Display monitors show the result of voting in the United Nations General Assembly, in favor of a resolution calling on Israel to uphold legal and humanitarian obligations in its war with Hamas, Tuesday, Dec. 12, 2023 at U.N. headquarters. (AP Photo/Bebeto Matthews)
មហាសន្និបាតនៃអង្គការសហប្រជាជាតិ កាលពីថ្ងៃអង្គារ បានទាមទារអោយមានបទឈប់បាញ់មនុស្សធម៌ជាបន្ទាន់ នៅក្នុងតំបន់ហ្គាហ្សា ដោយសារសង្គ្រាមរវាងអ៊ីស្រាអែល និងក្រុមហាម៉ាស ដោយទទួលបានសម្លេងច្រើនជាងបីភាគបួននៃមហាសន្និបាតដែលមានសមាជិកចំនួន ១៩៣រូបចូលរួម។
សេចក្តីសម្រេចរបស់មហាសន្និបាត ក៏ទាមទារឱ្យមានការដោះលែងចំណាប់ខ្មាំងទាំងអស់ជាបន្ទាន់ និងដោយគ្មានលក្ខខណ្ឌ ហើយភាគីសង្រ្គាមត្រូវគោរពតាមច្បាប់អន្តរជាតិ ជាពិសេសទាក់ទងនឹងការការពារជនស៊ីវិល។ នេះបើតាមការផ្សាយដោយសារព័ត៌មាន Al Jazeera នៅថ្ងៃទី១៣ ខែធ្នូ ឆ្នាំ២០២៣។
នៅមុនមហាសន្និបាតនេះ កិច្ចប្រជុំក្រុមប្រឹក្សាសន្តិសុខនៃអង្គការសហប្រជាជាតិ សម្រាប់បទឈប់បាញ់នៅហ្គាហ្សា កាលពីសប្តាហ៍មុន ត្រូវបានវេតូដោយសហរដ្ឋអាមេរិក។ ប៉ុន្តែនៅក្នុងមហាសន្និបាត សហរដ្ឋអាមេរិកមិនមានវានោះទេ ដោយបានត្រឹមបោះឆ្នោតប្រឆាំងនឹងដំណោះស្រាយនេះ រួមជាមួយនឹងអ៊ីស្រាអែល និងប្រទេសចំនួន៨ ផ្សេងទៀត។
សេចក្តីសម្រេចនេះត្រូវបានអនុម័តដោយសំឡេងគាំទ្រ ១៥៣ សំឡេង ក្នុងនោះមានកម្ពុជា និងបណ្តាប្រទេសអាស៊ានផ្សេងទៀតផងដែរ ខណៈប្រទេសចំនួន ២៣ បដិសេធមិនបោះឆ្នោត។ ទោះបីយ៉ាងណា សេចក្តីសម្រេចរបស់មហាសន្និបាត មិនជាប់កាតព្វកិច្ចទេ ប៉ុន្តែមានទម្ងន់ផ្នែកនយោបាយ ដែលឆ្លុះបញ្ចាំងពីទស្សនៈពិភពលោកស្តីពីសង្រ្គាម។
បេសកជនរបស់អង្គការសហប្រជាជាតិប៉ាឡេស្ទីន Riyad Mansour ដែលបានលើកឡើងពីការតវ៉ាដ៏ធំដែលគាំទ្រប៉ាឡេស្ទីននៅជុំវិញពិភពលោក បាននិយាយថា៖ សហរដ្ឋអាមេរិកមិនអាចបន្តមិនអើពើនឹងអំណាចដ៏ធំនេះទេ។ លោកបានពណ៌នាការបោះឆ្នោតនៃមហាសន្និបាតថាជាចំណុចកំពូលនៃមនោសញ្ចេតនាជាសាធារណៈ។
លោក Riyad Mansour បានប្រាប់អ្នកយកព័ត៌មានថា “វាជាកាតព្វកិច្ចរួមរបស់យើងក្នុងការបន្តនៅលើផ្លូវនេះរហូតដល់យើងឃើញការបញ្ចប់នៃការឈ្លានពាននេះប្រឆាំងនឹងប្រជាជនរបស់យើង។ វាជាកាតព្វកិច្ចរបស់យើងក្នុងការជួយសង្គ្រោះជីវិតពួកគេ”។
គួរជម្រាបថា អ៊ីស្រាអែលបានបន្តទម្លាក់គ្រាប់បែកឥតឈប់ឈរលើតំបន់ហ្គាហ្សាពីលើអាកាស ដែលត្រូវបានបិទខ្ទប់ទាំងស្រុង និងបើកការវាយលុកជើងគោក ដែលអ៊ីស្រាអែលអះអាងថា ជាការសងសឹកចំពោះការវាយប្រហារកាលពីថ្ងៃទី៧ ខែតុលា ដោយក្រុមហាម៉ាស់ ដែលអ៊ីស្រាអែលនិយាយថា បានសម្លាប់មនុស្ស ១២០០នាក់ ហើយ ២៤០នាក់ត្រូវបានចាប់ធ្វើជាចំណាប់ខ្មាំង។
ដោយឡែក ក្រសួងសុខាភិបាលប៉ាឡេស្ទីន នៅតំបន់ហ្គាហ្សា បាននិយាយថា ជនជាតិប៉ាឡេស្ទីន ១៨.២០៥ នាក់ត្រូវបានសម្លាប់ និងជិត ៥០.០០០នាក់រងរបួស៕
កម្ពុជានិងម៉ាឡេស៊ី ពិភាក្សាអំពីការរួមគ្នារៀបចំគោលដៅទេសចរណ៍មូស្លីម និងការពង្រីកការផ្សព្វផ្សាយទេសចរណ៍មូស្លីម រវាងប្រទេសទាំងពីរ។ កិច្ចពិភាក្សានេះ ធ្វើឡើងក្នុងឱកាសដែល ឯកឧត្តម ហួត ហាក់ រដ្ឋ (more…)
After a long wait, the project to build a bridge across the Tonle Sap and…
Malaysian Speaker of the House of Representatives Tan Sri Dato’ Johari bin Abdul (L) meets…
ប្រជាជនអាមេរិក កាលពីព្រហស្បតិ៍ (១៦ មករា) បានត្រៀមខ្លួនក្នុងការទប់ទល់សីតុណ្ហភាពត្រជាក់ខ្លាំងបំផុតនៅចុងសប្ដាហ៍នេះ ដែលអ្នកព្យាករនិយាយថា អាចបង្កើតលក្ខខណ្ឌគំរាមកំហែងដល់អាយុជីវិត ជុំវិញ (more…)
ឯកឧត្តមបណ្ឌិត តាន់ស្រ៊ី ដាតុ ហ្សូហារី ប៊ីន អាប់ឌុល (Tan Sri Dato Johari bin Abdul) ប្រធានរដ្ឋសភានៃប្រទេសម៉ាឡេស៊ី បានបង្ហាញចំណាប់អារម្មណ៍ចង់ពង្រឹង និងពង្រីកកិច្ចសហប្រតិបត្តិការនានាជាមួយ…
គណៈកម្មាធិការវិន័យ និងក្រមសីលធម៌ នៃសហព័ន្ធកីឡាបាល់ទាត់អាស៊ី (AFC) បានធ្វើការដាក់ពិន័យទៅលើក្លឹបបាល់ទាត់ Selangor FC របស់ប្រទេសម៉ាឡេស៊ី នូវទឹកប្រាក់ចំនួន ២៤,៥០០ដុល្លារអាមេរិក (more…)