អ្នកឧកញ៉ា សុះ កំរី ចាងហ្វាងនៃគណៈដឹកនាំជាន់ខ្ពស់នៃសាសនាឥស្លាមកម្ពុជា បានធ្វើការក្រើនរំលឹកទៅដល់បងប្អូនមូស្លីមអំពីស៊ុណ្ណះនៃការបួសក្នុងខែស្ហាកពាន។ ខែស្ហាកពាន គឺជាខែទី៨ នៃប្រតិទិនឥស្លាម ឬប្រតិទិនហ៊ីជារីយះ។
នៅក្នុងការបង្ហោះសារនៅលើហ្វេសប៊ុកផេកផ្លូវការ អ្នកឧកញ៉ា សុះ កំរី បានមានប្រសាសន៍ថា៖ “ខែស្ហាកពានដែលបងប្អូនកំពុងទន្ទឹងរង់ចាំ បានឈានចូលមកដល់ហើយ ហើយបួសសូណាត់ក្នុងវាក៏បានមកដល់ដែរ។ ដូច្នេះបងប្អូនណាដែលមានបំណងរង់ចាំបួសស៊ូណាត់ស្ហាកពាននេះ សូមចាប់ផ្ដើមបួសតាមលទ្ធភាពចុះ ព្រោះណាពីយើងចូលចិត្តបួសណាស់”។
បន្ថែមពីនេះ អ្នកឧកញ៉ាចាងហ្វាង ក៏បានលើកបញ្ជាក់អំពីហាទីស ឬប្រសាសន៍របស់ព្យាការីមូហាំម៉ាត់ (S.A.W) អំពីការបួសរបស់ព្យាការី ដែលលោកបានបួសក្នុងខែស្ហាកពាន ច្រើនជាងខែផ្សេងៗ លើកលែងតែក្នុងខែរ៉ម៉ាឌន ដែលជាកាតព្វកិច្ច ដែលវានឹងទទួលបានផលបុណ្យដ៏ធំធេង តាមរយៈការលើកយកអាម៉ាល់ទៅកាន់ព្រះជាម្ចាស់។
ដូចដែលនៅក្នុងហាទីស ឬប្រសាសន៍របស់ព្យាការីមូហាំម៉ាត់ (S.A.W) អំពីអ៊ូសាម៉ាស់ ពិន ស៊េត ថា៖ “ខ្ញុំបានសួរណាពីថា៖ ឱរ៉ស៊ូលុលឡោះ! ហេតុអ្វីខ្ញុំមិនដែលឃើញរ៉ស៊ូលុលឡោះបួសខែផ្សេងៗច្រើនដូចបួសខែស្ហាកពាន? ណាពីបានឆ្លើយថា៖ ខែស្ហាកពាននេះ គឺជាខែដែលមនុស្សភ្លេចភ្លាំង និងមិនសូវចាប់អារម្មណ៍ ដែលវាស្ថិតនៅចន្លោះខែរ៉ជប់ និងខែរ៉ម៉ាទន ហើយវាជាខែដែលត្រូវបានគេលើកយកអាម៉ាល់ៗក្នុងខែនេះទៅកាន់អល់ឡោះជាម្ចាស់។ ដូច្នេះហើយ ខ្ញុំស្រឡាញ់ចូលចិត្តចង់អោយគេលើកយកអាម៉ាល់ខ្ញុំ ដោយចំពេលដែលខ្ញុំកំពុងបួស”។
គួរជម្រាបថា ការបួសក្នុងខែស្ហាកពាន ក៏ជាឱកាសចុងក្រោយសម្រាប់បងប្អូនមូស្លីមដែលជំពាក់បួសរ៉ម៉ាឌនឆ្នាំមុន អាចធ្វើការបួសសងអំឡុងពេលនេះផងដែរ ហើយថែមទាំងអាចទទួលបានផលបុណ្យនៃការបួសខែស្ហាកពានថែមទៀត។
Phnom Penh: During the holy month of Ramadan 2026, a U.S.-based Zakat Foundation has continued…
ភ្នំពេញ៖ក្នុងឱកាសខែបរិសុទ្ធរ៉ាម៉ាឌន ឆ្នាំ២០២៦ អង្គការមូលនិធិហ្សាកាត់សហរដ្ឋអាមេរិក បានបន្ត ផ្តល់ការគាំទ្រហិរញ្ញវត្ថុ ដល់ប្រជាពលរដ្ឋមូស្លិមនៅកម្ពុជា តាមរយៈគម្រោងផ្តល់អាហារ ស្រាយបួស (more…)
នៅថ្ងៃពុធ ទី៤ ខែមីនា ឆ្នាំ២០២៦ វេលាម៉ោង ១៣:០០នាទីរសៀល ក្រសួងការពារជាតិ នៃព្រះរាជាណាចក្រកម្ពុជា បានសម្របសម្រួលជូនប្រតិភូអនុព័ន្ធយោធាបរទេស ប្រចាំព្រះរាជាណាចក្រកម្ពុជាចំនួន ១២ប្រទេស ចុះទៅពិនិត្យទីតាំងជាក់ស្តែងនៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ…
នៅរសៀលថ្ងៃអាទិត្យទី១៦ ខែកុម្ភៈ ឆ្នាំ២០២៦ ឯកឧត្តមបណ្ឌិត អូស្មាន ហាស្សាន់ ទេសរដ្ឋមន្ត្រីទទួលបន្ទុកបេសកកម្មពិសេស អញ្ជើញជាអធិបតី និងលោក អះម៉ាត់យ៉ះយ៉ា អារ៉ហ្វាត ភូឈួយទី១ នៃគណៈដឹកនាំជាន់ (more…)
ពិធីអ៊ិជទីម៉ាក ជួបជុំសាសនិកឥស្លាមដើម្បីបួងសួងសុំសេចក្តីសុខសន្តិភាពលើពិភពលោក ស្ថិតនៅវិហារឥស្លាម ភូមិទ្រាទី២ ឃុំទ្រា ស្រុកក្រូចឆ្មារ ខេត្តត្បូងឃ្មុំ មានប្រជាពលរដ្ឋសាសនិកឥស្លាមចូលរួមចំនួន ៩,៤២៩នាក់ មកពីទូទាំង ២៥រាជធានី ខេត្ត ក្រុង និងសាសនិកឥស្លាមបរទេស ចំនួន៤៨នាក់…
រាជធានីភ្នំពេញ៖ នារសៀលថ្ងៃអាទិត្យ ៦រោច ខែមាឃ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៨ ខែកុម្ភៈ ឆ្នាំ២០២៦ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា…