ព័ត៌មានជាតិ

ឯកឧត្តម ផារ៉ា មង្គល ប្រធានក្រុមការងារគណបក្សចុះមូលដ្ឋានស្រុកក្រូចឆ្មារ រួមជាមួយសហការី បាននាំយកកញ្ចប់អាហារស្រាយបួស ចែកជូនដល់ ហាកឹមម៉ាស្ជិតទាំង ២៥វិហារ ក្នុងស្រុកក្រូចឆ្មារ ដើម្បីអបអរសាទរខែរ៉ាម៉ាឌន

Spread the love
ត្បូងឃ្មុំ៖ ឯកឧត្តម ផារ៉ា មង្គល ប្រធានក្រុមការងារគណបក្សចុះមូលដ្ឋានស្រុកក្រូចឆ្មារ រួមជាមួយសហការី បានចុះជួបសំណេះសំណាល និងនាំយក
កញ្ចប់អាហារស្រាយបួស ចែកជូនដល់ ហាកឹមម៉ាស្ជិតទាំង ២៥វិហារ ក្នុងស្រុកក្រូចឆ្មារ ក្នុងឱកាសអបអរសាទរ ខែរ៉ាម៉ាឌន ដែលខិតជិតមកដល់នាពេលខាងមុខ។

ពិធីនេះបានប្រារព្ធធ្វើឡើងនៅ វិហារធំជំនីក ភូមិបន្ទាយ ឃុំជំនីក ស្រុកក្រូចឆ្មារ ខេត្តត្បូងឃ្មុំ នារសៀលថ្ងៃទី ០៨ ខែកុម្ភៈ ឆ្នាំ២០២៦។
ក្នុងឱកាសនោះ ឯកឧត្តម ផារ៉ា មង្គល បានពាំនាំ ការផ្ដាំផ្ញើសួរសុខទុក្ខ និងសេចក្តីជូនពរ ពីសំណាក់សម្ដេចសម្ដេចតេជោ ហ៊ុន សែន និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ព្រមទាំង សម្ដេចធិបតី ហ៊ុន ម៉ាណែត នាយករដ្ឋមន្ត្រី និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ព្រមទាំងពាំនាំសេចក្តីនឹករលឹកពីសំណាក់ ឯកឧត្តម ជា សុផារ៉ា ប្រធានក្រុមការងារគណបក្សចុះមូលដ្ឋានខេត្តត្បូងឃ្មុំ ដែលតែងតែរួមសុខទុក្ខជាមួយលោកហាកឹមម៉ាស្ជិត និងទួនខ្មែរ-ឥស្លាម ក្នុងស្រុកក្រូចឆ្មារ។
ឯកឧត្តមប្រធាន បានលើកឡើងថា ការចូលរួមនៅថ្ងៃនេះ គឺជាការដឹងគុណ និងបង្ហាញពីសាមគ្គីភាពរវាងក្រុមការងារ និងបងប្អូនខ្មែរឥស្លាមទាំង ១២ ឃុំ ក្នុងស្រុកក្រូចឆ្មារ។ ឯកឧត្តមក៏បានបញ្ជាក់ថា ទំនាក់ទំនងរឹងមាំ មិនកើតចេញពីពាក្យសម្តីតែមួយមុខទេ ប៉ុន្តែកើតពីការយល់ពីគ្នា ស្តាប់គ្នា និងជួយគ្នាទៅវិញទៅមក ហើយឯកឧត្តមបានអញ្ជើញមកក្នុងនាមជាអ្នកស្តាប់មតិយោបល់បងប្អូន ដើម្បីរួមពិភាក្សា និងស្វែងរកដំណោះស្រាយតាមសំណូមពរ។
ជាមួយគ្នានេះ ឯកឧត្តមបានរំលឹកថា រាជរដ្ឋាភិបាលកម្ពុជា តែងតែគិតគូរពីសុខទុក្ខប្រជាពលរដ្ឋ និងធានា សិទ្ធិសេរីភាពក្នុងការគោរពជឿកាន់សាសនា ដោយគោរពសេចក្តីថ្លៃថ្នូ និងសាមគ្គីភាពជាតិ។
សម្រាប់អំណោយ ដែលចែកជូនក្នុងឱកាសស្រាយបួសនេះ ក្នុង១វិហារ រួមមាន ត្រីខ ៥០ កំប៉ុង, ផ្លែល្មើ ៤ គីឡូក្រាម, នំធុង ២ ធុង, តែ ១កញ្ចប់ធំ, កាហ្វេ ១កញ្ចប់ធំ, ស្ករស ៥ គីឡូក្រាម និងថវិកា ១០ ម៉ឺនរៀល ៕
camm

Recent Posts

កិច្ចភាក្សាការងាររវាងគណៈប្រតិភូសភាពាណិជ្ជកម្មកម្ពុជា និង គណៈប្រតិភូក្រុមប្រឹក្សាធុរកិច្ចអារ៉ាប៊ីសាអូឌីត-កម្ពុជា នៃសភាពាណិជ្ជកម្មរបស់ព្រះរាជាណាចក្រអារ៉ាប៊ីសាអូឌីត

រាជធានីភ្នំពេញ៖ នារសៀលថ្ងៃអាទិត្យ ៦រោច ខែមាឃ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៨ ខែកុម្ភៈ ឆ្នាំ២០២៦ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា…

2 hours ago

ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ ទទួលជួបពិភាក្សាការងារជាមួយក្រុមប្រឹក្សាធុរកិច្ចអារ៉ាប៊ីសាអូឌីត-កម្ពុជា នៃសភាពាណិជ្ជកម្មរបស់ព្រះរាជាណាចក្រអារ៉ាប៊ីសាអូឌីត

តបតាមការអញ្ជើញរបស់ ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ នាឱកាសដែលឯកឧត្តមបានចូលរួមកិច្ចប្រជុំមហាសន្និបាតលើកទី២៦ នៃអង្គការទេសចរណ៍សហប្រជាជាតិ (UN Tourism- 26th General Assembly) នៅរាជធានីរីយ៉ាដ ព្រះរាជាណាចក្រអារ៉ាប់ប៊ីសាអ៊ូឌីត កាលពីថ្ងៃទី១០…

2 hours ago

លោកជំទាវ ចម និម្មល រដ្ឋមន្រ្តី​ក្រសួងពាណិជ្ជកម្ម អនុញ្ញាតជូនឯកឧត្តម Waleed Nasser Alsheri ប្រធានក្រុមប្រឹក្សាធុរកិច្ចអារ៉ាប៊ីសាអូឌីត-កម្ពុជា និងគណៈប្រតិភូសភាពាណិជ្ជកម្មអារ៉ាប៊ីសាអូឌីត ចូលជួបសម្តែងការគួរសម និងពិភាក្សាការងារដើម្បីបន្តពង្រឹងកិច្ចសហប្រតិបត្តិការពាណិជ្ជកម្មទ្វេភាគីរវាងកម្ពុជា-អារ៉ាប៊ីសាអូឌីត

(ភ្នំពេញ)៖ នាព្រឹកថ្ងៃអាទិត្យ ទី៨ ខែកុម្ភៈ ឆ្នាំ២០២៦ លោកជំទាវ ចម និម្មល រដ្ឋមន្រ្តី​ក្រសួងពាណិជ្ជកម្ម បានអនុញ្ញាតជូនឯកឧត្តម Waleed Nasser Alsheri ប្រធានក្រុមប្រឹក្សាធុរកិច្ចអារ៉ាប៊ីសាអូឌីត-កម្ពុជា និងគណៈប្រតិភូសភាពាណិជ្ជកម្មអារ៉ាប៊ីសាអូឌីត…

2 hours ago

ពលរដ្ឋខ្មែរឥស្លាម៥១៩គ្រួសារទទួលកញ្ចប់អាហារស្រាយបួសរ៉ម៉ាឌនពីក្រុមការងារចុះមូលដ្ឋានស្រុកបាកាន ខេត្តពោធិសាត់

នៅរសៀលថ្ងៃទី៧ កុម្ភៈ ឆ្នាំ២០២៦ ឯកឧត្តមបណ្ឌិត ទី នរិន្ទ ប្រធានក្រុមការងារចុះមូលដ្ឋានស្រុកបាកាន និងក្រុមការហារបានអញ្ជើញសំណេះសំណាលជាមួយសមាជិកគណបក្សប្រជាជនកម្ពុជាជាសាសនិកខ្មែរឥស្លាម និងចែកកញ្ចប់អាហារសម្រាប់ខែបួសរ៉ម៉ាឌនមកពី៥ ឃុំរួមមាន រំលេច បឹងខ្នារ ត្រពាំងជង បឹងបត់កណ្តោល និងស្នាមព្រះ…

2 hours ago

រដ្ឋមន្ត្រីការបរទេសអ៊ីរ៉ង់៖ ការចរចាជាមួយអាមេរិកនឹងបន្តទៀត ក្រោយពី «ការចាប់ផ្តើមដ៏ល្អប្រសើរ»

រដ្ឋមន្ត្រីការបរទេសអ៊ីរ៉ង់និយាយថា មន្ត្រីជាន់ខ្ពស់សហរដ្ឋអាមេរិកនិងអ៊ីរ៉ង់នឹងបន្តការចរចាបន្ទាប់ពីបានជួបចរចានៅក្នុងប្រទេសអូម៉ង់ ក្នុងពេលមានវិបត្តិដែលបានបង្កើនការព្រួយបារម្ភពីជម្លោះរវាងប្រទេស (more…)

3 hours ago

យោធាថៃ ទម្លាក់កុងតឺន័រព័ទ្ធយកដីកម្ពុជានៅថ្មដា និងការរាយបន្លាលួស តាំងពីក្រោយបទឈប់បាញ់ថ្ងៃទី២៧ ខែធ្នូ ឆ្នាំ២០២៥

(ពោធិ៍សាត់)៖ នេះជាទិដ្ឋភាពទូកុងតឺន័រ ដែលយោធាថៃ បានដឹកមកទម្លាក់ព័ទ្ធយកដីកម្ពុជានៅតំបន់ថ្មដា ស្រុកវាលវែង ខេត្តពោធិ៍សាត់ នៅព្រឹកថ្ងៃទី៧ ខែកុម្ភៈ ឆ្នាំ២០២៦ និងការរាយបន្លាលួសតាំងពីក្រោយបទឈប់បាញ់ថ្ងៃទី២៧ ខែធ្នូ ឆ្នាំ២០២៥។

3 hours ago