ព័ត៌មានជាតិ

សហភាពឥស្លាមមកពីហុងកុង សហការជាមួយសមាគមសម្ព័ន្ធនារីឥស្លាមកម្ពុជា រួមនឹងសាកលវិទ្យាល័យកម្ពុជា គ្រប់គ្រង និងបច្ចេកវិទ្យា បានរៀបចំសិក្ខាសាលាអន្តរជាតិស្តីអំពីគន្លឹះនៃការផ្សព្វផ្សាយ ក្រោមប្រធានបទ “ក្តីមេត្តាទៅកាន់ពិភពលោក”

Spread the love

សហភាពឥស្លាមមកពីហុងកុង សហការជាមួយសមាគមសម្ព័ន្ធនារីឥស្លាមកម្ពុជា រួមនឹងសាកលវិទ្យាល័យកម្ពុជា គ្រប់គ្រង និងបច្ចេកវិទ្យា ថ្ងៃទី២៤ ខែវិច្ឆិកា ឆ្នាំ២០២៤ ស្ថិតនៅអគារសិក្សារបស់សាកលវិទ្យាល័យកម្ពុជា គ្រប់គ្រង និងបច្ចេកវិទ្យា បានរៀបចំសិក្ខាសាលាអន្តរជាតិ រយៈពេល ១ថ្ងៃពេញ ស្តីអំពីគន្លឹះនៃការផ្សព្វផ្សាយ ក្រោមប្រធានបទ “ក្តីមេត្តាទៅកាន់ពិភពលោក”។

ដែលសិក្ខាសាលានេះបានរៀបចំពិធីបើក ដោយមានការអញ្ជើញចូលរួមជាអធិបតីពីសំណាក់ ឯកឧត្តម ឡា ឡៃ រដ្ឋលេខាធិការក្រសួងធម្មការ និងសាសនា, ឯកឧត្តម លោកជំទាវ ប្រធានសមាគមសម្ព័ន្ធនារីឥស្លាមកម្ពុជា ប្រធានសហភាពឥស្លាមហុងកុង ឯកឧត្តមប្រធានក្រុមប្រឹក្សាភិបាលនៃសាកលវិទ្យាល័យកម្ពុជា គ្រប់គ្រង និងបច្ចេកវិទ្យា ឯកឧត្តមសាកលវិទ្យាធិការ វាក្មិនកិត្តិយស ព្រមទាំងមានការចូលរួមពីសំណាក់សាស្ត្រាចារ្យ លោកគ្រូ អ្នកគ្រូ ភ្ញៀវកិត្តិយសជាតិ និងអន្តរជាតិ តំណាងអង្គការសមាគម រួមនឹងសិក្ខាកាមជាច្រើនរយនាក់ផងដែរ។

នាឱកាសថ្លែងសុន្ទរកថាស្វាគមន៍ ឯកឧត្តមបណ្ឌិត ស្លេះ ណាស៊ី ទីប្រឹក្សាក្រសួងព័ត៌មាន និងជាសាកលវិទ្យាធិការ សាកលវិទ្យាល័យកម្ពុជា គ្រប់គ្រង និងបច្ចេកវិទ្យា ឯកឧត្តមបានមានប្រសាសន៍ថា៖ សាកលវិទ្យាល័យកម្ពុជា គ្រប់គ្រង និងបច្ចេកវិទ្យា តែងតែរៀបចំអោយមានកម្មវិធីសិក្ខាសាលាជាបន្តបន្ទាប់ ដើម្បីចែករំលែកចំណេះដឹងថ្មីៗ ជំរុញការអភិវឌ្ឍន៍ ជាពិសេសដើម្បីលើកកម្ពស់វិស័យអប់រំសហគមន៍នៅកម្ពុជា។

ឯកឧត្តម បានថ្លែងអំណរគុណ និងស្វាគមន៍យ៉ាងកក់ក្តៅចំពោះឯកឧត្តមគណៈអធិបតី ឯកឧត្តម លោកជំទាវ លោក លោកស្រី ភ្ញៀវកិត្តិសជាតិ និងអន្តរជាតិ តំណាងអង្គការសមាគម និងសិក្ខាកាមទាំងអស់ ដែលបានចំណាយពេលវេលាដ៏មមាញឹកចូលរួមសិក្ខាសាលានាថ្ងៃនេះ។

លោកជំទាវ ទៀត រ៉ទស់ អនុរដ្ឋលេខាធិការក្រសួងរ៉ែ និងថាមពល និងជាប្រធានសមាគមសម្ព័ន្ធនារីឥស្លាមកម្ពុជា បានមានប្រសាសន៍ថា៖ រយៈពេលកន្លងមក សមាគមសម្ព័ននារីឥស្លាមកម្ពុជា សហការជាមួយមិត្តហុងកុង និងបណ្តាអង្គការសមាគមជាដៃគូ សម្រេចបាននូវកិច្ចការធំៗមួយចំនួន លើគម្រោងនានាជាច្រើន ដើម្បីសហគមន៍មានភាពរីកចម្រើន។ ហើយថ្ងៃនេះ សមាគមមានមោទនៈភាពទទួលបាននូវការសហការជាមួយដៃគូមិត្តហុងកុង រួមជាមួយនឹងសាកលវិទ្យាល័យកម្ពុជា គ្រប់គ្រង និងបច្ចេកវិទ្យា បង្កើតឡើងនូវសិក្ខាសាលានេះឡើង។

ជាមួយគ្នានេះ ឯកឧត្តម A S Suffiad ប្រធានសហភាពឥស្លាមហុងកុង បានថ្លែអំណរគុណចំពោះសមាគមសម្ព័ននារីឥស្លាមកម្ពុជា និងសាកលវិទ្យាល័យកម្ពុជា គ្រប់គ្រង និងបច្ចេកវិទ្យា ដែលបានទទួលស្វាគមន៍យ៉ាងកក់ក្តៅ។ ឯកឧត្តម បានមានប្រសាសន៍ថា៖ នេះគឺជាលើកទីមួយរបស់ឯកឧត្តម ដែលបានសហការរៀបចំសិក្ខាសាលានៅប្រទេសកម្ពុជា ស្តីអំពីគន្លឹះនៃការផ្សព្វផ្សាយ ក្រោមប្រធានបទ “ក្តីមេត្តាទៅកាន់ពិភពលោក”។ ក្នុងនាមប្រធានសហភាពឥស្លាមហុងកុង ឯកឧត្តមសង្ឃឹមថា សិក្ខសាលានេះនឹងប្រកបទៅដោយអត្ថប្រយោជន៍ជាច្រើនដល់សិក្ខាកាម។

ដោយឡែក ឯកឧត្តម ឡា ឡៃ រដ្ឋលេខាធិការក្រសួងធម្មការ និងសាសនា នាឱកាសមានមតិសំណេះសំណាល និងប្រកាសបើកសិក្ខាសាលាស្តីពីគន្លះផ្សព្វផ្សាយក្តីមេត្តាចំពោះសាកលលោក ឯកឧត្តមបានថ្លែងនូវការកោតសរសើរ និងវាយតម្លៃខ្ពស់ ចំពោះកិច្ចខិតខំប្រឹងប្រែងរបស់ថ្នាក់ដឹកនាំសមាគម និងសាកលវិទ្យាល័យ ក៏ដូចជាសហភាពឥស្លាមពីហុងកុង ដែលបានសហការរៀបចំអោយមានសិក្ខាសាលាដ៏មានសារសំខាន់នេះឡើង។

ឯកឧត្តម បានមានប្រសាសន៍ថា៖ ការផ្សព្វផ្សាយក្តីមេត្តាករុណាចំពោះសាកលលោក ជាសកម្មភាពដ៏មានន័យសម្រាប់ជំរុញសន្តិភាព និងការយោគយល់គ្នាជាសាកលក្នុងគោលបំណងជួយបង្រៀន បង្កើនការយល់ដឹងអំពីចិត្តមេត្តា និងការយល់ចិត្ត ដើម្បីបង្កើតសង្គមដែលមានការចេះដឹង ការអត់អោនដល់អ្នកដទៃ និងធ្វើអោយមានកិច្ចសហប្រតិបត្តិការល្អ សាមគ្គីភាព និងភាតរៈភាពជាដើម។

ឯកឧត្តម បានបន្តថា៖ ការលើកយកប្រធានបទនេះមកពិភាក្សាក្នុងសិក្ខាសាលានាថ្ងៃនេះ វាពិតជាបានបង្ហាញពីការចូលរួមរបស់យើងទាំងអស់គ្នា ក្នុងការលើកកំពស់គោលនយោបាយសុខដុមនីយកម្មសាសនា ដែលរាជរដ្ឋាភិបាលតែងតែយកចិត្តទុកដាក់ និងទទួយលបានការកោតសរសើរពីណាក់អន្តរជាតិផងដែរ។

ឯកឧត្តម បានមានប្រសាសន៍លើកឡើងអំពីក្តីមេត្តាករុណាចំពោះសាកលលោក នៅក្នុងសាសនាឥស្លាមដែលមានបញ្ជាក់ប្រាប់នៅក្នុងគម្ពីរគួរអាន និងស៊ុណ្ណះនៃព្យាការីមូហាំម៉ាត់ (S.A.W) ដែលមានការចូលរួមបកស្រាយពីវាគ្មិនជំនាញ គឺ សៀក្ខ មូហាំម៉ាត់ អាលណាក៏វី។ ហើយឯកឧត្តមសង្ឃឹមថា សិក្ខាសាលានេះនឹងផ្តល់អត្ថប្រយោជន៍ជាច្រើនសម្រាប់អ្នកចូលរួមទាំងអស់គ្នា៕

camm

Recent Posts

កម្ពុជា លើកលែងការយកពន្ធលើទំនិញឧស្សាហកម្មនិងកសិកម្ម ពីសហរដ្ឋអាមេរិក

(វ៉ាស៉ីនតោន)៖ សហរដ្ឋអាមេរិក និងកម្ពុជា បានឯកភាពគ្នាលើកិច្ចព្រមព្រៀងពាណិជ្ជកម្មមួយ ដែលនឹងផ្តល់ឱ្យអ្នកនាំចេញរបស់សហរដ្ឋអាមេរិក នូវការចូលមកកាន់ទីផ្សារកម្ពុជា ដែលមិនធ្លាប់មានពីមុនមក។ តាមសេចក្តីប្រកាសរបស់សេតវិមាន នាថ្ងៃអាទិត្យ ទី២៦ ខែតុលា ឆ្នាំ២០២៥ កម្ពុជាបានយល់ព្រមលុបបំបាត់ពន្ធគយទាំងអស់លើទំនិញរបស់សហរដ្ឋអាមេរិក រួមទាំងផលិតផលម្ហូបអាហារ និងកសិកម្ម…

1 day ago

អារ៉ាប៊ីសាអូឌីតផ្តល់ជំនួយជាសម្ភារៈបរិក្ខាគិតជាទឹកប្រាក់ប្រមាណ៨ម៉ឺនដុល្លារអាមេរិកដល់សាកលវិទ្យាល័យកម្ពុជា គ្រប់គ្រង និង បច្ចេកវិទ្យា(CUMT) ដើម្បីធ្វើទំនើបកម្ម និងបង្កើនសមត្ថភាពលើការបណ្តុះបណ្តាលនិស្សិតកម្រិតឧត្តមសិក្សានៅកម្ពុជា

ភ្នំពេញ កម្ពុជា៖ មជ្ឈមណ្ឌលព្រះចៅសាល់ម៉ានដើម្បីជំនួយសង្គ្រោះ និងការងារមនុស្សធម៌ (KSRelief) នៃព្រះរាជាណាចក្រអារ៉ាប៊ីសាអូឌីត បានផ្តល់ជំនួយជាថវិកា និងសម្ភារៈបរិក្ខាក្នុងតម្លៃសរុបប្រមាណ 80,000 (more…)

6 days ago

Cambodia and Thailand to ink accord at ASEAN Summit to end border conflict, says minister

Foreign Minister Prak Sokhonn (front row, 3-L) attends a four-party meeting with Malaysian, US and…

1 week ago

យន្តហោះ Boeing ធ្លាក់ចេញពីផ្លូវរត់ បុករថយន្តបណ្តាលឲ្យស្លាប់មនុស្ស ២ នាក់នៅហុងកុង !

ពិតជារឿងដ៏កម្រមួយ! យន្តហោះដឹកទំនិញរបស់ក្រុមហ៊ុន Emirates ប្រតិបត្តិការណ៍ដោយ ACT Air Cargo បានជួបគ្រោះថ្នាក់ធ្លាក់ចេញពីផ្លូវរត់ទៅបុករថយន្តផ្នែកសេវាកម្ម បណ្តាលឱ្យមនុស្ស២នាក់បានស្លាប់ នៅពេលចុះចតនៅឯព្រលានយន្តហោះអន្តរជាតិហុងកុង នៅព្រលឹមថ្ងៃចន្ទនេះ ហើយភ្លាមៗយន្តហោះនោះបានធ្លាក់ចូលសមុទ្រតែម្តង ។ (more…)

1 week ago

សមត្ថកិច្ច​ ឃាត់ជនបរទេសចំនួន​ ២៩០នាក់ ពាក់ព័ន្ធស្នាក់នៅ និងធ្វើការខុសច្បាប់នៅខេត្តព្រះសីហនុ

ខេត្តព្រះសីហនុ​ ៖ បន្ទាប់ពីមានផ្ទុះការតវ៉ារវាងក្រុមជនជាតិប៉ាគីស្ថាន និងបង់ក្លាដេស ប្រឆាំងនឹងជនជាតិចិន ដែលប្រើពាក្យប្រមាថជាតិសាសន៍នៅកន្លែងធ្វើការ នៅក្នុងក្រុងព្រះសីហនុ​ កាលពីយប់ថ្ងៃទី៤​ ឈានចូលថ្ងៃទី៥​ ខែតុលា​ ឆ្នាំ​២០២៥ ។ (more…)

3 weeks ago

រដ្ឋមន្ត្រី​ក្រសួង​វប្បធម៌​និង​វិចិត្រសិល្បៈ​ ជួប​សំណេះសំណាលជាមួយអ្នកបន្តវេនជំនាញវិជ្ជាជីវៈដូនតា ជំនាញ​ធ្វើ​សាជី​ នៅ​ស្រុក​កំពង់ត្រឡាច​

កំពង់ឆ្នាំង៖ នាព្រឹកថ្ងៃសៅរ៍ ទី៤​ ខែតុលា​ ឆ្នាំ២០២៥ ​លោក​ជំទាវ​បណ្ឌិត​សភាចារ្យ​ ភឿង​ សកុណា​ រដ្ឋមន្ត្រី​ក្រសួង​វប្បធម៌​និង​វិចិត្រសិល្បៈ​ រួមជាមួយថ្នាក់ដឹកនាំខេត្តកំពង់ឆ្នាំង បានជួបសំណេះសំណាលជាមួយអ្នកគ្រូ ខាត ម៉ៃនះ ជាគ្រូបង្គោលបណ្តុះបណ្តាលជំនាញវិជ្ជាជីវៈដូនតា ដល់សិស្សក្រីក្រនៅក្នុងសហគមន៍…

3 weeks ago