ព័ត៌មានអន្តរជាតិ

អ្នកថ្វាយបង្គំមូស្លីមរួមនិងជនស៊ីវិលចំនួន ១០នាក់បានស្លាប់ និង១១នាក់របួស ដោយសារការវាយប្រហារលើវិហារឥស្លាម និងអគារជនស៊ីវិល ដោយកំាំភ្លើងធំ ពីសំណាក់ក្រុមប៉ារ៉ាយោធា ក្នុងរដ្ឋធានីនៃប្រទេសស៊ូដង់

Spread the love

ក្រុមសកម្មជនក្នុងតំបន់ បាននិយាយថា កាំភ្លើងធំរបស់ក្រុមប៉ារ៉ាយោធា បានវាយប្រហារលើវិហារឥស្លាមមួយ និងអគារជនស៊ីវិលផ្សេងទៀត នៅក្នុងរដ្ឋធានីនៃប្រទេសស៊ូដង់ កាលពីថ្ងៃអង្គារ ទី៣ ខែតុលា បណ្តាលអោយមានមនុស្សចំនួន ១០នាក់បានស្លាប់។

នេះជាឧបទ្ទវហេតុចុងក្រោយបំផុតដែលជនស៊ីវិលជាច្រើននាក់ត្រូវបានសម្លាប់ នៅក្នុងទីក្រុង Khartoum រដ្ឋធានីនៃប្រទេសស៊ូដង់ ក្នុងអំឡុងពេលជិតប្រាំមួយខែនៃជម្លោះប្រដាប់អាវុធ រវាងមេដឹកនាំកងទ័ពស៊ូដង់ លោក Abdel Fattah Al-Burhan និងអតីតអនុប្រធានរបស់គាត់គឺ មេបញ្ជាការកងកម្លាំងគាំទ្ររហ័សប៉ារ៉ាយោធា (RSF) លោក Mohamed Hamdan Daglo ។

គណៈកម្មាធិការតស៊ូក្នុងតំបន់ បាននិយាយថា ជនស៊ីវិល ១០នាក់ត្រូវបានសម្លាប់ និង១១នាក់ផ្សេងទៀតបានរងរបួស នៅក្នុងការបាញ់ផ្លោងដោយកាំភ្លើងធំពីសំណាក់កងកម្លាំងគាំទ្ររហ័សប៉ារ៉ា នៅក្នុងសង្កាត់ Al-Samrab ឆ្លងកាត់ទន្លេ Blue Nile ទៅភាគខាងជើងនៃកណ្តាលទីក្រុង Khartoum ។

គណៈកម្មាធិការនេះគឺជាក្រុមមួយក្នុងចំណោមក្រុមជាច្រើនដែលធ្លាប់រៀបចំការតវ៉ាគាំទ្រលទ្ធិប្រជាធិបតេយ្យ ហើយឥឡូវនេះកំពុងផ្តល់ជំនួយក្នុងអំឡុងពេលជម្លោះ។ បាននិយាយតាមទូរស័ព្ទទៅកាន់ទីភ្នាក់ងារសារព័ត៌មាន AFP នៅទីក្រុង Port Sudan ភាគខាងកើតថា “គ្រាប់ផ្លោងមួយចំនួនបានធ្លាក់ទៅលើវិហារអ៊ីស្លាម មណ្ឌលសុខភាព និងផ្ទះប្រជាពលរដ្ឋ”។

កាលពីថ្ងៃទី១២ ខែកញ្ញា កន្លងទៅ ប្រភពវេជ្ជសាស្រ្តបានប្រាប់ AFP ថា ជនស៊ីវិល ១៧នាក់ត្រូវបានសម្លាប់ នៅភាគខាងជើងទីក្រុង Khartoum ជាកន្លែងដែលសាក្សីបានរាយការណ៍ពីការបាញ់ផ្លោងដោយកងកម្លាំងគាំទ្ររហ័សប៉ារ៉ាយោធា។

ហើយការស្លាប់ជនស៊ីវិល១៧នាក់នោះ បានកើតឡើងពីរថ្ងៃបន្ទាប់ពីមនុស្សយ៉ាងហោចណាស់ ៥១នាក់ត្រូវបានសម្លាប់ និងរាប់សិបនាក់រងរបួស នៅក្នុងការវាយប្រហារតាមអាកាសលើទីផ្សារភាគខាងត្បូង ទីក្រុង Khartoum។ នេះបើយោងតាមប្រធានសិទ្ធិមនុស្សរបស់អង្គការសហប្រជាជាតិលោក Volker Turk។

អំពើហឹង្សាដ៏អាក្រក់បំផុតត្រូវបានប្រមូលផ្តុំនៅក្នុងទីក្រុង Khartoum និងតំបន់ភាគខាងលិចនៃទីក្រុង Darfur ប៉ុន្តែនៅរដ្ឋ Kordofan ខាងជើង ត្រង់ចំណុចផ្លូវបំបែករវាងរដ្ឋធានី Khartoum និងទីក្រុង Darfur ត្រូវបានគេឃើញមានការប្រយុទ្ធគ្នាផងដែរ។

កាលពីថ្ងៃទី២១ ខែកញ្ញា កន្លងទៅ ក្នុងឱកាសថ្លែងសុន្ទរកថាពីវេទិកានៅឯទីស្នាក់ការអង្គការសហប្រជាជាតិ ក្នុងទីក្រុងញូវយ៉ក លោក Abdel Fattah Al-Burhan មេដឹកនាំកងទ័ពស៊ូដង់ បានអំពាវនាវឱ្យសហគមន៍អន្តរជាតិចាត់ថ្នាក់កងកម្លាំងគាំទ្ររហ័សប៉ារ៉ាយោធា (RSF) ជាអង្គការភេរវករដើម្បីប្រឆាំងនឹងអ្នកឧបត្ថម្ភរបស់ពួកគេនៅខាងក្រៅព្រំដែននៃប្រទេសស៊ូដង់។

គួរជម្រាបថា យោងតាមរបាយការណ៍ពីអង្គការសហប្រជាជាតិ មនុស្សជិត ៧,៥០០នាក់ត្រូវបានសម្លាប់ ចាប់តាំងពីជម្លោះប្រដាប់អាវុធបានផ្ទុះឡើង នៅថ្ងៃទី១៥ ខែមេសា និងបានធ្វើអោយមនុស្សជិត ៤.៣លាននាក់ ត្រូវផ្លាស់ទីលំនៅ ខណៈមនុស្សប្រហែល ១.២លាននាក់បានភៀសខ្លួនឆ្លងព្រំដែន៕

camm

Recent Posts

អារ៉ាប៊ីសាអូឌីតផ្តល់ជំនួយជាសម្ភារៈបរិក្ខាគិតជាទឹកប្រាក់ប្រមាណ៨ម៉ឺនដុល្លារអាមេរិកដល់សាកលវិទ្យាល័យកម្ពុជា គ្រប់គ្រង និង បច្ចេកវិទ្យា(CUMT) ដើម្បីធ្វើទំនើបកម្ម និងបង្កើនសមត្ថភាពលើការបណ្តុះបណ្តាលនិស្សិតកម្រិតឧត្តមសិក្សានៅកម្ពុជា

ភ្នំពេញ កម្ពុជា៖ មជ្ឈមណ្ឌលព្រះចៅសាល់ម៉ានដើម្បីជំនួយសង្គ្រោះ និងការងារមនុស្សធម៌ (KSRelief) នៃព្រះរាជាណាចក្រអារ៉ាប៊ីសាអូឌីត បានផ្តល់ជំនួយជាថវិកា និងសម្ភារៈបរិក្ខាក្នុងតម្លៃសរុបប្រមាណ 80,000 (more…)

2 days ago

Cambodia and Thailand to ink accord at ASEAN Summit to end border conflict, says minister

Foreign Minister Prak Sokhonn (front row, 3-L) attends a four-party meeting with Malaysian, US and…

4 days ago

យន្តហោះ Boeing ធ្លាក់ចេញពីផ្លូវរត់ បុករថយន្តបណ្តាលឲ្យស្លាប់មនុស្ស ២ នាក់នៅហុងកុង !

ពិតជារឿងដ៏កម្រមួយ! យន្តហោះដឹកទំនិញរបស់ក្រុមហ៊ុន Emirates ប្រតិបត្តិការណ៍ដោយ ACT Air Cargo បានជួបគ្រោះថ្នាក់ធ្លាក់ចេញពីផ្លូវរត់ទៅបុករថយន្តផ្នែកសេវាកម្ម បណ្តាលឱ្យមនុស្ស២នាក់បានស្លាប់ នៅពេលចុះចតនៅឯព្រលានយន្តហោះអន្តរជាតិហុងកុង នៅព្រលឹមថ្ងៃចន្ទនេះ ហើយភ្លាមៗយន្តហោះនោះបានធ្លាក់ចូលសមុទ្រតែម្តង ។ (more…)

4 days ago

សមត្ថកិច្ច​ ឃាត់ជនបរទេសចំនួន​ ២៩០នាក់ ពាក់ព័ន្ធស្នាក់នៅ និងធ្វើការខុសច្បាប់នៅខេត្តព្រះសីហនុ

ខេត្តព្រះសីហនុ​ ៖ បន្ទាប់ពីមានផ្ទុះការតវ៉ារវាងក្រុមជនជាតិប៉ាគីស្ថាន និងបង់ក្លាដេស ប្រឆាំងនឹងជនជាតិចិន ដែលប្រើពាក្យប្រមាថជាតិសាសន៍នៅកន្លែងធ្វើការ នៅក្នុងក្រុងព្រះសីហនុ​ កាលពីយប់ថ្ងៃទី៤​ ឈានចូលថ្ងៃទី៥​ ខែតុលា​ ឆ្នាំ​២០២៥ ។ (more…)

2 weeks ago

រដ្ឋមន្ត្រី​ក្រសួង​វប្បធម៌​និង​វិចិត្រសិល្បៈ​ ជួប​សំណេះសំណាលជាមួយអ្នកបន្តវេនជំនាញវិជ្ជាជីវៈដូនតា ជំនាញ​ធ្វើ​សាជី​ នៅ​ស្រុក​កំពង់ត្រឡាច​

កំពង់ឆ្នាំង៖ នាព្រឹកថ្ងៃសៅរ៍ ទី៤​ ខែតុលា​ ឆ្នាំ២០២៥ ​លោក​ជំទាវ​បណ្ឌិត​សភាចារ្យ​ ភឿង​ សកុណា​ រដ្ឋមន្ត្រី​ក្រសួង​វប្បធម៌​និង​វិចិត្រសិល្បៈ​ រួមជាមួយថ្នាក់ដឹកនាំខេត្តកំពង់ឆ្នាំង បានជួបសំណេះសំណាលជាមួយអ្នកគ្រូ ខាត ម៉ៃនះ ជាគ្រូបង្គោលបណ្តុះបណ្តាលជំនាញវិជ្ជាជីវៈដូនតា ដល់សិស្សក្រីក្រនៅក្នុងសហគមន៍…

3 weeks ago

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកព្រះរាជអំណោយដ៏ឧត្តុង្គឧត្តមរបស់ សម្តេចព្រះមហាក្សត្រី ព្រះវររាជមាតាជាតិខ្មែរ មកចែកជូនប្រជានុរាស្ត្រងាយរងគ្រោះបំផុត ដែលបានទទួលរងគ្រោះដោយទឹកជំនន់ចំនួន ១.៨០០គ្រួសារ មកពីភូមិចំនួន១៤ ក្នុងឃុំចំនួន៣ នៃស្រុកត្បូងឃ្មុំ ខេត្តត្បូងឃ្មុំ …!!

បន្ទាប់ពីបានទទួលព្រះរាជទ្រព្យដ៏ឧត្តុង្គឧត្តមចំនួន ២ម៉ឺនដុល្លារអាម៉េរិក របស់សម្តេចព្រះមហាក្សត្រី ព្រះវររាជមាតាជាតិខ្មែរ ព្រះប្រធានកិត្តិយសកាកបាទក្រហមកម្ពុជា ជាទីសក្ការៈដ៏ខ្ពង់ខ្ពស់បំផុត ភ្លាមៗនៅព្រឹកថ្ងៃអាទិត្យ ទី៥ ខែតុលា ឆ្នាំ២០២៥នេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា…

3 weeks ago