ត្បូងឃ្មុំ៖ ឯកឧត្តម បណ្ឌិត ស្លេះ ណាស៊ី ទីប្រឹក្សាក្រសួងព័ត៌មាន និងជាប្រធានមជ្ឈមណ្ឌលព័ត៌មានមូស្លីមកម្ពុជា បានមានប្រសាសន៍ថា ការចែករំលែកពីអ្នកដែលមានជីវភាពធូរធារដល់អ្នកដែលមានជីវភាពខ្វះខាត ជាស្មារតីសាមគ្គីភាព ហើយវាត្រូវបានលើកតម្កើងក្នុងសាសនាឥស្លាម ទោះបីជាការចែករំលែកនោះតិចឬច្រើនក្តី។
ប្រសាសន៍របស់ឯកឧត្តម បានធ្វើឡើងនៅថ្ងៃទី១៦ ខែមីនា ឆ្នាំ២០២៤ ស្ថិតនៅភូមិបឹងព្រះ ឃុំបឹងព្រួល ស្រុកត្បូងឃ្មុំ ខេត្តត្បូងឃ្មុំ ក្នុងឱកាសដែលឯកឧត្តមអញ្ជើញចូលរួមជាកិត្តិយសពិធីចែកកញ្ចប់អាហារស្រាយបួសរ៉ម៉ាឌន ជូនប្រជាពលរដ្ឋដែលមានជីវភាពខ្វះខាតចំនួន ២០០គ្រួសារ មកពី២ភូមិ នៃភូមិបឹងព្រះ និងភូមិបឹងព្រួល។ ពិធីនេះក៏មានការចូលរួមផងដែរពីសំណាក់ លោក ស្រ៊ី ម៉ៅ មេឃុំបឹងព្រួល, និងលោក សេន តុល, លោក អូវ ទ្រី, លោក ចៅ រ៉ូនី, លោកស្រី យ៉ោក ធឿន ដែលជាក្រុមប្រឹក្សាឃុំ, ហាកឹម តួន និងប្រជាពលរដ្ឋចំនួន ២០០គ្រួសារ។
នាក្នុងឱកាសនោះ លោក ស្រ៊ី ម៉ៅ មេឃុំបឹងព្រួល បានថ្លែងអំណរគុណដល់សប្បុរសជន និងឯកឧត្តម បណ្ឌិត ស្លេះ ណាស៊ី រួមនិងក្រុមការងារ ដែលបាននាំយកអំណោយជាកញ្ចប់អាហារស្រាយបួស មកចែកជូនដល់ប្រជាពលរដ្ឋនៅក្នុងមូលដ្ឋាន។ លោកមេឃុំក៏បានអំពាវនាវដល់សប្បុរសជន ទាំងអស់អោយបន្តជួយដល់ប្រជាពលរដ្ឋនៅក្នុងមូលដ្ឋានឃុំបឹងព្រួល ដែលភាគច្រើនជាអ្នកដែលមានជីវភាពខ្វះខាត កំពុងមានតម្រូវការជាចាំបាច់។
មានមតិសំណេះសំណាលក្នុងកម្មវិធី ឯកឧត្តម បណ្ឌិត ស្លេះ ណាស៊ី ពាំនាំនូវប្រសាសន៍ផ្តាំផ្ញើសួរសុខទុក្ខពីសំណាក់ឯកឧត្តម នេត្រ ភក្រ្តា រដ្ឋមន្ត្រីក្រសួងព័ត៌មាន ដែលជានិច្ចកាលឯកឧត្តមតែងតែបានគិតគូរ និងយកចិត្តទុកដាក់ដល់ប្រជាពលរដ្ឋនៅក្នុងសហគមន៍។
ឯកឧត្តម ទីប្រឹក្សាក្រសួងព័ត៌មាន បានមានប្រសាសន៍ថា នៅក្នុងខែបួសរ៉ម៉ាឌន ដែលជាខែមួយដ៏ពិសិដ្ឋនៅក្នុងសាសនាឥស្លាម ប្រជាពលរដ្ឋមូស្លីមត្រូវបានជម្រុញលើកទឹកចិត្តអោយបង្កើននូវទង្វើកុសលផ្សេងៗ ជាពិសេសគឺការបរិច្ចាគទាន និងការចែករំលែកនូវចំណីអាហារដល់អ្នកបួស ដោយអ្នកដែលចែករំលែកសង្ឃឹមនឹងទទួលបានផលបុណ្យតបស្នងដ៏ធំធេងពីអល់ឡោះជាម្ចាស់។
ឯកឧត្តម បានបន្តថា ទោះបីជាការចែករំលែកនោះតិចឬច្រើនក្តី ប៉ុន្តែការចែករំលែកពីអ្នកដែលមានជីវភាពធូរធារដល់អ្នកដែលមានជីវភាពខ្វះខាត គឺបង្ហាញពីស្មារតីសាមគ្គីភាព។ ឯកឧត្តម បានថ្លែងអំណរគុណដល់សប្បុរសជនមូស្លីមនៅប្រទេសសិង្ហបុរី តាមរយៈសមាគម Aqrab World – Sigapura ដែលបានផ្តល់ជាថវិកាទិញកញ្ចប់អាហារស្រាយបួសជូនប្រជាពលរដ្ឋដែលមានជីវភាពខ្វះខាតនាពេលនេះ។
ប្រជាពលរដ្ឋសម្តែងការសាទរ និងអារម្មណ៍សប្បាយរីករាយ និងថ្លែងអំណរគុណយ៉ាងក្រៃលែងដល់សប្បុរសជនមូស្លីមនៅសិង្ហបុរី តាមរយៈសមាគម Aqrab World – Sigapura ពិសេស ឯកឧត្តម ស្លេះ ណាស៊ី ដែលបានផ្តល់នូវកញ្ចប់អាហារស្រាយបួសជូនដល់ពួកគាត់។
គួរជម្រាបថា អង្គការមជ្ឈមណ្ឌលព័ត៌មានមូស្លីមកម្ពុជា ជារៀងរាល់ឆ្នាំតែងតែទទួលបានជំនួយជាកញ្ចប់អាហារស្រាយបួសពីសប្បុរសជនទាំងក្នុងស្រុក និងក្រៅស្រុក ដើម្បីចែកជូនដល់ប្រជាពលរដ្ឋដែលមានជីវភាពខ្វះខាត និងមានតម្រូវការជាចាំបាច់៕
នៅថ្ងៃពុធ ទី៤ ខែមីនា ឆ្នាំ២០២៦ វេលាម៉ោង ១៣:០០នាទីរសៀល ក្រសួងការពារជាតិ នៃព្រះរាជាណាចក្រកម្ពុជា បានសម្របសម្រួលជូនប្រតិភូអនុព័ន្ធយោធាបរទេស ប្រចាំព្រះរាជាណាចក្រកម្ពុជាចំនួន ១២ប្រទេស ចុះទៅពិនិត្យទីតាំងជាក់ស្តែងនៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ…
នៅរសៀលថ្ងៃអាទិត្យទី១៦ ខែកុម្ភៈ ឆ្នាំ២០២៦ ឯកឧត្តមបណ្ឌិត អូស្មាន ហាស្សាន់ ទេសរដ្ឋមន្ត្រីទទួលបន្ទុកបេសកកម្មពិសេស អញ្ជើញជាអធិបតី និងលោក អះម៉ាត់យ៉ះយ៉ា អារ៉ហ្វាត ភូឈួយទី១ នៃគណៈដឹកនាំជាន់ (more…)
ពិធីអ៊ិជទីម៉ាក ជួបជុំសាសនិកឥស្លាមដើម្បីបួងសួងសុំសេចក្តីសុខសន្តិភាពលើពិភពលោក ស្ថិតនៅវិហារឥស្លាម ភូមិទ្រាទី២ ឃុំទ្រា ស្រុកក្រូចឆ្មារ ខេត្តត្បូងឃ្មុំ មានប្រជាពលរដ្ឋសាសនិកឥស្លាមចូលរួមចំនួន ៩,៤២៩នាក់ មកពីទូទាំង ២៥រាជធានី ខេត្ត ក្រុង និងសាសនិកឥស្លាមបរទេស ចំនួន៤៨នាក់…
រាជធានីភ្នំពេញ៖ នារសៀលថ្ងៃអាទិត្យ ៦រោច ខែមាឃ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៨ ខែកុម្ភៈ ឆ្នាំ២០២៦ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា…
ត្បូងឃ្មុំ៖ ឯកឧត្តម ផារ៉ា មង្គល ប្រធានក្រុមការងារគណបក្សចុះមូលដ្ឋានស្រុកក្រូចឆ្មារ រួមជាមួយសហការី បានចុះជួបសំណេះសំណាល និងនាំយក កញ្ចប់អាហារស្រាយបួស ចែកជូនដល់ ហាកឹមម៉ាស្ជិតទាំង ២៥វិហារ ក្នុងស្រុកក្រូចឆ្មារ ក្នុងឱកាសអបអរសាទរ ខែរ៉ាម៉ាឌន…
តបតាមការអញ្ជើញរបស់ ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ នាឱកាសដែលឯកឧត្តមបានចូលរួមកិច្ចប្រជុំមហាសន្និបាតលើកទី២៦ នៃអង្គការទេសចរណ៍សហប្រជាជាតិ (UN Tourism- 26th General Assembly) នៅរាជធានីរីយ៉ាដ ព្រះរាជាណាចក្រអារ៉ាប់ប៊ីសាអ៊ូឌីត កាលពីថ្ងៃទី១០…