ភ្នំពេញ៖ ឯកឧត្តម ឡា ឡៃ រដ្ឋលេខាធិការក្រសួងធម្មការនិងសាសនា និងជាសមាជិកក្រុមប្រឹក្សាភិបាលនៃសាកលវិទ្យាល័យកម្ពុជា គ្រប់គ្រង និងបច្ចេកវិទ្យា បានមានប្រសាសន៍ថា ឱកាសការងារមានស្មើគ្នាដោយគ្មានការរើសអើងជាតិសាសន៍ឡើយ សម្រាប់យុវជនដែលមានសមត្ថភាពក្នុងសង្គមសន្តិភាព។
ប្រសាសន៍របស់ ឯកឧត្តម ឡា ឡៃ ធ្វើឡើងក្នុងឱកាសឯកឧត្តមអញ្ជើញធ្វើបាឋកថាជំរុញនិងលើកទឹកចិត្តនិស្សិត ដែលកំពុងបន្តការសិក្សានៅសាកលវិទ្យាល័យ ក្រោមប្រធានបទ “ឱកាសយុវជនក្នុងសង្គមសន្តិភាព-Youth Opportunity in Peace Society” ដែលរៀបចំដោយ សាកលវិទ្យាល័យកម្ពុជាគ្រប់គ្រង និងបច្ចេកវិទ្យា (CUMT) នៅថ្ងៃទី១ ខែសីហា ឆ្នាំ២០២៣។
កម្មវិធីនេះ ក៏មានការចូលរួមជាកិត្តិយសផងដែរពីសំណាក់ ឯកឧត្តមបណ្ឌិត ហូសេន មហាម៉ាត់ហ្វារីត ប្រធានក្រុមប្រឹក្សាភិបាលនៃសាកលវិទ្យាល័យកម្ពុជា គ្រប់គ្រង និងបច្ចេកវិទ្យា ឯកឧត្តមបណ្ឌិត ស្លេះ ណាស៊ី សាកលវិទ្យាធិការ ព្រមទាំងសាស្រ្តាចារ្យ បុគ្គលិក និងនិស្សិតប្រមាណជាង ២០០នាក់។
ឯកឧត្តម បានមានប្រសាសន៍លើកទឹកចិត្តដល់យុវជនទាំងអស់ ត្រូវខិតខំអភិវឌ្ឍន៍សមត្ថភាពអោយបានខ្លាំងពូកែ ដើម្បីក្លាយជាធនធានដែលសង្គមជាតិត្រូវការ ខណៈប្រទេសជាតិកំពុងទទួលបានសុខសន្តិភាពពេញលេញ និងបានក្រើនរំលឹកអំពីភាពលំបាកនៃការទទួលបានចំណេះដឹងរបស់យុវជននៅក្នុងសម័យសង្គ្រាម។
ឯកឧត្តម ឡា ឡៃ ក៏បានកោតសរសើរនូវគំរូវីរៈភាពរបស់ថ្នាក់ដឹកនាំកម្ពុជា គឺសម្តេចតេជោ ហ៊ុន សែន ដែលបានតស៊ូលះបង់សាច់ស្រស់ ឈាមស្រស់ ក្នុងការស្វែងរកសន្តិភាពជូនជាតិមាតុភូមិ។
ឯកឧត្តមរដ្ឋលេខាធិការ បានកោតសរសើរដល់គណៈគ្រប់គ្រងនៃសាកលវិទ្យាល័យ ដែលបានរៀបចំកម្មវិធីជំរុញនិងលើកទឹកចិត្តនិស្សិត ដែលកំពុងបន្តការសិក្សានៅសាកលវិទ្យាល័យ និងបានអញ្ជើញឯកឧត្តម អោយចែករំលែកបទពិសោធន៍ ក៏ដូចជាយុទ្ធសាស្ត្រល្អៗជូនដល់និស្សិត។
គួរជម្រាបថា មជ្ឈមណ្ឌលបណ្តុះបណ្តាលនៃសាកលវិទ្យាល័យ CUMT ជារឿយៗតែងតែបានរៀបចំនូវបឋកថាជាលក្ខណជាតិ និងអន្តរជាតិ ក្នុងគោលបំណងចែករំលែកចំណេះដឹងនិងបទពិសោធន៍ដល់សិស្សនិស្សិត ដែលកំពុងសិក្សានៅសាកលវិទ្យាល័យគ្រប់ជំនាញ គ្រប់ឯកទេស ដើម្បីអោយពួកគាត់ត្រៀមខ្លួន អភិវឌ្ឍខ្លួនអោយបានខ្លាំង និងឆាប់រហ័ស៕
កំពង់ឆ្នាំង៖ តាមរយៈបណ្តាញសង្គមនៅថ្ងៃទី០៣ ខែធ្នូ ឆ្នាំ២០២៥ រដ្ឋបាលស្រុកទឹកផុស បានប្រកាសឲ្យប្រជាពលរដ្ឋដែលមានទីលំនៅជាប់ជាមួយ «អូរឬស្សី» និងអ្នកប្រើប្រាស់ទឹកអូរនៃភូមិតានៃ ភូមិស្រែរបង ភូមិព្រៃតាំងធ្នង់ និងភូមិបឹងស្ទង នៅក្នុងឃុំជៀប និងភូមិក្រោយវត្ត ភូមិត្រពាំងក្របៅ ក្នុងឃុំខ្លុងពពក…
ភ្នំពេញ៖ ឯកឧត្តមបណ្ឌិតទេសរដ្ឋមន្ត្រី ទេសរដ្ឋមន្ត្រីទទួលបន្ទុកបេសកកម្មពិសេសបានស្នើសុំការសហការគាំទ្រពីឯកឧត្តមអនុរដ្ឋមន្ត្រីការបរទេសឥណ្ឌូណេស៊ី ក៏ដូចជារដ្ឋាភិបាលឥណ្ឌូណេស៊ី បន្តជួយគាំទ្រសហគមន៍ (more…)
ប្រភពីសារព័ត៌មានថៃKhoasod បានឲ្យដឹងថាពលរដ្ឋប៉ាឡេស្ទីនបានបរិច្ចាគប្រាក់ចំនួន ២០០,០០០ បាតសម្រាប់ជំនួយសង្គ្រោះទឹកជំនន់សម្រាប់ភាគខាងត្បូងប្រទេសថៃតាមរយៈស្ថានទូតរបស់ខ្លួនប្រចាំក្រុងបាងកក។ ថវិកាទាំងនេះត្រូវបានផ្តល់ជូនក្រុមអ្នកស្ម័គ្រចិត្តដែលបានទិញអាហារ និងរៀបចំកញ្ចប់សង្គ្រោះនៅមូលនិធិមជ្ឈមណ្ឌលឥស្លាមថៃ។ (more…)
ដោយក្តីមេត្តាករុណាដ៏ខ្ពង់ខ្ពស់ «សម្តេចមហាបវរធិបតី ហ៊ុន ម៉ាណែត» និង «លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត» បានអនុញ្ញាតឱ្យក្រុមគ្រូពេទ្យរបស់ សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) នាំកុមារា "ហាទីម នើសស៊្រុតទី"…
(ហ៊្សេរុយសាឡិម)៖ នៅរសៀលថ្ងៃទី១ ខែធ្នូ ឆ្នាំ២០២៥ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ និងឯកឧត្តម ហ្គីដន សាអា (Gideon Sa'ar) រដ្ឋមន្រ្តីក្រសួងការបរទេស…
សាលារៀនសុវណ្ណភូមិតាខ្មៅទី៣ដែលមាន អគារសិក្សាថ្មីមានទំហំធំទូលាយ និងបរិយាកាសសមស្របសម្រាប់ការសិក្សាស្រាវជ្រាវរបស់សិស្សានុសិស្សត្រូវបានសម្ពោធជាផ្លូវការក្រោមអធិបតីភាពលោកឧកញ៉ា ជា (more…)