គិតត្រឹមល្ងាចថ្ងៃអាទិត្យ ចំនួនមនុស្សស្លាប់បានកើនឡើងដល់ ៣៤នាក់ ខណៈមនុស្សចំនួន១៦នាក់ផ្សេងទៀតនៅតែបន្តបាត់ខ្លួន ដែលបង្កឡើងដោយគ្រោះទឹកជំនន់ដ៏គំហុក និងកម្អែភ្នំភ្លើងវាយប្រហារលើកោះស៊ូម៉ាត្រាភាគខាងលិច ប្រទេសឥណ្ឌូនេស៊ី។ នេះបើតាមការគូសបញ្ជាក់ពីមន្ត្រីគ្រោះមហន្តរាយក្នុងតំបន់ ដែលដកស្រង់ផ្សាយដោយសារព័ត៌មាន The Jakarta Post នៅថ្ងៃទី១២ ខែឧសភា ឆ្នាំ២០២៤។
ភ្លៀងធ្លាក់យ៉ាងខ្លាំងនិងជាច្រើនម៉ោង បានបង្កទៅជាទឹកជំនន់នៅក្នុងស្រុកចំនួនពីរ នៃខេត្តស៊ូម៉ាត្រាខាងលិច កាលពីល្ងាចថ្ងៃសៅរ៍ ទន្ទឹមនឹងនោះ កម្អែភ្នំភ្លើង និងថ្មធំៗក៏បានធ្លាក់ពីលើភ្នំ Marapi ដែលជាភ្នំភ្លើងសកម្មបំផុតនៅស៊ូម៉ាត្រាផងដែរ។
អ្នកនាំពាក្យទីភ្នាក់ងារគ្រោះមហន្តរាយនៅស៊ូម៉ាត្រាខាងលិច លោក Ilham Wahab បានប្រាប់ទីភ្នាក់ងារសារព័ត៌មាន AFP ថា៖ មកដល់ពេលនេះ ទិន្នន័យបឋមមានមនុស្សចំនួន ៣៤នាក់បានស្លាប់ ដែលក្នុងនោះ ១៦នាក់នៅតំបន់ Agam និង ១៨នាក់ទៀតនៅ Tanah Datar ។ ជាមួយគ្នានេះមានមនុស្សចំនួន ១៨នាក់បានរងរបួស ហើយក្រុមការងារកំពុងបន្តស្វែងរកមនុស្ស ១៦នាក់ផ្សេងទៀតដែលបានបាត់ខ្លួន។ លោកបានបន្តថា កិច្ចខិតខំប្រឹងប្រែងស្វែងរក និងជួយសង្គ្រោះនេះ មានការចូលរួមពីគ្រប់ភាគីពាក់ព័ន្ធក្នុងតំបន់ រួមមាន៖ ប៉ូលិស ទាហាន និងអ្នកស្ម័គ្រចិត្ត។
យោងតាមទីភ្នាក់ងារស្វែងរក និងជួយសង្គ្រោះ Basarnas ស្រុក Agam និង Tanah Datar ត្រូវបានវាយប្រហារដោយទឹកជំនន់ដ៏គំហុក និងកម្អែភ្នំភ្លើង នៅវេលាម៉ោងប្រហែល ១០៖៣០នាទីយប់ (ម៉ោងក្នុងតំបន់) កាលពីថ្ងៃសៅរ៍ ។
អាជ្ញាធរមិនអាចផ្តល់តួលេខនៃចំនួនមនុស្សដែលត្រូវបានជម្លៀសចេញពីតំបន់នោះទេ ដោយសារពួកគេផ្តោតសំខាន់ក្នុងការស្វែងរកអ្នកដែលបាត់ខ្លួន។ ប៉ុន្តែយោងតាមរបាយការណ៍ពី ទីភ្នាក់ងារជាតិ គ្រប់គ្រងគ្រោះមហន្តរាយ (BNPB) បានអោយដឹងថា វិហារឥស្លាមចំនួន១ ផ្ទះប្រជាពលរដ្ឋចំនួន ៨៤ខ្នង និងស្ពានចំនួន ១៦ ត្រូវបានបំផ្លាញដោយគ្រោះមហន្តរាយនេះ។
គួរជម្រាបថា ឥណ្ឌូណេស៊ីជាប្រទេសដែលងាយនឹងរងគ្រោះដោយសារការបាក់ដី និងទឹកជំនន់ក្នុងរដូវវស្សា។ កាលពីខែមីនាកន្លងទៅ យ៉ាងហោចណាស់មនុស្ស ២៦នាក់ បានស្លាប់បន្ទាប់ពីការរអិលបាក់ដី និងទឹកជំនន់វាយប្រហារកោះស៊ូម៉ាត្រាភាគខាងលិច៕
យ៉ាងហោចណាស់សិស្ស ២៧នាក់ ដែលភាគច្រើនមានអាយុក្រោម ១៣ឆ្នាំ និងគ្រូម្នាក់ បានស្លាប់ បន្ទាប់ពីដំបូលអគារសាលារៀនមួយបានបាក់រលំ ខណៈពួកគេកំពុងរៀនក្នុងថ្នាក់ នៅថ្ងៃថ្ងៃព្រហស្បតិ៍ នេះនៅទីក្រុងប៉េសាវ៉ា (Peshawar) ភាគខាងជើងប្រទេសប៉ាគីស្ថាន។ អាជ្ញាធរបារម្ភថា ចំនួនអ្នកស្លាប់អាចនឹងកើនឡើងបន្ថែមទៀត។ (more…)
នារសៀលថ្ងៃទី១៥ ខែតុលា ឆ្នាំ២០២៦ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានជួបពិភាក្សាទ្វេភាគីជាមួយ ឯកឧត្តម Isaac Herzog ប្រធានាធិបតី អ៊ីស្រាអែល ក្នុងឱកាសនៃការអញ្ជើញបំពេញទស្សនកិច្ចផ្លូវការ និងចូលរួមកិច្ចប្រជុំកំពូល…
នៅថ្ងៃទី៩ ខែតុលា ឆ្នាំ២០២៦ ម៉ាឡេស៊ីបានសម្រេចបិទសាលារៀននៅរដ្ឋចំនួន៤ រួមមាន ចូហ័រ ម៉ាឡាកា នេហ្គឺរីសេមប៊ីឡាន និងសេឡាងហ្គ័រ ព្រមទាំងគូឡាឡាំពួរ ពូត្រាចាយ៉ា និងស្រុករ៉ុមពីន ដោយសារផ្សែងអ័ព្ទបង្កឱ្យគុណភាពខ្យល់ធ្លាក់ចុះដល់កម្រិតមិនល្អចំពោះសុខភាព។ (more…)
ប្រទេសម៉ាឡេស៊ីបានទទួលភ្ញៀវទេសចរអន្តរជាតិចំនួន ២៨,៨ លាននាក់ ក្នុងរយៈពេលពីខែមករា ដល់ខែសីហា ឆ្នាំ២០២៦ កើនឡើង ១,៨% បើធៀបនឹងរយៈពេលដូចគ្នាកាលពីឆ្នាំមុន។ តួលេខនេះបានធ្វើឱ្យម៉ាឡេស៊ីបន្តឈរនៅលំដាប់កំពូលក្នុងតំបន់អាស៊ីអាគ្នេយ៍ ខាងចំនួនភ្ញៀវទេសចរអន្តរជាតិ។ (more…)
អាកាសយានដ្ឋានអន្តរជាតិ King Khalid បានជូនដំណឹងថា ជើងហោះហើរមួយចំនួនអាចមានការយឺតយ៉ាវ ផ្លាស់ប្តូរកាលវិភាគ ឬត្រូវលុបចោល ដោយសារការវិវត្តន៍នៃស្ថានការណ៍ក្នុងតំបន់ និងការរឹតបន្តឹងលើដែនអាកាស។ (more…)
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជាអធិបតីដ៏ខ្ពង់ខ្ពស់ ពិធីបើក “មហាសន្និបាត សហព័ន្ធអតីតយុទ្ធជនបណ្តាប្រទេសអាស៊ាន” លើកទី២៥ (VECONAC) ដែលកម្ពុជាធ្វើជាម្ចាស់ផ្ទះ ក្រោមប្រធានបទ៖ «ជាង៤ទសវត្សនៃសហព័ន្ធអតីតយុទ្ធជនអាស៊ាន៖ រួមគ្នាកសាងមិត្តភាព…