…