ឥណ្ឌូណេស៉ី គ្រោងទទួលពលរដ្ឋប៉ាឡេស្ទីនដែលរងគ្រោះនៅហ្កាហ្សា ឱ្យមកស្នាក់នៅបណ្តោះអាសន្ននិងព្យាបាលរហូតជាសះស្បើយ

លោក ប្រធានាធិបតីបានឱ្យដឹងថា លោកបានណែនាំដល់រដ្ឋមន្ត្រីការបរទេស ឱ្យឆាប់ពិភាក្សាជាមួយភាគីប៉ាឡេស្ទីន និងភាគីផ្សេងទៀត អំពីរបៀបជម្លៀសប្រជាជនប៉ាឡេស្ទីនមកកាន់ឥណ្ឌូណេស៉ី។ លោកបានបន្ថែមថា ជនរងគ្រោះប៉ាឡេស្ទីន នឹងស្ថិតនៅក្នុងប្រទេសឥណ្ឌូណេស៉ីជាបណ្ដោះអាសន្ន រហូតដល់ជាសះស្បើយពីរបួស ហើយស្ថានភាពនៅតំបន់ហ្កាហ្សាមានសុវត្ថិភាព អាចឱ្យពួកគេត្រឡប់ទៅវិញបាន។