អារ៉ាប៊ីសាអូឌីត បានបញ្ជាក់ថា គ្រឿងស្រវឹងនឹងត្រូវបានហាមឃាត់ ក្នុងព្រឹត្តិការណ៍ប្រកួតបាល់ទាត់ពិភពលោក FIFA World Cup 2034 ដែលអារ៉ាប៊ីសាអូឌីតធ្វើជាម្ចាស់ផ្ទះ។ ព្រះអង្គម្ចាស់ Khalid bin Bandar bin Sultan Al Saud ឯកអគ្គរដ្ឋទូតអារ៉ាប៊ីសាអូឌីត ប្រចាំនៅចក្រភពអង់គ្លេស បានមានបន្ទូលប្រាប់ទៅកាន់ស្ថានីយវិទ្យុឌីជីថលអង់គ្លេស LBC News ថា៖ “នៅពេលនេះ យើងមិនអនុញ្ញាតឱ្យមានជាតិអាល់កុលទេ។ ភាពសប្បាយរីករាយជាច្រើនត្រូវបានអនុញ្ញាត លើកលែងតែគ្រឿងស្រវឹង”។ នេះបើតាមការផ្សាយដោយសារកាសែតអារ៉ាប់ Saudi Gazette កាលពីពេលថ្មីៗកន្លងទៅ។
ព្រះអង្គម្ចាស់ បានមានបន្ទូលបន្ថែមថា៖ “ប្រសិនបើអ្នកចង់ទទួលទានគ្រឿងស្រវឹង គឺអាចធ្វើបានបន្ទាប់ពីអ្នកចេញទៅ មិនមានបញ្ហានោះទេ”។
ការសម្រេចចិត្តនេះ ធ្វើឱ្យប្រទេសអារ៉ាប៊ីសាអូឌីតក្លាយជាប្រទេសទីពីរនៅមជ្ឈិមបូព៌ា ដែលធ្វើម្ចាស់ផ្ទះនៃព្រឹត្តិការណ៍ប្រកួតបាល់ទាត់អន្តរជាតិ និងដែលដាក់ច្បាប់ហាមឃាត់គ្រឿងស្រវឹង បន្ទាប់ពីប្រទេសកាតា កាលពីឆ្នាំ២០២២កន្លងទៅ ។
ទោះបីយ៉ាងណា ជុំវិញការហាមឃាត់គ្រឿងស្រវឹងនេះ មិនមែនជាការបង្ខំអោយធ្វើការផ្លាស់ប្តូរវប្បធម៌តាមប្រទេសអារ៉ាប់នោះទេ។ ព្រះអង្គម្ចាស់ Khalid បានមានបន្ទូលបញ្ជាក់ថា៖ អារ៉ាប៊ីសាអូឌីតមិនមានឆន្ទៈក្នុងការផ្លាស់ប្តូរវប្បធម៌របស់អ្នកដទៃឡើយ ហើយរីករាយក្នុងការទទួលស្វាគមន៍ភ្ញៀវ និងទស្សនិកជននៅគ្រប់មជ្ឈដ្ឋាន ។
គួរជម្រាបថា នៅខែធ្នូ ឆ្នាំ២០២៤ កន្លងទៅ FIFA បានប្រកាសជាផ្លូវការថា អារ៉ាប៊ីសាអូឌីតនឹងធ្វើជាម្ចាស់ផ្ទះសម្រាប់ការប្រកួតបាត់ទាត់ពិភពលោក FIFA World Cup 2034 ផ្នែកបុរស ខណៈជាលើកដំបូងនៃការប្រកួតដែលមានក្រុមរហូតដល់ចំនួន ៤៨ក្រុម។
ការប្រកួតគ្រោងនឹងប្រព្រឹត្តិទៅ នៅពហុកីឡដ្ឋានចំនួន១៥ ទូទាំងទីក្រុងធំៗចំនួន៥ របស់ប្រទេស រួមមាន៖ ទីក្រុងRiyadh, Jeddah, Khobar, Abha និង NEOM៕
យ៉ាងហោចណាស់សិស្ស ២៧នាក់ ដែលភាគច្រើនមានអាយុក្រោម ១៣ឆ្នាំ និងគ្រូម្នាក់ បានស្លាប់ បន្ទាប់ពីដំបូលអគារសាលារៀនមួយបានបាក់រលំ ខណៈពួកគេកំពុងរៀនក្នុងថ្នាក់ នៅថ្ងៃថ្ងៃព្រហស្បតិ៍ នេះនៅទីក្រុងប៉េសាវ៉ា (Peshawar) ភាគខាងជើងប្រទេសប៉ាគីស្ថាន។ អាជ្ញាធរបារម្ភថា ចំនួនអ្នកស្លាប់អាចនឹងកើនឡើងបន្ថែមទៀត។ (more…)
នារសៀលថ្ងៃទី១៥ ខែតុលា ឆ្នាំ២០២៦ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានជួបពិភាក្សាទ្វេភាគីជាមួយ ឯកឧត្តម Isaac Herzog ប្រធានាធិបតី អ៊ីស្រាអែល ក្នុងឱកាសនៃការអញ្ជើញបំពេញទស្សនកិច្ចផ្លូវការ និងចូលរួមកិច្ចប្រជុំកំពូល…
នៅថ្ងៃទី៩ ខែតុលា ឆ្នាំ២០២៦ ម៉ាឡេស៊ីបានសម្រេចបិទសាលារៀននៅរដ្ឋចំនួន៤ រួមមាន ចូហ័រ ម៉ាឡាកា នេហ្គឺរីសេមប៊ីឡាន និងសេឡាងហ្គ័រ ព្រមទាំងគូឡាឡាំពួរ ពូត្រាចាយ៉ា និងស្រុករ៉ុមពីន ដោយសារផ្សែងអ័ព្ទបង្កឱ្យគុណភាពខ្យល់ធ្លាក់ចុះដល់កម្រិតមិនល្អចំពោះសុខភាព។ (more…)
ប្រទេសម៉ាឡេស៊ីបានទទួលភ្ញៀវទេសចរអន្តរជាតិចំនួន ២៨,៨ លាននាក់ ក្នុងរយៈពេលពីខែមករា ដល់ខែសីហា ឆ្នាំ២០២៦ កើនឡើង ១,៨% បើធៀបនឹងរយៈពេលដូចគ្នាកាលពីឆ្នាំមុន។ តួលេខនេះបានធ្វើឱ្យម៉ាឡេស៊ីបន្តឈរនៅលំដាប់កំពូលក្នុងតំបន់អាស៊ីអាគ្នេយ៍ ខាងចំនួនភ្ញៀវទេសចរអន្តរជាតិ។ (more…)
អាកាសយានដ្ឋានអន្តរជាតិ King Khalid បានជូនដំណឹងថា ជើងហោះហើរមួយចំនួនអាចមានការយឺតយ៉ាវ ផ្លាស់ប្តូរកាលវិភាគ ឬត្រូវលុបចោល ដោយសារការវិវត្តន៍នៃស្ថានការណ៍ក្នុងតំបន់ និងការរឹតបន្តឹងលើដែនអាកាស។ (more…)
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជាអធិបតីដ៏ខ្ពង់ខ្ពស់ ពិធីបើក “មហាសន្និបាត សហព័ន្ធអតីតយុទ្ធជនបណ្តាប្រទេសអាស៊ាន” លើកទី២៥ (VECONAC) ដែលកម្ពុជាធ្វើជាម្ចាស់ផ្ទះ ក្រោមប្រធានបទ៖ «ជាង៤ទសវត្សនៃសហព័ន្ធអតីតយុទ្ធជនអាស៊ាន៖ រួមគ្នាកសាងមិត្តភាព…