ព័ត៌មានជាតិ

ទេសរដ្ឋមន្ដ្រី អូស្មាន ហាស្សាន់ ស្នើរដ្ឋមន្រ្តីក្រសួងពាណិជ្ជកម្ម និងឧស្សាហកម្មកាតា ជំរុញវិនិយោគិនមកកម្ពុជា

Spread the love

(កាតា)៖ លោកបណ្ឌិត អូស្មាន ហាស្សាន់ ទេសរដ្ឋមន្ត្រីទទួលបន្ទុកបេសកកម្មពិសេស ជួបពិភាក្សាការងារជាមួយលោក Mohammad Bin Hamad Bin Qasim Al-Abdullah Al-Thani រដ្ឋមន្រ្តីក្រសួងពាណិជ្ជកម្ម និងឧស្សាហកម្ម និងជាក្រុមប្រឹក្សាអាជ្ញាធរវិនិយោគកាតា (QIA) នៅទីស្តីការក្រសួង ក្នុងទីក្រុងដូហា ប្រទេសកាតា នាព្រឹកថ្ងៃទី២៣ ខែកញ្ញា ឆ្នាំ២០២៤។ ជំនួបនេះ មានគោលបំណងពង្រឹង និងពង្រីកកិច្ចសហប្រតិបត្តិការរវាងកម្ពុជា និងកាតា លើវិស័យពាណិជ្ជកម្ម វិស័យកសិកម្ម ការងារវិនិយោគ និងឧស្សាហកម្ម ដើម្បីជាផលប្រយោជន៍រួម នៃភាគីទាំងពីរ។

ក្នុងឱកាសនោះ ទេសរដ្ឋមន្ត្រី អូស្មាន ហាស្សាន់ បានជម្រាបនូវចំណុចសំខាន់ៗ នៃវិស័យកសិកម្មរបស់កម្ពុជា ដោយក្នុងមួយឆ្នាំៗ កម្ពុជាអាចផលិតស្រូវ បានលើសពី៧លានតោន និងគ្រាប់ស្វាយចន្ទីអាចផលិតបាន១លានតោន ដោយមានគុណភាពខ្ពស់លើពិភពលោក ហើយលោកបានបញ្ជាក់ថា ឧស្សាហកម្ម​ហាឡាល​ នៅកម្ពុជា ក៏មាន​ការ​អភិវឌ្ឍ​ផងដែរ។

ប៉ុន្តែជុំវិញការវេចខ្ចប់សម្រាប់នាំចេញទៅទីផ្សារអន្តរជាតិ កម្ពុជានៅមានបញ្ហាខ្វះខាតនៅឡើយ ដូច្នេះទេសរដ្ឋមន្ត្រី អូស្មាន ហាស្សាន់ ស្នើភាគីកាតា ជួយផ្សព្វផ្សាយ និងកៀរគរ អ្នកវិនិយោគកាតា មកវិនិយោគនៅកម្ពុជា ព្រោះកម្ពុជាសម្បូរវត្ថុធាតុដើមដែលមានគុណភាព មានតម្លៃពលកម្មទាប ហើយរដ្ឋាភិបាលកម្ពុជាមានច្បាប់អនុគ្រោះជាច្រើន សម្រាប់អ្នកវិនិយោគបរទេស ដែលជាឱកាសសម្រាប់វិនិយោគិនមក ធ្វើការវិនិយោគលើ វិស័យសំខាន់ៗ មានដូចជា កសិកម្ម ទេសចរណ៍ ហេដ្ឋារចនាសម្ព័ន្ធ ការផលិតម្ហូបអាហារ ឧស្សាហកម្មឈើខ្លឹមចន្នន៍ និងផ្សេងៗទៀត។

លោកក៏បានលើកឡើង ពីភាពរីកចម្រើនលើគ្រប់វិស័យនៅកម្ពុជា ក្រោមការដឹកនាំដ៏ខ្ពង់ខ្ពស់របស់សម្តេចតេជោ ហ៊ុន សែន អតីតនាយករដ្ឋមន្ត្រី និងបន្តមកសម្តេចបវរធីបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ដោយបានបង្កនូវភាពងាយស្រួលដល់វិនិយោគទុនក្នុងស្រុក  ធ្វើការស្ដារហេដ្ឋារចនាសម្ព័ន្ធ សំខាន់ៗជាច្រើន មានដូចជា ការសាងសង់ផ្លូវល្បឿនលឿន ព្រលានយន្តហោះថ្មីៗ កំពង់ផែកម្រិតអន្តរជាតិ ស្ពាន និងវិស័យសំខាន់ៗផ្សេងៗជាច្រើនទៀត។ ជាពិសេសកម្ពុជា កំពុងជីកព្រែកហ្វូណនតេជោ ដែលនឹងធ្វើឲ្យសេដ្ឋកិច្ចជាតិមានកើនឡើងជាបន្តបន្ទាប់។

ជាការឆ្លើយតប រដ្ឋមន្ត្រីពាណិជ្ជកម្ម និងឧស្សាហកម្មកាតា បានលើកឡើងថា រដ្ឋកាតាមានទំនាក់ទំនងកិច្ចសហប្រតិបត្តិការល្អជាមួយកម្ពុជា ដោយបានកត់សម្គាល់ពីសារៈសំខាន់ នៃការបង្កើនការវិនិយោគរបស់កាតា ក្នុងវិស័យផ្សេងៗខាងលើ។

លោកបានស្នើឲ្យមានជំនួបរវាងធុរកិច្ចជន ឬសភាពាណិជ្ជកម្មរវាងប្រទេសទាំងពីរ។ លោកបានបញ្ជាក់ដែរថា បច្ចុប្បន្នប្រទេសកាតា មានអ្នកវិនិយោគមកពីបណ្តាប្រទេសផ្សេងៗចំនួន១០០ប្រទេស ហើយរាជរដ្ឋាភិបាលកាតា បានយកចិត្តទុកដាក់ និងការពារ ពួកគាត់ទាំងអស់ ឲ្យមានភាពងាយស្រួល និងកក់ក្តៅ ក្នុងការធ្វើវិនិយោគនៅទីនោះ៕
ប្រភព៖ freshnewsasia.com

 

camm

Share
Published by
camm

Recent Posts

កូនភ្លោះ ខ្មែរឥស្លាម ៣នាក់ នៅស្រុកក្រូចឆ្នារ ទទួលបានអំណោយពី សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា

ឯកឧត្តម ប៉ែន កុសល្យ អភិបាលនៃគណៈអភិបាលខេត្តត្បូងឃ្មុំ និងឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម នៅថ្ងៃទី៣០ ខែកញ្ញា បានអញ្ជើញជួបសំណេះសំណាល នាំយកប្រសាសន៍ផ្តាំផ្ញើសួរសុខទុក្ខ អំណោយ និងថវិកាមួយចំនួន របស់សម្តេចកិត្តិព្រឹទ្ធបណ្ឌិត…

1 day ago

លោកណេតាន់យ៉ាហ៊ូសុំទោសនាយករដ្ឋមន្រ្តីកាតាចំពោះការវាយប្រហារកាតា កាលពីពេលថ្មីៗនេះ

នាយករដ្ឋមន្ត្រីអ៊ីស្រាអែល លោក Benjamin Netanyahu ដែលបានទូរស័ព្ទទៅកាន់នាយករដ្ឋមន្រ្តីកាតាពីសេតវិមានកាលពីថ្ងៃចន្ទ បានសុំទោសចំពោះការវាយប្រហារប្រឆាំងនឹងក្រុមហាម៉ាស់នៅក្នុងប្រទេសឈូង (more…)

2 days ago

វិហារឥស្លាមមួយខ្នង ស្ថិតនៅឃុំក្រញូងសែនជ័យ ស្រុកស្នួល ខេត្តក្រចេះ ក្រោមជំនួយឧបត្ថម្ភពីអង្គការមូលនិធិហ្សាកាត់អាមេរិច តាមរយៈមជ្ឈមណ្ឌលព័ត៌មានមូស្លីមកម្ពុជា ត្រូវបានប្រគល់អោយប្រើប្រាស់ក្រោយពីសាងសង់រួចជាស្ថាពរ

ក្រចេះ៖ វិហារឥស្លាមដ៏ស្រស់ស្អាតមួយខ្នងដែលមានឈ្មោះថា “អាល់ ហ្វូរកន” ដោយទទួលបានជំនួយឧបត្ថម្ភពីអង្គការមូលនិធិហ្សាកាត់អាមេរិច តាមរយៈមជ្ឈមណ្ឌលព័ត៌មានមូស្លីមកម្ពុជា ពេលនេះត្រូវ (more…)

2 days ago

ស្នងការសហភាពអឺរ៉ុបនឹងអនុម័តយល់ព្រមលើកញ្ចប់វិធានការ ដាក់ទណ្ឌកម្មថ្មីលើអ៊ីស្រាអែល

អ្នកនាំពាក្យរបស់គណៈកម្មការ នៅថ្ងៃអង្គារ (ទី១៦ ខែកញ្ញា) នេះ បានឲ្យដឹងថា ស្នងការសហភាពអឺរ៉ុប (EU) នឹងយល់ព្រមលើដំណើរការដាក់ទណ្ឌកម្មថ្មី ប្រឆាំងនឹងអ៊ីស្រាអែល នៅថ្ងៃពុធ (ទី១៧ ខែកញ្ញា) ជុំវិញសង្គ្រាមរបស់ប្រទេសនេះ នៅតំបន់ហ្កាហ្សា។…

2 weeks ago

ទេសរដ្ឋមន្ត្រី អូស្មាន ហាស្សាន់ ស្នើស្ថាប័នហាឡាលម៉ាឡេស៊ី ទទួលស្គាល់ហាឡាលកម្ពុជា ដើម្បីឲ្យអ្នកផលិត ឬកែច្នៃផលិតផលដែលមានស្លាកសញ្ញាហាឡាលកម្ពុជា អាចនាំចេញទៅម៉ាឡេស៊ីនិងពិភពលោក

នៅថ្ងៃទី១៦ ខែកញ្ញា ឆ្នាំ២០២៥នេះ ឯកឧត្តម អូស្មាន ហាស្សាន់ ទេសរដ្ឋមន្ត្រីទទួលបន្ទុកបេសកកម្មពិសេស និងជាអនុប្រធានគណៈកម្មាធិការត្រួតពិនិត្យផលិតផលហាឡាលកម្ពុជា បានជួបពិភាក្សាការងារជាមួយ (more…)

2 weeks ago