ព័ត៌មានជាតិ

ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មានប្រធានក្រុមការងារថ្នាក់កណ្តាលចុះជួយស្រុកកោះសូទិន ថ្លែងអំណរគុណដល់បងប្អូនខ្មែរឥស្លាមដែលបានបន្តបោះឆ្នោតគាំទ្រគណបក្សប្រជាជនកម្ពុជា

Spread the love

កំពង់ចាម: នៅក្នុងវិហារឥស្លាមភូមិ១៣ ឃុំកោះសូទិន ស្រុកកោះសូទិន ខេត្តកំពង់ចាម នៅព្រឹកថ្ងៃទី ២៩ ខែកក្កដា ឆ្នាំ២០២៣ នេះ ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន និងលោកជំទាវ ខៀវ ទេពរង្ស៊ី បានអញ្ជើញដឹកនាំថ្នាក់ដឹកនាំក្រសួងព័ត៌មានក៏ដូចជាក្រុមការងារចុះជួយស្រុកកោះសូទិន ខេត្តកំពង់ចាម ជាច្រើនរូបចុះជួបសំណេះសំណាលសួរសុខទុក្ខបងបងប្អូនប្រជាពលរដ្ឋខ្មែរឥស្លាមមកពីភូមិ១៣ និងភូមិ១៥ ។

លោក លី មោសា សមាជិកក្រុមប្រឹក្សាស្រុកកោះសូទិននិងជាប្រធានគណៈចលនាសាសនិកឥស្លាមស្រុក បានសម្តែងនូវសេចក្តីសោមនុ្សរីករាយស្វាគមន៍និងដឹងគុណចំពោះវត្តមានដ៌ខ្ពង់ខ្ពស់របស់ឯកឧត្តមរដ្ឋមន្រ្តី ខៀវកាញារីទ្ធ និងថ្នាក់ដឹកនាំទាំងអស់មកកាន់មូលដ្ឋានរបស់លោក ក្រោយការបោះឆ្នោតរួច និងសូមអរគុណថ្នាក់ដឹកនាំទាំងអស់ដែលតែងយកចិត្តទុកដាក់ចុះជួបដោះស្រាយទុក្ខលំបាករបស់ពលរដ្ឋហើយពលរដ្ឋខ្មែរឥស្លាមនៅមូលដ្ឋានរបស់លោកនៅតែន្តែគាំទ្រគណបក្សប្រជាជននិងគាំទ្រឧត្តម បណ្ឌិត ហ៊ុនម៉ាណែតជានាយករដ្ឋមន្រ្តីថ្មីខាងមុខ។

ឯកឧត្តម ផុស សុវណ្ណ ប្រធានក្រុមការងារចុះជួយឃុំកោះសូទិនផ្ទាល់ក័បានចូលរួមអបអរសាទរ និងថ្លែងអំណរគុណចំណោះបងប្អូនពលរដ្ឋខ្មែរឥស្លាមទាំងអស់ដែលបានបោះឆ្នោតគាំទ្រគណបក្សប្រជាជនកម្ពុជា ហើយឃុំកោះសូទិនបានទទួលភាគរយច្រើនជាងគេក្នុងចំណោមឃុំទាំងអស់ក្នុងស្រុកកោះសូទិន ។ឯកឧត្តមក៏សូមអរគុណដល់ក្រុមការងារទាំងអស់ដែលបានជួយក្នុងការបោះឆ្នោតកន្លងមក ហើយសង្ឃឹមថាក្រុមការងារទាំងអស់នៅបន្តគាំទ្រនិងធ្វើការរួមគ្នាបន្តទៀតនៅក្នុងការងារអភិវឌ្ឍនមូលដ្ឋានរបស់យើងឲ្យកាន់តែរីកចម្រើន។

ក្នុងឳកាសនោះដែរ ឯកឧត្តម ស្លេះ ណាស៊ី ទីប្រឹក្សាក្រសួងព័ត៌មានក៌បានចូលរួមសម្តែងនូវអំណរគុណចំពោះវត្តមានដ៌ថ្លៃថ្លារបស់ឯកឧត្តមខៀវ កាញារីទ និងលោកជំទាវ ព្រមទាំងថ្នាក់ដឹកនាំទាំងអស់ចុះជួបផ្ទាល់ជាមួយបងប្អូនខ្មែរឥស្លាមនៅក្នុងវិហារ ដែលនេះជាកាយវិការយកចិត្តទុកដាក់ខ្ពស់ពីសំណាក់ថ្នាក់ដឹកនាំចំពោះពលរដ្ឋខ្មែរឥស្លាមដោយមិនប្រកាន់ជំនឿសាសនា ។ ឯកឧត្តម ក៏បានបន្តថា ថ្នាក់ដឹកនាំគណបក្ស ប្រជាជន គ្រប់ជាន់ថ្នាក់គឺតែងតែយកចិត្តទុកចូលរួមជាមួយបងប្អូនខ្មែរឥស្លាម ជានិច្ច ហើយថ្នាក់ដឹកនាំប្រទេសបន្តវេនគឺឯកឧត្តម បណ្ឌិត ហ៊ុន ម៉ាណែតជានាយករដ្ឋមន្រី្តថ្មី ក៌បាននឹងកំពុងបន្តយក ចិត្តទុកដាក់ដូចគ្នា ដូចអ្វីដែលបងប្អូនបានឃើញស្រាប់កន្លងមកនេះ។

មានមតិសំណេះសំណាលក្នុងឳកាសដ៏វិសេសវិសាលនេះ ឯកឧត្តមរដ្ឋមន្រ្តី ខៀវ កាញារីទ្ធ ក្នុងនាមប្រធានក្រុមការងារថ្នាក់កណ្តាលចុះជួយស្រុកកោះសូទិនបានសម្តែងនូវសេចក្តី ថ្លែងអំណរគុណ យ៉ាងជ្រាលជ្រៅ ដល់បងប្អូនប្រជាពលរដ្ឋខ្មែរឥស្លាមក្នុងមូលដ្ឋានភូមិ១៣ និងភូមិ១៥ ដែលបានបន្តគាំទ្រនិង បោះឆ្នោតជូនគណបក្សប្រជាជនកម្ពុជាក្នុងការបោះឆ្នោតជ្រើសតាំង តំណាងរាស្ត្រអណត្តិទី៧ ដែលប្រព្រឺត្តទីកាលពីថ្ងៃទី២៣ ខែ កក្កដា ឆ្នាំ២០២៣។

ឯកឧត្តមរដ្ឋមន្រ្តីក៏បានរំលឹកឡើងវិញ អំពីគោលនយោបាយសុខដុមនីយកម្មនានា ជាច្រើន ដែលសម្តេចតេជោប្រមុខរាជរដ្ឋាភិបាលកម្ពុជាបានផ្តល់ជូនបងប្អូនខ្មែរឥស្លាម ដែលគោលនយោបាយខ្លះនៅប្រទេសមួយចំនួនមិនមានឡើយ ហើយគោលនយោបាយសុខដមបនីយកម្មនេះបានកំពុងផ្តល់សិទ្ធិសេរីភាពគ្រប់បែបយ៉ាង ជាមួយការផ្តល់ភាពកក់ក្តៅ និង ចូលរួមដោះស្រាយរាល់ទុក្ខលំបាកដល់សាសនិកនានាទៀត ក្នុងក្របខណ្ឌនៃប្រជាជាតិតែមួយដែលរួមរស់រួមសុខក្នុងម្លប់សន្តិភាពតែមួយ។ដោយឡែកសម្រាប់ក្រសួងព័ត៌មានក៏បានផ្តល់ឧ្យមានកម្មវិធីវិទ្យុជាភាសាចាម កម្មវិធីព័ត៌មានភាសាអារ៉ាប់ដើម្បីបានផ្តល់ដំណឹងងាយយល់ដល់ប្រជាជនដែលប្រើប្រាស់ភាសាអារ៉ាប់បានស្គាល់ប្រទេសកម្ពុជាយើងផងដែរ។

គួរឲ្យដឹងដែរថា ក្នុងពិធីជួបសំណេះសំណាលនេះផងដែរ ឯកឧត្តមរដ្ឋមន្រ្តីបាននាំយកនូវអំណោយជាអង្ករចំនួន៣តោនចែកជូនប្រជាពលរដ្ឋដែលបានចូលរួមមកពីភូម១៣ និងភូមិ១៥ សរុប៣០០គ្រួសារ និងជូនថវិកាដល់វិហារចំនួន២ពី ដោយក្នុងមួយវិហារទទួលបានថវិកា២លានរៀល។

camm

Recent Posts

Hayat Al-Sindi គឺជាវិទ្យាសាស្ត្រស្ត្រីអារ៉ាប់ដំបូងគេ ដែលក្លាយជាអ្នកច្នៃប្រឌិត និងអ្នកដឹកនាំដ៏ធំក្នុងវិស័យវិទ្យាសាស្ត្រ

លោកស្រី Dr. Hayat Al-Sindi កើតនៅ ថ្ងៃទី៦ ខែវិច្ឆិកា ឆ្នាំ១៩៦៧ ក្នុងទីក្រុង មាក្កះនៃប្រទេសអារ៉ាប៊ីសូឌីត។ គាត់បានមានឱកាសចាកចេញទៅសិក្សានិងបណ្តុះបណ្តាលផ្នែកភាសាសអង់គ្លេសនៅប្រទេសអង់គ្លេស (more…)

4 days ago

ម៉ាឡេស៊ី ស្នើឱ្យមានការបញ្ជូន និងដាក់ពង្រាយកងកម្លាំងទាហានពិសេសម៉ាឡេសុីនៅតំបន់ព្រំដែនជម្លោះកម្ពុជា-ថៃ ដើម្បីត្រួតពិនិត្របទឈប់បាញ់ និងធានាថាមិនមានការរំលោភលើកិច្ចព្រមព្រៀង

ម៉ាឡេស៊ី ស្នើឱ្យមានការបញ្ជូន និងដាក់ពង្រាយកងកម្លាំងទាហានពិសេសម៉ាឡេសុីនៅតំបន់ព្រំដែនជម្លោះកម្ពុជា-ថៃ ដើម្បីត្រួតពិនិត្របទឈប់បាញ់ និងធានាថាមិនមានការរំលោភលើកិច្ចព្រមព្រៀង (more…)

2 weeks ago

រដ្ឋាភិបាលជប៉ុន ផ្តល់ជំនួយ ១.៨លានដុល្លារអាមេរិក ដើម្បីឆ្លើយតបទៅនឹងតម្រូវការផ្នែកមនុស្សធម៌នៅកម្ពុជា ដែលកំពុងរងគ្រោះដោយសារជម្លោះព្រំដែនកម្ពុជា-ថៃ

រដ្ឋាភិបាលជប៉ុន ផ្តល់ជំនួយ ១.៨លានដុល្លារអាមេរិក ដើម្បីឆ្លើយតបទៅនឹងតម្រូវការផ្នែកមនុស្សធម៌នៅកម្ពុជា ដែលកំពុងរងគ្រោះដោយសារជម្លោះព្រំដែនកម្ពុជា-ថៃ (more…)

2 weeks ago

មកដឹងរឿងរ៉ាវដ៏អាថ៍កំបាំងរបស់ស្តេចស្រីហ្ពាល់គីស និងការព្រមទទួលយកសាសនាឥស្លាមតាមរយៈព្យាការីស៊ូឡៃម៉ាន.

បើយោងតាមឯកសារប្រវត្តិសាស្ត្រឥស្លាមជាច្រើនបានឱ្យដឹងថា មហាក្សត្រីយ៍នៃនគរសាហ្ពាក់ ឬគេស្គាល់ថា ស្តេចស្រីហ្ពាល់គីស គឺជាស្ត្រីដែលមានអំណាច (more…)

3 weeks ago

សាសនិកឥស្លាមនៅខេត្តកំពង់ឆ្នាំង ដឹកនាំគណៈអ៊ីម៉ាំខេត្តកំពង់ឆ្នាំងរួមគ្នាថ្វាយបង្គំ បួងសួង សុំពរជ័យពីអុលឡោះជាម្ចាស់ ជួយថែរក្សាទឹកដីកម្ពុជា

សាសនិកឥស្លាមនៅខេត្តកំពង់ឆ្នាំង ដឹកនាំគណៈអ៊ីម៉ាំខេត្តកំពង់ឆ្នាំងរួមគ្នាថ្វាយបង្គំ បួងសួង សុំពរជ័យពីអុលឡោះជាម្ចាស់ ជួយថែរក្សាទឹកដីកម្ពុជានិងជួយការពារឲ្យបានសេចក្ដីសុខ គ្រប់ប្រការជូន វីរជនកងទ័ពសមរភូមិមុខ កំពុងឈរជើងការ ពារទឹកដី ពីការឈ្លានពានរបស់ប្រទេសជិតខាង (more…)

3 weeks ago