កម្ពុជាត្រៀមជម្លៀសនិស្សិតខ្មែរចេញពីប្រទេសសូដង់

Spread the love

សូដង់៖ អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ លោក អាន សុខខឿន បានបញ្ជាក់ឱ្យដឹងថា ស្ថានទូតកម្ពុជាប្រចាំនៅទីក្រុងគែរ ប្រទេសអេហ្ស៊ីប បានសម្របសម្រួលជាមួយស្ថានទូតម៉ាឡេស៊ី ដើម្បីត្រៀមជម្លៀសនិស្សិតខ្មែរចេញពីប្រទេសសូដង់។

លោក អាន សុខខឿន បានបញ្ជាក់ថា និស្សិតខ្មែរចំនួន ៦នាក់ ក្នុងនោះស្រី ២នាក់ បានទៅសិក្សានៅក្នុងសាកលវិទ្យាល័យមួយនៅក្នុងទីក្រុងខាតូម ប្រទេសស៊ូដង់។

បើតាមលោក អាន សុខខឿន ក្រោយពីមានករណីផ្ទុះឡើងនូវការប្រយុទ្ធបង្ហូរឈាម នៅក្នុងទីក្រុងខាតូម នៅថ្ងៃទី១៥ ខែមេសា ឆ្នាំ២០២៣ មក សាកលវិទ្យាល័យខាងលើបានប្រមូលផ្តុំនិស្សិតចម្រុះជាតិសាសន៍ទាំងអស់ឱ្យមកស្នាក់នៅក្នុងទីតាំងមួយ ក្នុងសាកលវិទ្យាល័យ។

លោកអះអាងថា បច្ចុប្បន្ននិស្សិតខ្មែរ កំពុងស្ថិតក្នុងទីតាំងមានសុវត្ថិភាព និងស្នាក់នៅជាមួយនិស្សិតម៉ាឡេស៊ី ដើម្បីរង់ចាំការជម្លៀសទាំងអស់គ្នា ចេញពីប្រទេសសូដង់ ក្នុងពេលឆាប់ៗនេះ។

លោកថ្លែងថា៖ «គិតត្រឹមយប់ថ្ងៃទី២៤ ខែមេសា ឆ្នាំ២០២៣ ភាគីម៉ាឡេស៊ីបាននិងកំពុងសម្របសម្រួលជាមួយភាគីពាក់ព័ន្ធ ដើម្បីសម្រេចលើមធ្យោបាយធ្វើដំណើរ ចាកចេញពីប្រទេសសូដង់ ឱ្យបានឆាប់តាមតែអាចធ្វើបាន»៕

អត្ថបទ៖ EAC News

camm

Next ប្រទេសស៊ូដង់ខាងត្បូង បានទទួលជនស៊ីវិលជាង ១០,០០០នាក់ ដែលបានភៀសខ្លួនចេញពីជម្លោះនៅប្រទេសស៊ូដង់ »

Previous « អង្គការសហប្រជាជាតិថា ឥណ្ឌានឹងវ៉ាដាច់ប្រទេសចិន ដោយនឹងក្លាយជាប្រទេសដែលមានប្រជាជនច្រើនជាងគេបំផុតនៅលើពិភពលោក នៅចុងសប្តាហ៍នេះ

Published by

camm

3 years ago

សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា អញ្ជើញសំណេះសំណាលជាមួយក្រុមប្រឹក្សាខេត្ត ក្រុង-ស្រុក-ឃុំ-សង្កាត់ និងថ្នាក់ដឹកនាំមន្ទីរ អង្គភាពនានាជុំវិញខេត្តក្រចេះ ថ្ងៃចន្ទទី០៦ ខែកក្កដា ឆ្នាំ២០២៦

នៅព្រឹកថ្ងៃចន្ទទី០៦ ខែកក្កដា ឆ្នាំ២០២៦នេះ សម្ដេច អគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា បានចុះជួប (more…)

2 days ago

ព័ត៌មានជាតិ

អគ្គីភ័យបានឆេះបំផ្លាញផ្ទះរបស់ប្រជាពលរដ្ឋអស់ចំនួន២១ផ្ទះ នៅសង្កាត់ស្វាយប៉ាក់

លោក ជិន ប៊ុនធឿន អភិបាលខណ្ឌឫស្សីកែវ បានដឹកនាំកំលាំងគណៈបញ្ជាការឯកភាពខណ្ឌ សហការជាមួយការិយាល័យបង្ការ សង្គ្រោះ និងពន្លត់អគ្គិភ័យនៃស្នងការនគរបាលរាជធានីភ្នំពេញ បានចេញអន្តរាគមន៍ករណីអគ្គិភ័យ កំពុងឆាបឆេះរបស់ប្រជាពលរដ្ឋ ស្ថិតនៅភូមិស្វាយប៉ាក សង្កាត់ស្វាយប៉ាក ខណ្ឌឫស្សីកែវ។ (more…)

2 days ago

ព័ត៌មានអន្តរជាតិ

អាមេរិកបារម្ភថា អ៊ីស្រាអែលអាចមានផែនការសម្លាប់មន្ត្រីចរចាកំពូលរបស់អ៊ីរ៉ង់ អំឡុងកិច្ចពិភាក្សាបទឈប់បាញ់

សារព័ត៌មាន The New York Times បានរាយការណ៍កាលពីថ្ងៃព្រហស្បតិ៍ ដោយដកស្រង់ប្រភពមន្ត្រីអាមេរិកបច្ចុប្បន្ន និងអតីតមន្ត្រីអាមេរិកថា រដ្ឋាភិបាលសហរដ្ឋអាមេរិកធ្លាប់មានការព្រួយបារម្ភថា អ៊ីស្រាអែលអាចកំពុងរៀបចំផែនការសម្លាប់មន្ត្រីចរចាជាន់ខ្ពស់របស់អ៊ីរ៉ង់ ក្នុងអំឡុងពេលកិច្ចចរចាដ៏រសើបស្តីពីបទឈប់បាញ់ ដែលបានចាប់ផ្តើមកាន់តែសកម្មនៅដើមឆ្នាំនេះ។ (more…)

5 days ago

ព័ត៌មានជាតិ

ខេត្តកោះកុងប្រកាសតែងតាំងគណៈអ៊ីម៉ាំខេត្តថ្មី ដើម្បីបន្តបម្រើសហគមន៍ខ្មែរឥស្លាម

កោះកុង៖ រដ្ឋបាលខេត្តកោះកុង សហការជាមួយគណៈដឹកនាំជាន់ខ្ពស់នៃសាសនាឥស្លាមកម្ពុជា បានប្រកាសតែងតាំងលោក ឡោះ ម៉ាន ជាប្រធានគណៈអ៊ីម៉ាំខេត្តកោះកុងថ្មី នៅថ្ងៃទី២ ខែកក្កដា ឆ្នាំ២០២៦ ដើម្បីបន្តដឹកនាំ និងបម្រើការងារសាសនាជូនសហគមន៍ខ្មែរឥស្លាម បន្ទាប់ពីថ្នាក់ដឹកនាំជំនាន់មុនបានទទួលមរណភាព។ (more…)

5 days ago