តុលាការសហព័ន្ធរបស់ប្រទេសម៉ាឡេស៊ី កាលពីថ្ងៃទី៩ ខែកុម្ភៈ ឆ្នាំ២០២៤ កន្លងទៅ បានចេញសាលក្រម សម្រេចលុបចោលបទប្បញ្ញត្តិចំនួន១៦ នៅក្នុងក្រមព្រហ្មទណ្ឌស្ហារីអះរបស់រដ្ឋកាឡាន់តាន់ ដែលត្រូវបាន នាយកដ្ឋានតុលាការស្ហារីអះរបស់ប្រទេស អះអាងថា ជាការពង្រឹងបន្ថែមទៀតនូវច្បាប់ឥស្លាម ក៏ប៉ុន្តែក្រុមអ្នកគាំទ្រច្បាប់ស្ហារីអះបានថ្កោលទោសចំពោះការសម្រេចរបស់តុលាការ ហើយថាការសម្រេចនេះវានឹងធ្វើអោយខូចដល់ប្រព័ន្ធតុលាការស្ហារីអះទូទាំងប្រទេស។
សេចក្តីប្រកាសរបស់ នាយកដ្ឋានតុលាការស្ហារីអះ ដែលត្រូវបានដកស្រង់ផ្សាយដោយសារព័ត៌មាន NST Online នៅថ្ងៃទី១២ ខែកុម្ភៈ ឆ្នាំ២០២៤ បាននិយាយថា សេចក្តីសម្រេចរបស់តុលាការកំពូលលើបទប្បញ្ញត្តិទាំង១៦ បានកើតឡើងដោយសារតែនីតិបញ្ញត្តិរដ្ឋ Kelantan បានហួសពីអំណាចរបស់ខ្លួនក្នុងការអនុម័តច្បាប់បែបនេះ។
នៅក្នុងសេចក្តីប្រកាសដដែល នាយកដ្ឋានតុលាការស្ហារីអះ បានគូសបញ្ជាក់ថា ការលុបចោលបទប្បញ្ញត្តិទាំង១៦ ក៏នឹងធ្វើឱ្យមានការចុះសម្រុងគ្នាចំពោះបទល្មើសដែលមាន ទាំងនៅក្រោមច្បាប់ស្ហារីអះឥស្លាម និងច្បាប់រដ្ឋប្បវេណី។ ហើយថាការដាក់ទណ្ឌកម្ម takzir ឬការដាក់ទណ្ឌកម្មសម្រាប់អ្នកដែលបានប្រព្រឹត្តអំពើបាបនៅក្នុងសាសនាឥស្លាម ធ្វើឱ្យខូចដល់សហគមន៍មូស្លីម ឬការគំរាមកំហែងដល់សណ្តាប់ធ្នាប់សាធារណៈនោះ ត្រូវបានរកឃើញនៅក្នុងច្បាប់តុលាការស្ហារីអះ ហើយវាស្របទៅនឹងក្រមព្រហ្មទណ្ឌនៅក្នុងតុលាការស៊ីវិលដែរ។
នៅក្នុងការសម្រេចចិត្តដោយមតិភាគច្រើន ៨ទល់នឹង១ តុលាការសហព័ន្ធបានបដិសេធបទប្បញ្ញត្តិចំនួន១៨ ដែលបង្កើតឡើងដោយរដ្ឋាភិបាលនៃរដ្ឋ Kelantan ដែលបានដាក់ទណ្ឌកម្មតាមច្បាប់ មានឫសគល់នៅក្នុងសាសនាឥស្លាម សម្រាប់បទល្មើសដែលរួមមាន ការរួមភេទដូចគ្នា, ការបៀតបៀនផ្លូវភេទ, ការរួមរក្សខុសច្បាប់ និងការបំផ្លាញ ឬបង្ខូចកន្លែងថ្វាយបង្គំជាដើម។
ការសម្រេចចិត្តបានកើតឡើងបន្ទាប់ពីអនុញ្ញាតឱ្យមានការស្នើសុំដោយមេធាវីពីរនាក់ ម្តាយនិងកូនស្រី ដើម្បីជំទាស់នឹងបទប្បញ្ញត្តិនៅក្រោមច្បាប់ព្រហ្មទណ្ឌ Kelantan ស្ហារីអះ ឆ្នាំ២០១៩។ អ្នកទាំងពីរ បានអះអាងថា បទប្បញ្ញត្តិទាំង១៨ ដែលរួមមានបទល្មើស និងការដាក់ទណ្ឌកម្ម ត្រូវបានគ្របដណ្តប់ដោយច្បាប់សហព័ន្ធរួចហើយ។
ទោះជាយ៉ាងណាក៏ដោយ កាលពីថ្ងៃសុក្រ ក្រុមអ្នកគាំទ្រចច្បាប់សា្ហរីអះរាប់រយអ្នកមកពីគណបក្សឥស្លាម PAS បានជួបជុំគ្នានៅក្រៅតុលាការសហព័ន្ធដោយតវ៉ា និងអំពាវនាវឲ្យមានការការពារច្បាប់សារីអះ ។ ប្រទេសម៉ាឡេស៊ីជាប្រទេសមួយមានប្រព័ន្ធច្បាប់ពីរផ្នែក ដោយមានទាំងច្បាប់រដ្ឋាភិបាល និងច្បាប់ស្ហារីអះ។ ច្បាប់អ៊ីស្លាមផ្អែកលើគម្ពីរគួរអាន និងហាឌីស ឬប្រសាសន៍របស់ព្យាការីមូហាំម៉ាត់ (S.A.W) គ្របដណ្តប់លើបញ្ហាផ្ទាល់ខ្លួន និងគ្រួសារសម្រាប់ប្រជាជនម៉ូស្លីម។ ម៉ាឡេស៊ីជាប្រទេសដែលមានអ្នកកាន់សាសនាឥស្លាមភាគច្រើន សរុបប្រមាណជា ៣៣លាននាក់ ស្មើនឹងចំនួនពីរភាគបីនៃប្រជាជនម៉ាឡេស៊ី៕
យ៉ាងហោចណាស់សិស្ស ២៧នាក់ ដែលភាគច្រើនមានអាយុក្រោម ១៣ឆ្នាំ និងគ្រូម្នាក់ បានស្លាប់ បន្ទាប់ពីដំបូលអគារសាលារៀនមួយបានបាក់រលំ ខណៈពួកគេកំពុងរៀនក្នុងថ្នាក់ នៅថ្ងៃថ្ងៃព្រហស្បតិ៍ នេះនៅទីក្រុងប៉េសាវ៉ា (Peshawar) ភាគខាងជើងប្រទេសប៉ាគីស្ថាន។ អាជ្ញាធរបារម្ភថា ចំនួនអ្នកស្លាប់អាចនឹងកើនឡើងបន្ថែមទៀត។ (more…)
នារសៀលថ្ងៃទី១៥ ខែតុលា ឆ្នាំ២០២៦ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានជួបពិភាក្សាទ្វេភាគីជាមួយ ឯកឧត្តម Isaac Herzog ប្រធានាធិបតី អ៊ីស្រាអែល ក្នុងឱកាសនៃការអញ្ជើញបំពេញទស្សនកិច្ចផ្លូវការ និងចូលរួមកិច្ចប្រជុំកំពូល…
នៅថ្ងៃទី៩ ខែតុលា ឆ្នាំ២០២៦ ម៉ាឡេស៊ីបានសម្រេចបិទសាលារៀននៅរដ្ឋចំនួន៤ រួមមាន ចូហ័រ ម៉ាឡាកា នេហ្គឺរីសេមប៊ីឡាន និងសេឡាងហ្គ័រ ព្រមទាំងគូឡាឡាំពួរ ពូត្រាចាយ៉ា និងស្រុករ៉ុមពីន ដោយសារផ្សែងអ័ព្ទបង្កឱ្យគុណភាពខ្យល់ធ្លាក់ចុះដល់កម្រិតមិនល្អចំពោះសុខភាព។ (more…)
ប្រទេសម៉ាឡេស៊ីបានទទួលភ្ញៀវទេសចរអន្តរជាតិចំនួន ២៨,៨ លាននាក់ ក្នុងរយៈពេលពីខែមករា ដល់ខែសីហា ឆ្នាំ២០២៦ កើនឡើង ១,៨% បើធៀបនឹងរយៈពេលដូចគ្នាកាលពីឆ្នាំមុន។ តួលេខនេះបានធ្វើឱ្យម៉ាឡេស៊ីបន្តឈរនៅលំដាប់កំពូលក្នុងតំបន់អាស៊ីអាគ្នេយ៍ ខាងចំនួនភ្ញៀវទេសចរអន្តរជាតិ។ (more…)
អាកាសយានដ្ឋានអន្តរជាតិ King Khalid បានជូនដំណឹងថា ជើងហោះហើរមួយចំនួនអាចមានការយឺតយ៉ាវ ផ្លាស់ប្តូរកាលវិភាគ ឬត្រូវលុបចោល ដោយសារការវិវត្តន៍នៃស្ថានការណ៍ក្នុងតំបន់ និងការរឹតបន្តឹងលើដែនអាកាស។ (more…)
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជាអធិបតីដ៏ខ្ពង់ខ្ពស់ ពិធីបើក “មហាសន្និបាត សហព័ន្ធអតីតយុទ្ធជនបណ្តាប្រទេសអាស៊ាន” លើកទី២៥ (VECONAC) ដែលកម្ពុជាធ្វើជាម្ចាស់ផ្ទះ ក្រោមប្រធានបទ៖ «ជាង៤ទសវត្សនៃសហព័ន្ធអតីតយុទ្ធជនអាស៊ាន៖ រួមគ្នាកសាងមិត្តភាព…