ព័ត៌មានជាតិ

សិស្សានុសិស្សខ្មែរឥស្លាមចំនួន ៤រូប បានចេញដំណើរទៅចូលរួមក្នុងកម្មវិធីប្រកួតប្រជែងនិយាយភាសាអង់គ្លេសជាសាធារណៈកម្រិតថ្នាក់អន្តរជាតិនៅប្រទេសវៀតណាម ក្រោមការចូលរួមចំនួន6ប្រទេសផ្សេងៗគ្នា

Spread the love

សិស្សានុសិស្សចំនួន៤រូប មកពីសាលា hope English center ស្ថិតនៅភូមិទ្រាទី១ ឃុំទ្រា ស្រុកក្រូចឆ្មារ ខេត្តត្បូងឃ្មុំ បានចេញដំណើរទៅចូលរួមក្នុងកម្មវិធីកិច្ចប្រជុំយុវជនសកលឆ្នាំ២០២៣ ឬ Global Youth Summits 2023 ដើម្បីធ្វើការប្រកួតប្រជែងនិយាយភាសាអង់គ្លេសជាសាធារណៈ កម្រិតថ្នាក់អន្តរជាតិនៅប្រទេសវៀតណាម។ ក្នុងនោះសម្រាប់ឆ្នាំ២០២៣នេះ ការប្រកួតប្រជែងនិយាយភាសាអង់គ្លេសជាសាធារណៈនឹងប្រព្រឹត្តធ្វើឡើងចាប់ពីថ្ងៃទី២៣ ដល់ថ្ងៃទី២៧ ខែសីហា នៅក្នុងទីក្រុង Quy Nhorn នៃប្រទេសវៀតណាម ក្រោមការចូលរួមចំនួន6ប្រទេសផ្សេងៗគ្នាមានដូចជា សិង្ហបុរី ម៉ាឡេស៊ី វៀតណាម ម៉ុងហ្គោល នីហ្សេរីយ៉ា និងតៃវ៉ាន់ជាដើម។

បើតាមការបញ្ជាក់ពីលោកគ្រូ ម៉ាត់ ហាហ្វីហ្ស៊ី ជាអ្នករៀបចំ និងសម្របសម្រួលកម្មវិធីទូទៅក្នុងសាលា hope English center បានប្រាប់មកទូរទស្សន៍មូស្លីមកម្ពុជានៅព្រឹកថ្ងៃទី២៣ ខែសីហា ឆ្នាំ២០២៣ នេះឱ្យដឹងថា សិស្សានុសិស្សដែលចូលរួមប្រកួតនៅឯប្រទេសវៀតណាមនេះគឺមានចំនួន៤រូប ក្នុងនោះមានសិស្សស្រីចំនួនពីររូប ដោយពួកគេនឹងធ្វើការប្រកួតប្រជែងលើវិញ្ញាសារពីរស្ថិតនៅក្នុងកម្រិតខុសៗគ្នាគឺមានក្រុម senior និងក្រុម Junior។ ជាក់ស្តែងក្រុមJunior គឺមានប្អូនប្រុស ស្មាអេល សាហ្វៀក និងប្អូនស្រី ហាណាហ្វី អ៊ីណា ចំណែកក្រុម senior គឺមានប្អូនប្រុស ហារ៉ូន អាំរី និងប្អូនស្រី វ៉ាន់នោ ម៉ារីយ៉ា។

លោកបានបន្តថា សម្រាប់កម្មវិធីនៅក្នុងឆ្នាំ២០២៣នេះ គឺជាការរៀបចំធ្វើឡើងដោយក្រសួងបរិស្ថាននៃសាធារណៈរដ្ឋសង្គមនិយមវៀតណាម ដែលមានការសហការជាមួយសមាគម Hemispher របស់សិង្ហបុរី។ ដោយនិងមានការប្រកួតប្រជែងទៅលើបញ្ហាផ្សេងៗគ្នា ក្នុងនោះសិស្សនុសិស្សមកពីបណ្តាប្រទេសនិមួយៗអាចលើកពីដំណោះស្រាយនានាដើម្បីជួយការពារអំពីបញ្ហាបរិស្ថាន។ លោក ម៉ាត់ ហាហ្វីហ្ស៊ី ក៏បានបញ្ជាក់បន្ថែមថា ចំពោះកម្មវិធីប្រកួតប្រជែងថ្នាក់អន្តរជាតិនេះ គឺធ្វើឡើងក្នុងគោលបំណងផ្សារភ្ជាប់នូវទំនាក់ទំនងល្អរវាងគ្នានិងគ្នា បណ្តុះនូវកិច្ចសហប្រតិបត្តិការរវាងយុវជន ដើម្បីរួមគ្នាដោះស្រាយបញ្ហាមួយចំនួនជាពិសេសបញ្ហាបរិស្ថាន ដែលមានដូចជា ការបម្រែបម្រួលអាកាសធាតុ ការកើនឡើងនូវកម្តៅផែនដី និងការកើនឡើងនូវកម្ពស់ទឹកសមុទ្រជាដើម។

គួរជម្រាបថា កម្មវិធីប្រកួតប្រជែងនិយាយភាសាអង់គ្លេសជាសាធារណៈកម្រិតថ្នាក់អន្តរជាតិនេះ គឺបានធ្វើឡើងជារៀងរាល់ឆ្នាំ ជាក់ស្តែងកាលពីឆ្នាំ២០២២ សិស្សានុសិស្សខ្មែរឥស្លាមនៃសាលា hope English center ក៏ធ្លាប់ទទួលបានជ័យលាភីលេខ១ និងលេខ២ ផងដែរ ដែលការប្រលងធ្វើឡើងនៅក្នុងប្រទេសសិង្ហបុរី ក្រោមការចូលរួមពីសិស្សានុសិស្សមកពី៦ប្រទេសខុសៗគ្នា។


camm

Recent Posts

ស្ថាប័នអប់រំ អ៊ិនធីស៊ីគ្រុប(NTC Group)ដែលមានបុត្រសម្ព័ន្ធស្ថាប័នអប់រំចំនួន ៥ រៀបចំ ប្រជុំបូកសរុបការងារ ឆ្នាំ២០២៥ និងលើកទិសដៅបន្ត ឆ្នាំ២០២៦របស់ខ្លួន

ស្ថាប័នអប់រំ អ៊ិនធីស៊ីគ្រុប(NTC Group) ដែលមានបុត្រសម្ព័ន្ធស្ថាប័នអប់រំចំនួន៥ រួមមាន៖ សាលាកុមារប៉ាស៊ីហ្វិក, សាលាអន្តរជាតិ អាមេរិកាំងប៉ាស៊ីហ្វិក, សាលាសុវណ្ណភូមិ, សាលាអ៊ិស វ៉េស និង NTC Exam Centre…

3 hours ago

រដ្ឋមន្ត្រីក្រសួងការពារជាតិអារ៉ាប៊ីសាអូឌីតជួបជាមួយមន្ត្រីជាន់ខ្ពស់អាមេរិក នៅទីក្រុងវ៉ាស៊ីនតោន

រដ្ឋមន្ត្រីក្រសួងការពារជាតិអារ៉ាប៊ីសាអូឌីត ព្រះអង្គម្ចាស់ Khalid bin Salman បានជួបជាមួយមន្ត្រីជាន់ខ្ពស់អាមេរិកនៅថ្ងៃព្រហស្បតិ៍ទី២៩ ខែមករាឆ្នាំ២០២៦ ខណៈដែលព្រះអង្គយាងបំពេញទស្សនកិច្ចជាផ្លូវការនៅទីក្រុងវ៉ាស៊ីនតោន។ (more…)

2 days ago

កម្ពុជាបណ្ដេញចេញជនជាតិមីយ៉ាន់ម៉ា៧២៩នាក់ តាមយន្តហោះពិសេស ពាក់ព័ន្ធការឆបោកតាមអនឡាញ និងគ្មានលិខិតឆ្លងដែន

ភ្នំពេញ៖ នៅយប់ថ្ងៃទី២៣ ដល់ថ្ងៃទី២៦ ខែមករា ឆ្នាំ២០២៦ សមត្ថកិច្ច បានបណ្តេញជនជាតិមីយ៉ាន់ម៉ា សរុបចំនួន ៧២៩នាក់ (ស្រី២១៧នាក់) ចេញពីប្រទេសកម្ពុជា តាមរយៈយន្តហោះពិសេស ពាក់ព័ន្ធករណីលួចស្នាក់នៅធ្វើការងារខុសច្បាប់ និងគ្មានលិខិតឆ្លងដែន (online…

2 days ago

កម្ពុជាវាយតម្លៃខ្ពស់ចំពោះតួនាទីដ៏សំខាន់របស់ម៉ាឡេស៊ី ក្នុងការសម្របសម្រួលឱ្យមានបទឈប់បាញ់ និងជំរុញឱ្យមានការដោះស្រាយជម្លោះព្រំដែនដោយសន្តិវិធី រវាងកម្ពុជា និងថៃ

ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ បានអញ្ជើញជួបពិភាក្សាការងារក្រៅផ្លូវការប្រកបដោយផ្លែផ្កាជាមួយ ឯកឧត្តម Dato’ Seri Utama Haji Mohamad bin Haji Hasan…

3 days ago

មនុស្ស១៥នាក់ស្លាប់ និងរាប់សិបនាក់បាត់ខ្លួន ក្នុងគ្រោះថ្នាក់លិចសាឡាងនៅហ្វីលីពីន

ឆ្មាំល្បាតឆ្នេរហ្វីលីពីន (PCG) បាននិយាយនៅថ្ងៃចន្ទ ២៦ មករា នេះថា ចំនួនអ្នកស្លាប់ដោយសារគ្រោះថ្នាក់លិចសាឡាងចម្លងមួយគ្រឿង នៅភាគខាងត្បូងប្រទេសហ្វីលីពីន បានកើនឡើងដល់យ៉ាងហោចណាស់ ១៥នាក់ ដោយមានមនុស្ស ៣១៦នាក់ ត្រូវបានជួយសង្គ្រោះ ខណៈក្រុមមន្រ្តីកំពុងតាមស្វែងរកមនុស្សរាប់សិបនាក់ទៀត ដែលនៅតែបាត់ខ្លួន។…

6 days ago

ភ្នាក់ងារសហប្រតិបត្តិការ និងសម្របសម្រួលតួកគីយ៉េ (TIKA) ចូលរួមគាំទ្រគម្រោង”ការលើកកម្ពស់សហគមន៍កសិកម្ម តាមរយៈការ កែច្នៃគ្រាប់ស្វាយចន្ទីប្រកបដោយចីរភាពនៅកម្ពុជា

ឯកឧត្តម ខ្លូត ចិន្តា អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាលនៃគណ:អភិបាលខេត្តកំពង់ចាម នៅថ្ងៃទី២៥ ខែមករា ឆ្នាំ២០២៦ បានអញ្ជើញចូលរួមជាអធិបតីក្នុងពីធីសម្ពោធជាផ្លូវការគម្រោង"ការលើកកម្ពស់សហគមន៍កសិកម្ម តាមរយៈការ កែច្នៃគ្រាប់ស្វាយចន្ទីប្រកបដោយចីរភាពនៅកម្ពុជា"…

6 days ago