នាយករដ្ឋមន្រ្តិអ៊ីស្រាអែលអរគុណលោក ដូណាល់ត្រាំ ដែលបានរក្សាការសន្យាក្នុងការគាំទ្រអ៊ីស្រាអែល
ប្រភពពីBTV News បានឲ្យដឹងថា នាយករដ្ឋមន្ត្រីលោក ណេតាន់យ៉ាហ៊ូ បានថ្លែងអំណរគុណដល់លោកប្រធានាធិបតីអាមេរិក ដូណាល់ត្រាំ ក្នុងការបង្ហោះនៅលើបណ្ដាញសង្គម Twitter កាលពីថ្ងៃអាទិត្យចុងសប្ដាហ៍នេះ សម្រាប់ការរក្សាការសន្យារបស់លោក ដើម្បីផ្តល់ឱ្យអ៊ីស្រាអែលនូវឧបករណ៍ដែលខ្លួនត្រូវការដើម្បីការពារខ្លួន ទប់ទល់ការប្រឈមនឹងសត្រូវចម្បងរបស់យើង និងដើម្បីធានាអនាគតនៃសន្តិភាព និងវិបុលភាព។
មន្ត្រីអ៊ីស្រាអែលបានប្រាប់សារព័ត៌មាន Jerusalem Post កាលពីថ្ងៃសៅរ៍ថា សេតវិមានបានបញ្ចេញគ្រប់បែកចំនួន ១.៨០០ តោន ដែលកន្លងមក ត្រូវបានបង្កកដោយអតីតប្រធានាធិបតីសហរដ្ឋអាមេរិក លោក ចូបៃដិន ។នៅថ្ងៃសៅរ៍ដដែលនោះ លោកប្រធានាធិបតីអាមេរិក ត្រាំ បានសរសេរក្នុងការបង្ហោះនៅលើវេទិកាប្រព័ន្ធផ្សព្វផ្សាយសង្គម Truth Socialរបស់លោកថា ឧបករណ៍ជាច្រើនកំពុងធ្វើដំណើរទៅកាន់ប្រទេសអ៊ីស្រាអែល។ BTV News
