អារ៉ាប៊ីសាអូឌីតបាននិយាយកាលពីថ្ងៃអាទិត្យថា ខ្លួនបានបញ្ចេញជំនួយចំនួន ២៥០ លានដុល្លារ ដល់រដ្ឋាភិបាលដែលមានការទទួលស្គាល់ជាអន្តរជាតិនៅក្នុងប្រទេសយេម៉ែន។ នេះបើតាមការផ្សាយដោយសារព័ត៌មាន Arab News នៅថ្ងៃទី១២ ខែកុម្ភៈ ឆ្នាំ២០២៤។
ថវិកានេះធ្វើឡើងបន្ទាប់ពីការទូទាត់ដំបូងនៃចំនួនថវិកាដូចគ្នាដែលបានប្រកាសកាលពីខែសីហា ឆ្នាំ២០២៣ កន្លងទៅ នៅពេលដែលទីក្រុង Riyadh បានប្តេជ្ញាផ្តល់ជំនួយសរុបចំនួន ១.២ ពាន់លានដុល្លារ ដើម្បីបន្ធូរបន្ថយឱនភាពថវិការបស់រដ្ឋាភិបាល និងបើកប្រាក់បៀវត្សរ៍ដល់មន្ត្រីរាជការ។
លោក Mohammed al-Jaber ឯកអគ្គរដ្ឋទូតអារ៉ាប៊ីសាអូឌីតប្រចាំនៅអារ៉ាប៊ីសាអូឌីត បានមានប្រសាសន៍ថា “ជំនួយទីពីរនៃជំនួយសម្រាប់គាំទ្រការដោះស្រាយឱនភាពថវិកាសម្រាប់រដ្ឋាភិបាលយេម៉ែនត្រូវបានផ្ទេរទៅឱ្យធនាគារកណ្តាលនៃប្រទេសយេម៉ែននៅទីក្រុង Aden ដែលមានទឹកប្រាក់ចំនួន ២៥០ លានដុល្លារ ដើម្បីគាំទ្រដល់ប្រាក់ខែ ប្រាក់ឈ្នួល និងការចំណាយផ្សេងៗ”។
សង្រ្គាមសេដ្ឋកិច្ច រវាងរដ្ឋាភិបាលដែលទទួលស្គាល់ជាអន្តរជាតិ និងកងជីវពល Houthi គាំទ្រដោយអ៊ីរ៉ង់ បានធ្វើឱ្យប្រទេសនេះមានបញ្ហា។ រដ្ឋាភិបាលយេម៉ែន បានផ្លាស់ប្តូរទីតាំងទៅកាន់ទីក្រុង Aden ដែលជាទីក្រុងកំពង់ផែមួយនៅឆ្នេរសមុទ្រភាគខាងត្បូង បន្ទាប់ពីកងជីវពល Houthi គាំទ្រដោយអ៊ីរ៉ង់ បានដណ្តើមយករដ្ឋធានី Sanaa ក្នុងឆ្នាំ២០១៤។
គួរកត់សម្គាល់ថា អារ៉ាប៊ីសាអូឌីតបាននិងកំពុងខិតខំប្រឹងប្រែងឥតឈប់ឈរដើម្បីគាំទ្រ និងពង្រឹងសេដ្ឋកិច្ចរបស់ប្រទេសយេម៉ែន និងលើកកម្ពស់ជីវភាពរស់នៅរបស់ប្រជាជន តាមរយៈការផ្តល់ជំនួយសេដ្ឋកិច្ច និងការអភិវឌ្ឍន៍ផ្ទាល់ សរុបជាទឹកប្រាក់មានចំនួនប្រហែល ១១,២ ពាន់លានដុល្លារ ចាប់តាំងពីចន្លោះឆ្នាំ២០១២ ដល់ឆ្នាំ២០២៣៕
នៅព្រះបរមរាជវាំង នាព្រឹកថ្ងៃសុក្រ ៤រោច ខែមាឃ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៦ ខែកុម្ភៈ ឆ្នាំ២០២៦នេះ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា…
ប្រធានព្រឹទ្ធសភាប៉ាគីស្ថានឯកឧត្តម ស៊ីយ៉េដ យូសាហ្វ រ៉ាសា ហ្គីឡានី បានលើកឡើងថាប៉ាគីស្ថានស្វាគមន៍ឱ្យកម្ពុជាចូលជាសមាជិកអង្គការសហប្រតិបត្តិការឥស្លាមដោយបានកោតសរសើរពីការកសាងបានសុខដុមនីយកម្មសាសនាក្នុងប្រទេសកាន់ព្រះពុទ្ធសាសនាកម្ពុជា។ (more…)
(ខេត្តត្បូងឃ្មុំ)៖ ដើម្បីធានាបាននូវសន្តិសុខ សុវត្ថិភាព និងសណ្តាប់ធ្នាប់របៀបរៀបរយឱ្យកាន់តែល្អប្រសើរ ក្នុងឱកាសនៃពិធីជួបជុំសាសនិកឥស្លាម (អិចទីម៉ាក) ដែលនឹងឈានចូលមកដល់នាពេលខាងមុខ នៅព្រឹកថ្ងៃពុធ ទី០៤ ខែកុម្ភៈ ឆ្នាំ២០២៦ ឯកឧត្តម ឡា ឡៃ រដ្ឋលេខាធិការក្រសួងធម្មការ…
An additional 4,945 displaced people returned to their homes yesterday, marking a significant milestone in…
Labour and Vocational Training Minister Heng Sour receives a courtesy call from newly-appointed UN Resident…
Deputy Prime Minister and First Vice Chairman of the Council for the Development of Cambodia…