អាជ្ញាធរក្នុងរដ្ឋ Uttar Pradesh ភាគកណ្តាលប្រទេសឥណ្ឌា បានបិទសាលារៀនឯកជនមួយ បន្ទាប់ពីធ្លាយវីដេអូគ្រូបង្រៀនមួយរូប បានប្រាប់ឱ្យសិស្សរបស់នាងទះកំផ្លៀងមិត្តរួមថ្នាក់ដែលជាមូស្លីម បង្កឱ្យមានការខឹងសម្បារពីសំណាក់សហគមន៍មូស្លីម។
ប៉ូលីស បានបើកសំណុំរឿងប្រឆាំងនឹងគ្រូបង្រៀនម្នាក់នោះ ដែលត្រូវបានគេស្គាល់មានឈ្មោះថា Tripta Tyagi ខណៈដែលវីដេអូនៃឧប្បត្តិហេតុកាលពីថ្ងៃទី២៤ ខែសីហា បានផ្សព្វផ្សាយពាសពេញបណ្តាញសង្គម។ ឧប្បត្តិហេតុនេះបានផ្ទុះឡើង ចំពេលដែលក្នុងប្រទេសឥណ្ឌាកំពុងមានភាពតានតឹងកាន់តែខ្លាំងឡើងរវាងប្រជាជនហិណ្ឌូភាគច្រើនបំផុតរបស់ប្រទេស និងប្រជាជនមូស្លីម។
នៅក្នុងវីដេអូ ប៉ូលីសបានសន្និដ្ឋានថា គ្រូបង្រៀន Tyagi ប្រាប់សិស្សរបស់នាងឱ្យទះកំផ្លៀងមិត្តរួមថ្នាក់ដែលជាមូស្លីម អាយុប្រាំពីរឆ្នាំរបស់ពួកគេ។ យ៉ាងហោចណាស់ មានសិស្សបីនាក់ឡើងមករកមិត្តរួមថ្នាក់ម៉ូស្លីមម្តងមួយៗ ហើយទះកំផ្លៀងគាត់។
លោក Satyanarayan Prajapat មន្ត្រីប៉ូលិសជាន់ខ្ពស់នៅស្រុក Muzaffarnagar នៃរដ្ឋ Uttar Pradesh បាននិយាយថា គ្រូបង្រៀនបានប្រាប់សិស្សឱ្យវាយក្មេងប្រុសដែលជាមូស្លីមនេះ ព្រោះគាត់មិនចាំកាលវិភាគ។ ប៉ុន្តែគ្រូក៏បានលើកឡើងអំពីសាសនារបស់ក្មេងប្រុសនេះផងដែរ។
គ្រូបង្រៀនមកពីសាលាឯកជនរូបនេះ បានសារភាពថា នាងពិតជាបានប្រព្រឹត្តកំហុសដោយសុំឱ្យសិស្សផ្សេងទៀតវាយក្មេងប្រុសដែលជាមូស្លីមពិតប្រាកដមែន ប៉ុន្តែពាក់ព័ន្ធនឹងវិន័យចាំបាច់ប៉ុណ្ណោះ។
ជារឿយៗ នាយករដ្ឋមន្ត្រីរបស់ប្រទេសឥណ្ឌា ដែលដឹកនាំដោយលោក Narendra Modi តែងតែប្រកាសដោយអះអាងថា ខ្លួនមិនរើសអើងប្រឆាំងនឹងប្រជាជនម៉ូស្លីមជាង ២០០លាននាក់ របស់ប្រទេសនេះទេ។ ហើយកាលពីខែមិថុនា កន្លងទៅ ក្នុងអំឡុងពេលទស្សនកិច្ចនៅសហរដ្ឋអាមេរិក លោក Modi បានប្រាប់អ្នកកាសែតថា “គ្មានកន្លែងសម្រាប់ការរើសអើង” នៅក្នុងប្រទេសឥណ្ឌានោះទេ។
ប៉ុន្តែទោះបីយ៉ាងណា ជុំវិញឧប្បត្តិហេតុនេះ អ្នកនយោបាយជាច្រើនរបស់ប្រទេសឥណ្ឌាបានចោទប្រកាន់គណបក្ស Bharatiya Janata Party (BJP) ដែលកំពុងកាន់អំណាច ថាបានបង្កើតបរិយាកាសមួយដែលសាបព្រោះភាពរើសអើងក្នុងសង្គម៕
បុរសដើរតួជាអង្គរក្ស ដែលធ្វើឱ្យមានការភ័យខ្លាចអ្នកធ្វើដំណើរតាមដងផ្លូវសាធារណៈ ដែលល្បីក្នុងបណ្ដាញសង្គមបានមកដល់ស្នងការនគរបាលរាជធានីហើយនៅព្រឹកនេះ ។ នេះបើតាមការបញ្ជាក់របស់ឧត្តមសនីយ៍ឯក ជួន ណារិន្ទ ស្នងការនគរបាលរាជធានីភ្នំពេញ។
លោកជំទាវ Hala Youssef Ahmed Ragab ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋអារ៉ាប់អេហ្ស៊ីប ប្រចាំព្រះរាជាណាចក្រកម្ពុជា ដែលមាននិវេសនដ្ឋាននៅទីក្រុងបាងកក បានផ្តល់តម្លៃខ្ពស់ (more…)
នាយករដ្ឋមន្ត្រី លោក អានុទីន ឆានវីរៈគុល បានប្រកាសដាក់ខេត្តសុងក្លា (Songkhla) ក្នុងគ្រាអាសន្ននៅថ្ងៃអង្គារទី២៥ខែវិច្ឆិកាឆ្នាំ២០២៥នេះ ខណៈដែលទឹកជំនន់ដែលមិនធ្លាប់មានពីមុនមក បន្តបង្កការខូចខាតយ៉ាងធ្ងន់ធ្ងរ និងគំរាមកំហែងដល់សុវត្ថិភាពសាធារណៈ។ យោងតាមសារព័ត៍មានថៃ The Nation Thailand បញ្ជាក់ថា…
លោកស្រី Pauline Hanson អាយុ ៧១ ឆ្នាំ ដែលគេស្គាល់ថា មេដឹកនាំគណបក្សតូចតាចមួយឈ្មោះ One Nation ដែលប្រឆាំងមូស្លីម និងប្រឆាំងអន្តោប្រវេសន៍ ត្រូវបានចោទប្រកាន់ពីបទធ្វើត្រាប់ដែលគួរឲ្យស្អប់កាលពីថ្ងៃចន្ទ នៅពេលដែលលោកស្រីបានដើរចូលទៅក្នុងព្រឹទ្ធសភាដោយស្លៀកពាក់សម្លៀកបំពាក់ពីក្បាលដល់កជើង ដើម្បីតវ៉ាប្រឆាំងនឹងការបដិសេធរបស់សមាជិកព្រឹទ្ធសភាដទៃទៀតក្នុងការពិចារណាលើសេចក្តីព្រាងច្បាប់របស់លោកស្រី…
គណៈដឹកនាំជាន់ខ្ពស់នៃសាសនាឥស្លាមកម្ពុជា បានរៀបចំពិធីប្រគល់សញ្ញាបត្របឋមសិក្សាឥស្លាម ជូនដល់សិស្សជ័យលាភី ចំនួន ៥០០នាក់ ក្នុងឆ្នាំសិក្សា (more…)
តាកែវ៖ នាព្រឹកថ្ងៃទី២២ ខែវិច្ឆិកា ឆ្នាំ២០២៥នេះឯកឧត្តមឡាឡៃ រដ្ឋលេខាធិការ និងជាតំណាងដ៌ខ្ពង់ខ្ពស់ឯកឧត្តមបណ្ឌិត ចាយ បូរិនរដ្ឋមន្រ្តីក្រសួងធម្ម (more…)