ការតវ៉ាថ្មីនេះបានកើតឡើងនៅប៉ុន្មានម៉ោង បន្ទាប់ពីមន្ត្រីសាកលវិទ្យាល័យ Columbia បានលុបចោលថ្នាក់រៀនរបស់ពួកគេ ដើម្បីកាត់បន្ថយភាពតានតឹង ហើយបានសម្រេចចិត្តបិទពួកគេស្ទើរតែទាំងស្រុង។ នេះបើតាមការដកស្រង់ការផ្សាយពីទីភ្នាក់ងារសារព័ត៌មាន IRNA នៅថ្ងៃទី២៣ ខែមេសា ឆ្នាំ២០២៤។
សាកលវិទ្យាធិការនៃសាកលវិទ្យាល័យ Columbia បាននិយាយនៅក្នុងសេចក្តីថ្លែងការណ៍មួយថា ការសម្រេចចិត្តនេះត្រូវបានធ្វើឡើងដើម្បីកាត់បន្ថយភាពតានតឹង និងផ្តល់ឱ្យយើងទាំងអស់គ្នានូវឱកាសដើម្បីពិចារណាជំហានបន្ទាប់។
និស្សិតជាច្រើននាក់ដែលពាក់ព័ន្ធនឹងការតវ៉ាកាលពីសប្តាហ៍មុនត្រូវបានផ្អាកពីសាកលវិទ្យាល័យ និងស្ថាប័នពាក់ព័ន្ធរបស់ខ្លួនគឺមហាវិទ្យាល័យ Barnard ។ ក្នុងចំណោមក្រុមនិស្សិតទាំងនោះក៏មាន Isra Hirsi ដែលជាកូនស្រីរបស់លោកស្រី Ilhan Omar ដែលជាអ្នកប្រជាធិបតេយ្យនៅក្នុងសភាតំណាងសហរដ្ឋអាមេរិក។ នេះបើតាម Al Jazeera បានរាយការណ៍កាលពីថ្ងៃសុក្រ។
Columbia ជាសាកលវិទ្យាល័យដ៏មានកិត្យានុភាពបំផុតមួយនៅក្នុងសហរដ្ឋអាមេរិក បានលេចចេញជាមជ្ឈមណ្ឌលសម្រាប់សកម្មភាពនិស្សិត ចាប់តាំងពីអ៊ីស្រាអែលបានចាប់ផ្តើមសង្រ្គាមប្រល័យពូជសាសន៍នៅតំបន់ហ្គាហ្សាជាងប្រាំមួយខែ ដែលបានសម្លាប់ប្រជាជនប៉ាឡេស្ទីនរហូតដល់ជាង ៣៤,០០០នាក់ ក្នុងនោះ ២/៣ គឺជាស្ត្រី និងកុមារ។
បាតុកម្មបានធ្វើឡើងនៅក្នុងសាកលវិទ្យាល័យអាមេរិក រួមទាំងទីក្រុង Yale កូឡុំប៊ី និងកន្លែងផ្សេងទៀតនៅទូទាំងប្រទេស ដែលជារឿយៗក្លាយជាអំពើហិង្សា បណ្តាលអោយមានការបង្ក្រាបពីមន្ត្រីប៉ូលិស។
ជាមួយគ្នានេះ នៅព្រឹកថ្ងៃច័ន្ទ ម៉ោងក្នុងស្រុកអាមេរិក កាសែត Yale Daily បានរាយការណ៍ថា នៅសាកលវិទ្យាល័យ Yale យ៉ាងហោចណាស់មនុស្ស ១៦ នាក់ រួមទាំងនិស្សិតមួយចំនួនត្រូវបានចាប់ខ្លួនដោយប៉ូលីស និងបានបិទច្រកចូលសាកលវិទ្យាល័យផងដែរ ដោយសារ ក្រុមបាតុករបានបោះជំរុំនៅមុខធនាគារ Bank Plaza អស់រយៈពេលបីថ្ងៃ ដោយទាមទារឱ្យសាកលវិទ្យាល័យ Yale មិនត្រូវគាំទ្រក្រុមហ៊ុនផលិតអាវុធយោធាសម្រាប់អ៊ីស្រាអែលនោះឡើយ។
គួរជម្រាបថា បាតុកម្មគាំទ្រប៉ាឡេស្ទីនពីសំណាក់ក្រុមនិស្សិតបានកើនឡើងនៅក្នុងសាកលវិទ្យាល័យជាច្រើនរបស់អាមេរិក ចាប់តាំងពីសង្គ្រាមនៅហ្គាហ្សា ប៉ុន្តែទោះបីយ៉ាងណា អាជ្ញាធរអាមេរិកបានចុះបង្ក្រាបជារឿយៗ ក្រោមការចោទប្រកាន់ពីបទញុះញង់ប្រឆាំងនឹងពួកយូដា។ ខណៈសហរដ្ឋអាមេរិកខ្លួនឯងតែងតែអះអាងថា ជាប្រទេសសេរីភាពនៃការបញ្ចេញមតិនៅក្នុងពិភពលោក ហើយតែងតែបន្ទោស និងដាក់ទណ្ឌកម្មប្រទេសផ្សេងលើបញ្ហានេះ៕
The Chinese People’s Liberation Army (PLA) showcases its armed robot battle ‘dogs’ at the Military…
កាតា៖ សហព័ន្ធកីឡាបាល់ទាត់អន្តរជាតិ (FIFA) បានសម្រេចសេចក្តីអនុម័តតាមសំណើរបស់សមាគមបាល់ទាត់កាតា ដោយប្រកាសឱ្យដឹងថា កាតាទទួលបានសិទ្ធធ្វើជាម្ចាស់ផ្ទះរៀបចំការប្រកួតបាលទាត់ FIFA (more…)
Siem Reap Provincial Administration selected Preah Dak village as a candidate for the Best Tourism…
Climate change is a global issue, and in response to this, the United Arab Emirates…
ប្រទេសអេហ្ស៊ីប កាលពីថ្ងៃអាទិត្យ បានប្រកាសថា ខ្លួននឹងធ្វើកិច្ចអន្តរាគមន៍គាំទ្រក្នុងសំណុំរឿងរបស់អាហ្វ្រិកខាងត្បូងប្រឆាំងនឹងអ៊ីស្រាអែល នៅតុលាការយុត្តិធម៌អន្តរជាតិ (ICJ) ដោយលើកឡើងពីផលប៉ះពាល់ (more…)
គិតត្រឹមល្ងាចថ្ងៃអាទិត្យ ចំនួនមនុស្សស្លាប់បានកើនឡើងដល់ ៣៤នាក់ ខណៈមនុស្សចំនួន១៦នាក់ផ្សេងទៀតនៅតែបន្តបាត់ខ្លួន ដែលបង្កឡើងដោយគ្រោះទឹកជំនន់ដ៏គំហុក និងកម្អែភ្នំភ្លើងវាយប្រហារលើកោះស៊ូម៉ាត្រាភាគខាងលិច ប្រទេសឥណ្ឌូនេស៊ី។ នេះបើតាមការគូសបញ្ជាក់ពីមន្ត្រីគ្រោះមហន្តរាយក្នុងតំបន់ ដែលដកស្រង់ផ្សាយដោយសារព័ត៌មាន The Jakarta Post នៅថ្ងៃទី១២ ខែឧសភា ឆ្នាំ២០២៤។…