ឯកឧត្តមបណ្ឌិត ហ៊ឺ វីរៈ អ្នកតំណាងរាស្ត្រមណ្ឌលកំពង់ឆ្នាំង អញ្ជើញដោះស្រាយ​បញ្ហា​ទំនាស់​ដីធ្លី​ ដែល​ជា​ស្រះទឹក​សហគមន៍​ របស់​បងប្អូន​ខ្មែរ​ឥស្លាម​ នៅស្រុក​កំពង់ត្រឡាច​ ខេត្តកំពង់ឆ្នាំង

នាព្រឹក​ថ្ងៃសុក្រ ១កើត ខែមិគសិរ ឆ្នាំម្សាញ់​ សប្តស័ក ព.ស.២៥៦៩​ ត្រូវ​នឹងថ្ងៃទី២១ ខែវិច្ឆិកា ឆ្នាំ២០២៥​ ឯកឧត្តមបណ្ឌិត ហ៊ឺ វីរៈ អ្នកតំណាងរាស្ត្រមណ្ឌលកំពង់ឆ្នាំង រួម​ជាមួយ​ក្រុមការងារ​ បានអញ្ជេីញ​ដោះស្រាយ​ទំនាស់​ដីធ្លី​ ដែល​ជា​ស្រះទឹក​សហគមន៍​ របស់​បងប្អូន​ខ្មែរ​ឥស្លាម​ ស្ថិត​នៅ​ភូមិ​ក្រសះថ្មី​ ឃុំ​ឈូក​ស​ ស្រុក​កំពង់ត្រឡាច​។​ ក្នុង​ការ​ដោះស្រាយ​វិវាទ​ដី​ធ្លី​នេះ​ មាន​ការ​អញ្ជើញ​ចូលរួម​ពី​ ឯកឧត្តម​ អនុ​ប្រធាន​ និង​សមាជិក​ក្រុម​ការងារ​ចុះ​មូលដ្ឋាន​ស្រុក​កំពង់ត្រឡាច​ លោក​ ចាន់​ ណា​ សមាជិក​គណៈ​មេធាវី​ នៃព្រះរាជាណាចក្រកម្ពុជា​ ក្រុម​ប្រឹក្សា​ឃុំ​ឈូក​ស​ រដ្ឋបាល​ឃុំ​ឈូក​ អាជ្ញាធរ​មូលដ្ឋាន​ និង​បងប្អូន​ប្រជាពលរដ្ឋ​យ៉ាង​ច្រើន​កុះករ​។