កណ្ដាល៖ គ្រឹះស្ថានអប់រំឥស្លាមចំនួន៩ នៅទូទាំងប្រទេសកម្ពុជា បានរៀបចំកិច្ចពិភាក្សាលើកទី១ ស្ដីអំពីការអភិវឌ្ឍភាសាអារ៉ាប់នៃគ្រឹះស្ថានអប់រំឥស្លាមនៅកម្ពុជា។ កិច្ចពិភាក្សានេះ បានរៀបចំធ្វើឡើងនៅវិទ្យាល័យមជ្ឈមណ្ឌលឥស្លាមកម្ពុជា នាថ្ងៃទី៣១ ខែឧសភា ឆ្នាំ២០២៣ ដែលដឹកនាំដោយមានលោក អើស្អារី សឡេះ ប្រធានសមាគមកូប្រ៉ាស៊ីមុស្លិមកម្ពុជា។
នេះគឺជាការជួបជុំគ្នាលើកទីមួយ ដែលគ្រប់គ្រឹះស្ថានអប់រំទាំងអស់បានឯកភាពគ្នារៀបចំធ្វើឡើង ដើម្បីពិភាក្សាអំពីការអភិវឌ្ឍភាសាអារ៉ាប់នៅក្នុងបណ្តាគ្រឹះស្ថានអប់រំឥស្លាមនៅកម្ពុជា ដើម្បីស្វែងរកវិធីសាស្ត្រល្អៗក្នុងការបង្រៀន ឱ្យសិស្សានុសិស្សចូលចិត្តរៀន និងអាចចេះនិយាយភាសាអារ៉ាប់បានស្ទាត់ជំនាញ។
ភាសាអារ៉ាប់គឺជាភាសាគម្ពីរ អាល់គួរអាន ជាភាសាដើមនៃក្បូនច្បាប់សាសនាឥស្លាម ហើយក៏ជាភាសាមួយក្នុងចំណោមភាសាផ្លូវការទាំង៦ នៅអង្គការសហប្រជាជាតិទៀតផង
លោក អើស្អារី សឡេះ ប្រធានសមាគមកូប្រ៉ាស៊ីមុស្លិមកម្ពុជា និងជាប្រធានដឹកនាំនៃកិច្ចពិភាក្សាលើកទី១ ស្ដីអំពីការអភិវឌ្ឍភាសាអារ៉ាប់នៃគ្រឹះស្ថានអប់រំឥស្លាមនៅកម្ពុជា បានលើកឡើងថា កិច្ចពិភាក្សានេះ ផ្តោតសំខាន់ទៅលើការអភិវឌ្ឍភាសាអារ៉ាប់នៅតាមគ្រឹះស្ថានអប់រំឥស្លាម តាមរយៈការបង្រៀនដោយវិធីសាស្ត្រត្រឹមត្រូវតាមស្តង់ដារពីសំណាក់លោកគ្រូអ្នកគ្រូ និងសុំអោយមានកិច្ចសហការពីសំណាក់គ្រឹះស្ថានអប់រំឥស្លាមទាំងអស់ អំពីការអាប់ដេតកម្មវិធីសិក្សា អោយស្របទៅនឹងសម័យកាល។
ស្ថាប័នទាំង៩ ជាសមាជិកសម្ព័ន្ធគ្រឹះស្ថានអប់រំឥស្លាមនៅកម្ពុជា រួមមាន៖ ១. សាលានូរ៉ុលអ៊ីម៉ាន ជ្រោយមេត្រី, ២. មជ្ឈមណ្ឌលឥស្លាមកម្ពុជា, ៣. វិទ្យាល័យអាពូប៉ាកើរឥស្លាមកម្ពុជា, ៤. វិទ្យាល័យម៉ាអាហាទហាជីហ្វីកក្រី, ៥. សាលាអន្តរជាតិ អ៊ិនតាច, ៦. វិទ្យាល័យឥស្លាមអាល់-រ៉ជីហ៊ីកម្ពុជា, ៧. សាលាគំរូរ៉ស់ម៉ះ, ៨. សមាគមកូប៉្រាស៊ីមុស្លឹមកម្ពុជា, និង៩. មជ្ឈមណ្ឌលអប់រំអាប់ឌុលអាហ្ស៊ីសអាល់យ៉ះយ៉ាដើម្បីសង្គមត្បូងឃ្មុំ។
គួរជម្រាបថា នៅក្នុងកិច្ចពិភាក្សាលើកទី១នេះ តំណាងគ្រឹះស្ថានអប់រំឥស្លាមទាំងអស់ បានឯកភាពនឹងរៀបចំធ្វើកិច្ចពិភាក្សាដូចនេះ អោយបានពីរដងក្នុងមួយឆ្នាំ ជាមួយនឹងគម្រោងរៀបចំវគ្គបំប៉នសម្រាប់គ្រូបង្រៀនភាសាអារ៉ាប់មកពីគ្រប់គ្រឹះស្ថានអប់រំ ដោយអញ្ជើញវាគ្មិនដែលជំនាញក្នុងភាសាអារ៉ាប់មកបង្រៀន និងការអនុវត្តផ្ទាល់ផងដែរ៕
កំពង់ឆ្នាំង៖ តាមរយៈបណ្តាញសង្គមនៅថ្ងៃទី០៣ ខែធ្នូ ឆ្នាំ២០២៥ រដ្ឋបាលស្រុកទឹកផុស បានប្រកាសឲ្យប្រជាពលរដ្ឋដែលមានទីលំនៅជាប់ជាមួយ «អូរឬស្សី» និងអ្នកប្រើប្រាស់ទឹកអូរនៃភូមិតានៃ ភូមិស្រែរបង ភូមិព្រៃតាំងធ្នង់ និងភូមិបឹងស្ទង នៅក្នុងឃុំជៀប និងភូមិក្រោយវត្ត ភូមិត្រពាំងក្របៅ ក្នុងឃុំខ្លុងពពក…
ភ្នំពេញ៖ ឯកឧត្តមបណ្ឌិតទេសរដ្ឋមន្ត្រី ទេសរដ្ឋមន្ត្រីទទួលបន្ទុកបេសកកម្មពិសេសបានស្នើសុំការសហការគាំទ្រពីឯកឧត្តមអនុរដ្ឋមន្ត្រីការបរទេសឥណ្ឌូណេស៊ី ក៏ដូចជារដ្ឋាភិបាលឥណ្ឌូណេស៊ី បន្តជួយគាំទ្រសហគមន៍ (more…)
ប្រភពីសារព័ត៌មានថៃKhoasod បានឲ្យដឹងថាពលរដ្ឋប៉ាឡេស្ទីនបានបរិច្ចាគប្រាក់ចំនួន ២០០,០០០ បាតសម្រាប់ជំនួយសង្គ្រោះទឹកជំនន់សម្រាប់ភាគខាងត្បូងប្រទេសថៃតាមរយៈស្ថានទូតរបស់ខ្លួនប្រចាំក្រុងបាងកក។ ថវិកាទាំងនេះត្រូវបានផ្តល់ជូនក្រុមអ្នកស្ម័គ្រចិត្តដែលបានទិញអាហារ និងរៀបចំកញ្ចប់សង្គ្រោះនៅមូលនិធិមជ្ឈមណ្ឌលឥស្លាមថៃ។ (more…)
ដោយក្តីមេត្តាករុណាដ៏ខ្ពង់ខ្ពស់ «សម្តេចមហាបវរធិបតី ហ៊ុន ម៉ាណែត» និង «លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត» បានអនុញ្ញាតឱ្យក្រុមគ្រូពេទ្យរបស់ សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) នាំកុមារា "ហាទីម នើសស៊្រុតទី"…
(ហ៊្សេរុយសាឡិម)៖ នៅរសៀលថ្ងៃទី១ ខែធ្នូ ឆ្នាំ២០២៥ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ និងឯកឧត្តម ហ្គីដន សាអា (Gideon Sa'ar) រដ្ឋមន្រ្តីក្រសួងការបរទេស…
សាលារៀនសុវណ្ណភូមិតាខ្មៅទី៣ដែលមាន អគារសិក្សាថ្មីមានទំហំធំទូលាយ និងបរិយាកាសសមស្របសម្រាប់ការសិក្សាស្រាវជ្រាវរបស់សិស្សានុសិស្សត្រូវបានសម្ពោធជាផ្លូវការក្រោមអធិបតីភាពលោកឧកញ៉ា ជា (more…)