តុលាការកំពូលអារ៉ាប៊ីសាអូឌីតអំពាវនាវឲ្យពលរដ្ឋរបស់ខ្លួនមើលខ្នើតខែហ្ស៊ុលហិជ្ជៈនៅល្ងាចថ្ងៃព្រហស្ប៍ទី៦ ខែមិថុនា ដើម្បីកំណត់ថ្ងៃនៃការចាប់ផ្តើមខែហ្សុលហិជ្ជៈនិងការប្រតិបត្តធម្មយាត្រាហាជ្ជី
បើតាមទីភ្នាក់ងារព័ត៌មានផ្លូវការរបស់អារ៉ាប៊ីសាអូឌីត បានរាយការណ៍កាលពីថ្ងៃពុធនេះថា តុលាការកំពូលរបស់ប្រទេសអារ៉ាប៊ីសាអូឌីត បានអំពាវនាវឱ្យជនមូស្លីមទាំងអស់នៅក្នុងប្រទេស មើលអឌ្ឍចន្ទឬខ្នើតខែ ហ្សុលហិជ្ចៈ នៅល្ងាចព្រហស្ប៍ទី៦ ខែ មិថុនាដោយ ការមើលឃើញខ្នើតខែនេះគឺជាការបញ្ជាក់នៃចាប់ផ្តើមនៃខែឥស្លាមហ្ស៊ុលហិជ្ជៈហើយការធ្វើធម្មយាត្រាហាជ្ជីនឹងត្រូវបានអនុវត្តន៍និងការប្រារព្វបុណ្យអាដហា ។
សម្រាប់ប្រទេសសអារ៉ាប៊ីសាអូឌីត:
បើសិនជាខែហ្ស៊ុលហ៊ីជ្ជះ ចាប់ផ្តើមពីថ្ងៃសុក្រ ទី ០៧/០៦/២០២៤ នោះថ្ងៃអារ៉ហ្វះ គឺត្រូវនឹងថ្ងៃសៅរ៍ ទី ១៥/០៦/២០២៤ ហើយថ្ងៃរ៉យ៉ាហាជ្ជី គឺត្រូវនឹងថ្ងៃអាទិត្យ ទី ១៦/០៦/២០២៤។បើសិនជាខែហ្ស៊ុលហ៊ីជ្ជះ ចាប់ផ្តើមពីថ្ងៃសៅរ៍ ទី ០៨/០៦/២០២៤ នោះថ្ងៃអារ៉ហ្វះ គឺត្រូវនឹងថ្ងៃអាទិត្យ ទី ១៦/០៦/២០២៤ ហើយថ្ងៃរ៉យ៉ាហាជ្ជី គឺត្រូវនឹងថ្ងៃចន្ទ ទី ១៧/០៦/២០២៤។
