ម៉ារ៉ុក៖ កីឡាការនីបាល់ទាត់របស់ប្រទេសម៉ារ៉ុក អ្នកនាង Nouhaila Benzina មានវ័យ 25 ឆ្នាំ ជាខ្សែការពារឆ្នើមដែលបានបង្កើតនូវស្នាដៃដ៏អស្ចារ្យជាច្រើនជូនក្លឹបបាល់ទាត់របស់ខ្លួននាពេលកន្លងមក បានបង្កើតប្រវត្តិសាស្ត្រថ្មីដំបូងគេសម្រាប់ប្រទេសម៉ារ៉ុកទាំងមូល ដោយអាចពាក់ហ៊ីជាបនៅក្នុងព្រឹត្តិការណ៍បាល់ទាត់ពិភពលោកនារីឆ្នាំ 2023 ដែលនឹងប្រព្រឹត្តទៅនៅប្រទេសអូស្ត្រាលី និងនូវែលសេឡង់រវាងថ្ងៃទី 20 ខែកក្កដាដល់ថ្ងៃទី 20 ខែសីហា ខាងមុខនេះ។ នេះបើយោងតាមការចុះផ្សាយដោយសារព័ត៌មាន The Mirror នៅថ្ងៃទី១៧ ខែមិថុនា ឆ្នាំ២០២៣។
FIFA បានប្រកាសនៅលើ Twitter របស់ខ្លួនកាលពីពេលថ្មីៗនេះថា កីឡាការនីបាល់ទាត់របស់ប្រទេសម៉ារ៉ុក អ្នកនាង Nouhaila Benzina នឹងក្លាយជាកីឡាការនីដំបូងគេអាចប្រកួតនៅលើទីលានបាល់ទាត់ដោយការពាក់ហ៊ីជាបនៅក្នុងព្រឹត្តិការណ៍បាល់ទាត់ពិភពលោកនារីឆ្នាំ 2023 ដែលនឹងប្រព្រឹត្តទៅនៅប្រទេសអូស្ត្រាលី និងនូវែលសេឡង់នាពេលខាងមុខ ជាមួយប្រវត្តិសាស្ត្រថ្មីរបស់ខ្លួនដែលមិនធ្លាប់មានពីមុនមក។ ក្នុងនោះក្រុមបាលទាត់នារីរបស់ប្រទេសម៉ារ៉ុកក៏បានបង្កើតនូវភាពអស្ចារ្យថ្មីមួយបន្ថែមទៀត ដែលអាចឈានមកដល់វគ្គប្រកួតថ្មីមួយនៅលើទឹកដីអូស្ត្រាលី និងនូវែលសេឡង់។
ជាមួយគ្នានោះ គ្រូបង្វឹកប្រចាំក្លឹបរបស់ប្រទេសម៉ារ៉ុក លោក Reynald Pedros បានបង្ហាញនូវក្តីសប្បាយរីករាយយ៉ាងខ្លាំង ជាមួយការប្រកាសជាផ្លួវការពីសំណាក់ FIFA ធ្វើឱ្យលោកពិតជារំភើប ជាមួយក្តីសង្ឃឹមចំពោះក្រុមរបស់ខ្លួន ដែលមានឈ្មោះថា Atlas Lionesses ដែលជាអ្នកតំណាងឱ្យប្រទេសជាតិហើយក៏ជាក្រុមតែមួយគត់របស់ប្រទេសម៉ារ៉ុកដែលបានទៅប្រកួតក្នុងព្រឹត្តិការណ៍បាល់ទាត់ពិភពលោកនារីឆ្នាំ 2023។ ក្នុងនោះលោកពិតជាជឿជាក់លើ Nouhaila Benzina ណាស់ពីព្រោះនាងពិតជាមានតិចនិកនៅក្នុងការលេងបាល់ទាត់បានយ៉ាងល្អ ហើយក៏ជាខ្សែការពារដ៏មានភាពវៃឆ្លាតមួយរូបដែលអាចជួយក្រុមទទួលបានជ័យជម្នះជាច្រើនលើកផងដែរ។
គួរជម្រាបថា កីឡាការនីបាល់ទាត់របស់ប្រទេសម៉ារ៉ុក អ្នកនាង Nouhaila Benzina រូបនេះក៏ធ្លាប់បានបង្កើតប្រវត្តិសាស្ត្រកាលពីឆ្នាំ២០២២កន្លងទៅ ដែលបានជួយប្រទេសម៉ារ៉ុកឱ្យក្លាយជាប្រទេសអាហ្វ្រិកខាងជើង និងអារ៉ាប់ដំបូងគេដែលបានចូលរួមក្នុងការប្រកួតវគ្គផ្តាច់ព្រ័ត្រនៃការប្រកួតប្រចាំទ្វីប។ ហើយបានជួយក្រុមរបស់ខ្លួនយកឈ្នះក្រុមមហាអំណាចអាហ្វ្រិក និងក្រុមការពារតំណែងជើងឯក 11 សម័យនីហ្សេរីយ៉ា ក្នុងវគ្គពាក់កណ្តាលផ្តាច់ព្រ័ត្រផងដែរ ដោយបានធ្វើឱ្យក្រុមពួកគេក្លាយជាជើងឯកនៃតំបន់មជ្ឈិមបូព៌ា និងអាហ្រ្វិកខាងជើងដំបូង។
លោកស្រី អ៊ីលហាន អូម៉ា (Ilhan Omar) បេក្ខជនគណបក្សប្រជាធិបតេយ្យ និងជាអ្នកនយោបាយអាមេរិកកាន់សាសនាឥស្លាម បានឈ្នះការបោះឆ្នោតឡើងវិញ ក្នុងមណ្ឌលបោះឆ្នោតសភាតំណាងរាស្ត្រទី៥ នៃរដ្ឋមីនីសូតា ក្នុងការបោះឆ្នោតពាក់កណ្តាលអាណត្តិឆ្នាំ២០២៦។ (more…)
ខេត្តតាកែវ៖ យោងតាមរបាយការណ៍បឋមបានឲ្យដឹងថា កាលពីវេលាម៉ោង ១១:៣០នាទី ថ្ងៃទី២៩ ខែតុលា ឆ្នាំ២០២៦ មានករណីឃាតកម្មមួយកើតឡើងនៅភូមិព្រៃរំដេង ឃុំអង្គតាសោម ស្រុកត្រាំកក់ ខេត្តតាកែវ បណ្តាលឱ្យស្ត្រីម្នាក់ឈ្មោះ អ៊ែល ម៉ារីយ៉ាស់ ហៅ…
គណបក្សលីគូដ (Likud) របស់នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ បានចោទប្រកាន់ថា ប្រទេសកាតា និងតួកគី ត្រូវបានគេអះអាងថា បានផ្តល់មូលនិធិដល់គណបក្សអារ៉ាប់ ដែលចូលរួមក្នុងការបោះឆ្នោតនៅអ៊ីស្រាអែល។ (more…)
ជនជាតិចាមកាន់សាសនាឥស្លាមមកពីខេត្តអានយ៉ាង ប្រទេសវៀតណាម បានរៀបចំការសម្តែងឡើងវិញនូវពិធីបុណ្យរ៉ាយ៉ាអ៊ីឌុលហ្វិត្រី (Raya Aidil Fitri) នៅថ្ងៃទី២៥ ខែតុលា ឆ្នាំ២០២៦ នៅភូមិវប្បធម៌ និងទេសចរណ៍ជាតិរបស់វៀតណាម ក្នុងទីក្រុងហាណូយ។ (more…)
ភ្នំពេញ៖ នាល្ងាចថ្ងៃទី២៨ ខែតុលា ឆ្នាំ២០២៦ ស្ថានទូតម៉ាឡេស៊ីប្រចាំព្រះរាជាណាចក្រកម្ពុជា បានរៀបចំពិធីអបអរសាទរខួបលើកទី៦៩ នៃទិវាបុណ្យជាតិម៉ាឡេស៊ី ក្រោមអធិបតីភាព ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ និងឯកឧត្តម Shaharuddin Onn…
យ៉ាងហោចណាស់សិស្ស ២៧នាក់ ដែលភាគច្រើនមានអាយុក្រោម ១៣ឆ្នាំ និងគ្រូម្នាក់ បានស្លាប់ បន្ទាប់ពីដំបូលអគារសាលារៀនមួយបានបាក់រលំ ខណៈពួកគេកំពុងរៀនក្នុងថ្នាក់ នៅថ្ងៃថ្ងៃព្រហស្បតិ៍ នេះនៅទីក្រុងប៉េសាវ៉ា (Peshawar) ភាគខាងជើងប្រទេសប៉ាគីស្ថាន។ អាជ្ញាធរបារម្ភថា ចំនួនអ្នកស្លាប់អាចនឹងកើនឡើងបន្ថែមទៀត។ (more…)