ព័ត៌មានជាតិ

សមិទ្ធផលជាច្រើនក្នុងបរិវេណសាលាអាន់នៀកម៉ះឈូកក្រញាស់ ខេត្តកំពង់ឆ្នាំង ដែលចំណាយថវិកាសាង់សង់ប្រមាណ ២៤៤,០០០ដុល្លារអាមេរិក ត្រូវបានសម្ពោធដាក់អោយប្រើប្រាស់ ក្រោមអធិបតីភាពឯកឧត្តម ឡា ឡៃ រដ្ឋលេខាធិការក្រសួងធម្មការនិងសាសនា តំណាងដ៏ខ្ពង់ខ្ពស់ឯកឧត្តមរដ្ឋមន្ត្រី

Spread the love

កំពង់ឆ្នាំង៖ អគារសិក្សា អគារស្នាក់នៅ ស៊ូរ៉ាវ និងសមិទ្ធផលផ្សេងៗជាច្រើនទៀត ក្នុងបរិវេណសាលាអាន់នៀកម៉ះឈូកក្រញាស់ ដែលចំណាយថវិកាសាង់សង់ចំនួន ២៤៤,០០០ដុល្លារអាមេរិក ស្ថិតក្នុងភូមិឈូកក្រញាស់ ឃុំឈូកស ស្រុកកំពង់ត្រឡាច ខេត្តកំពង់ឆ្នាំង ត្រូវបានរៀបចំពិធីសម្ពោធដាក់អោយប្រើប្រាស់ជាផ្លូវការ ក្រោមអធិបតីភាពឯកឧត្តម ឡា ឡៃ រដ្ឋលេខាធិការក្រសួងធម្មការនិងសាសនា តំណាងដ៏ខ្ពង់ខ្ពស់ ឯកឧត្តម ឈិត សុខុន រដ្ឋមន្ត្រីក្រសួងធម្មការនិងសាសនា។

ដែលពិធីនេះ មានការអញ្ជើញចូលរួមជាកិត្តិយសពីសំណាក់ ឯកឧត្តមបណ្ឌិត ហូសេន មហាម៉ាត់ហ្វារីត ទីប្រឹក្សាក្រសួងធម្មការនិងសាសនា, ឯកឧត្តមបណ្ឌិត ស្លេះ ណាស៊ី ទីប្រឹក្សាក្រសួងព័ត៌មាន, ប្រតិភូម្ចាស់ជំនួយមកពីប្រទេសអាស៊ាន ដឹកនាំដោយ Prof Dato Dr. Haji Tengku Mahmud Mansor, តាន់ស្រ៊ី តាតុ ស្រ៊ី មូហាំម៉ាត់យូសុះ អាប់ឌុលឡាតីហ្វ រួមនឹងអាជ្ញាធរមូលដ្ឋាន ហាកឹម តួន សិស្សានុសិស្ស និងបងប្អូនប្រជាពលរដ្ឋយ៉ាងច្រើនកុះករ។

សមិទ្ធផលដែលត្រូវបានរៀបចំពិធីសម្ពោធដាក់អោយប្រើប្រាស់នាពេលនេះ រួមមាន៖ អគារសិក្សា អគារស្នាក់នៅ (១ខ្នង ៦បន្ទប់), ស៊ូរ៉ាវចំនួន ១ខ្នង, ផ្ទះសម្រាប់គ្រូចំនួន ១ខ្នង ៦បន្ទប់ និងបន្ទប់ទឹក សរុបជាថវិកាប្រមាណ ២៤៤,០០០ដុល្លារអាមេរិក ក្រោមជំនួយឧបត្ថម្ភពីសប្បុរសជននៅក្រៅស្រុក តាមរយៈអង្គការក្មេងកំព្រាអាស៊ាន ដែលមានប្រទេសសមាជិកចំនួន៨ រួមមាន៖ ម៉ាឡេស៊ី សិង្ហបុរី ព្រុយណេ ឥណ្ឌូនេស៊ី កម្ពុជា ថៃ វៀតណាម និងហ្វីលីពីន។

ពិធីសម្ពោធដាក់អោយប្រើប្រាស់នេះ ធ្វើឡើងក្នុងឱកាសដែល ឯកឧត្តម ឡា ឡៃ អញ្ជើញចូលរួមជាប្រធានគណៈអធិបតី នៃកិច្ចប្រជុំវេទិកាក្មេងកំព្រាអាស៊ាន លើកទី១១ ឆ្នាំ២០២៣ របស់អង្គការក្មេងកំព្រាអាស៊ាន (Furum Yatim Asean) ផងដែរ។

បើតាមលោក វ៉ាន់ រ៉ូសឡាន់ ប្រធានវេទិកាក្មេងកំព្រាអាស៊ាន អង្គការក្មេងកំព្រាអាស៊ាន (Furum Yatim Asean) គឺជាអង្គការមួយដែលជួយទំនុកបម្រុងដល់ក្មេងកំព្រា និងក្មេងក្រីក្រ នៅក្នុងបណ្តាប្រទេសអាស៊ី ទាំងលើផ្នែកអភិវឌ្ឍរូបរាងកាយ សុខុមាលភាព និងការសិក្សាផងដែរ។ អង្គការក្មេងកំព្រាអាស៊ាន តែងតែបានរៀបចំនូវកិច្ចប្រជុំវេទិកាក្មេងកំព្រាអាស៊ាន ហើយកិច្ចប្រជុំដំបូងគេ ធ្វើឡើងនៅក្នុងប្រទេសម៉ាឡេស៊ី កាលពីខែធ្នូ ឆ្នាំ២០១០។

ជាមួយគ្នានេះ Prof Dato Dr. Haji Tengku Mahmud Mansor ប្រធានអង្គការសុខុមាលភាពក្មេងកំព្រាម៉ាឡេស៊ី បានថ្លែងអំណរគុណដល់ឯកឧត្តម ឡា ឡៃ ដែលបានផ្តល់កិត្តិយសអញ្ជើញចូលរួមជាប្រធានគណៈអធិបតី នៃកិច្ចប្រជុំវេទិកាក្មេងកំព្រាអាស៊ាន លើកទី១១ ឆ្នាំ២០២៣ របស់អង្គការក្មេងកំព្រាអាស៊ាន ព្រមទាំងថ្លែងអរគុណដល់គណៈប្រតិភូ និងភ្ញៀវកិត្តិយសទាំងអស់ដែលបានចូលរួមអបអរផងដែរ។

Prof Dato Dr. Haji Tengku Mahmud Mansor បានលើកឡើងថា ក្នុងនាមយើងជាមូស្លីម ត្រូវចូលរួមទាំងអស់គ្នាដើម្បីអោយសាសនាឥស្លាមមានការរីកចម្រើន ពិសេសលើវិស័យអប់រំផ្នែកសាសនា ដូចដែលព្យាការីមូហាំម៉ាត់ (S.A.W) បានខិតខំយ៉ាងខ្លាំងលើការងារនេះ តាំងពីពេលគាត់ប្រសូត្រ រហូតដល់ពេលលោកទទួលមរណភាព។

ដោយឡែក ឯកឧត្តម ឡា ឡៃ រដ្ឋលេខាធិការក្រសួងធម្មការនិងសាសនា ក្នុងឱកាសមានមតិសំណេះសំណាលទៅកាន់អង្គពិធី ឯកឧត្តមបានពាំនាំប្រសាសន៍ផ្តាំផ្ញើសួរសុខទុក្ខពីសំណាក់ ឯកឧត្តម ឈិត សុខុន រដ្ឋមន្ត្រីក្រសួងធម្មការនិងសាសនា ដែលជានិច្ចកាលតែងតែយកចិត្តទុកដាក់ដល់ប្រជាពលរដ្ឋនៅក្នុងសហគមន៍។

ឯកឧត្តម បានសម្តែងការសាទរនិងមោទនភាព ក៏ដូចជាស្វាគមន៍ចំពោះប្រតិភូ ដែលបានរៀបចំកិច្ចប្រជុំវេទិកាក្មេងកំព្រាអាស៊ាននៅក្នុងទឹកដីនៃប្រទេសកម្ពុជា និងថ្លែងអរគុណដល់ Prof Dato Dr. Haji Tengku Mahmud Mansor ដែលបានយកចិត្តទុកដាក់ដល់ក្មេងកំព្រាជាច្រើននៅក្នុងប្រទេសអាស៊ាន និងជាពិសេសក្នុងប្រទេសកម្ពុជា។

ឯកឧត្តម បានមានប្រសាសន៍ថា ការយកចិត្តទុកដាក់ទៅលើក្មេងកំព្រាគឺជារឿងសំខាន់មួយនៅក្នុងសាសនាឥស្លាម ដែលយើងទាំងអស់គ្នា ត្រូវជួយគ្នាមើលថែ យកចិត្តទុកដាក់ និងផ្តល់ការទំនុកបម្រុងគ្រប់បែបយ៉ាង ដោយសារពួកគាត់គ្មានទីពឹង មិនមានឪពុកម្តាយចាំជួយទំនុកបម្រុងទៀតនោះឡើយ។

ឯកឧត្តម រដ្ឋលេខាធិការ ក៏បានថ្លែងអំណរគុណដល់អាជ្ញាធរមូលដ្ឋានដែលមានសហការល្អ បង្កលក្ខណៈងាយស្រួលដល់អង្គការសមាគមន៍ទាំងអស់ ដែលមានបំណងចូលរួមចំណែកអភិវឌ្ឍនៅក្នុងប្រទេសកម្ពុជា ខណៈប្រទេសកម្ពុជា កំពុងទទួលបាននូវសុខសន្តិភាព និងសុខដុមនីយកម្មសាសនា ក្រោមការដឹកនាំដ៏ឈ្លាសវៃរបស់ សម្តេចតេជោ ហ៊ុន សែន នាយករដ្ឋមន្ត្រី៕

 

camm

Recent Posts

កញ្ចប់អាហារស្រាយបួសខែរ៉ាម៉ាឌន របស់មជ្ឈមណ្ឌលព្រះចៅសាល់ម៉ាន ដើម្បីជំនួយសង្គ្រោះ និងការងារមនុស្សធម៌(KSRelief)ដែលផ្តល់មកសហគមន៍ខ្មែរឥស្លាមត្រូវបានរៀបចំចែកជូន ដល់សាសនិកឥស្លាម ជាបន្តបន្ទាប់ ខណៈដែលខែរ៉ាម៉ាឌនជិតមកដល

នៅរសៀលថ្ងៃអាទិត្យទី១៦ ខែកុម្ភៈ ឆ្នាំ២០២៦ ឯកឧត្តមបណ្ឌិត អូស្មាន ហាស្សាន់ ទេសរដ្ឋមន្ត្រីទទួលបន្ទុកបេសកកម្មពិសេស អញ្ជើញជាអធិបតី និងលោក អះម៉ាត់យ៉ះយ៉ា អារ៉ហ្វាត ភូឈួយទី១ នៃគណៈដឹកនាំជាន់ (more…)

1 week ago

សាសនិកឥស្លាមកម្ពុជាជិត១ម៉ឺននាក់ ចូលរួមពិធីជួបជុំដើម្បីបួងសួងសុំសេចក្តីសុខសន្តិភាពលើពិភពលោក

ពិធីអ៊ិជទីម៉ាក ជួបជុំសាសនិកឥស្លាមដើម្បីបួងសួងសុំសេចក្តីសុខសន្តិភាពលើពិភពលោក ស្ថិតនៅវិហារឥស្លាម ភូមិទ្រាទី២ ឃុំទ្រា ស្រុកក្រូចឆ្មារ ខេត្តត្បូងឃ្មុំ មានប្រជាពលរដ្ឋសាសនិកឥស្លាមចូលរួមចំនួន ៩,៤២៩នាក់ មកពីទូទាំង ២៥រាជធានី ខេត្ត ក្រុង និងសាសនិកឥស្លាមបរទេស ចំនួន៤៨នាក់…

3 weeks ago

កិច្ចភាក្សាការងាររវាងគណៈប្រតិភូសភាពាណិជ្ជកម្មកម្ពុជា និង គណៈប្រតិភូក្រុមប្រឹក្សាធុរកិច្ចអារ៉ាប៊ីសាអូឌីត-កម្ពុជា នៃសភាពាណិជ្ជកម្មរបស់ព្រះរាជាណាចក្រអារ៉ាប៊ីសាអូឌីត

រាជធានីភ្នំពេញ៖ នារសៀលថ្ងៃអាទិត្យ ៦រោច ខែមាឃ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៨ ខែកុម្ភៈ ឆ្នាំ២០២៦ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា…

3 weeks ago

ឯកឧត្តម ផារ៉ា មង្គល ប្រធានក្រុមការងារគណបក្សចុះមូលដ្ឋានស្រុកក្រូចឆ្មារ រួមជាមួយសហការី បាននាំយកកញ្ចប់អាហារស្រាយបួស ចែកជូនដល់ ហាកឹមម៉ាស្ជិតទាំង ២៥វិហារ ក្នុងស្រុកក្រូចឆ្មារ ដើម្បីអបអរសាទរខែរ៉ាម៉ាឌន

ត្បូងឃ្មុំ៖ ឯកឧត្តម ផារ៉ា មង្គល ប្រធានក្រុមការងារគណបក្សចុះមូលដ្ឋានស្រុកក្រូចឆ្មារ រួមជាមួយសហការី បានចុះជួបសំណេះសំណាល និងនាំយក កញ្ចប់អាហារស្រាយបួស ចែកជូនដល់ ហាកឹមម៉ាស្ជិតទាំង ២៥វិហារ ក្នុងស្រុកក្រូចឆ្មារ ក្នុងឱកាសអបអរសាទរ ខែរ៉ាម៉ាឌន…

3 weeks ago

ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ ទទួលជួបពិភាក្សាការងារជាមួយក្រុមប្រឹក្សាធុរកិច្ចអារ៉ាប៊ីសាអូឌីត-កម្ពុជា នៃសភាពាណិជ្ជកម្មរបស់ព្រះរាជាណាចក្រអារ៉ាប៊ីសាអូឌីត

តបតាមការអញ្ជើញរបស់ ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ នាឱកាសដែលឯកឧត្តមបានចូលរួមកិច្ចប្រជុំមហាសន្និបាតលើកទី២៦ នៃអង្គការទេសចរណ៍សហប្រជាជាតិ (UN Tourism- 26th General Assembly) នៅរាជធានីរីយ៉ាដ ព្រះរាជាណាចក្រអារ៉ាប់ប៊ីសាអ៊ូឌីត កាលពីថ្ងៃទី១០…

3 weeks ago

លោកជំទាវ ចម និម្មល រដ្ឋមន្រ្តី​ក្រសួងពាណិជ្ជកម្ម អនុញ្ញាតជូនឯកឧត្តម Waleed Nasser Alsheri ប្រធានក្រុមប្រឹក្សាធុរកិច្ចអារ៉ាប៊ីសាអូឌីត-កម្ពុជា និងគណៈប្រតិភូសភាពាណិជ្ជកម្មអារ៉ាប៊ីសាអូឌីត ចូលជួបសម្តែងការគួរសម និងពិភាក្សាការងារដើម្បីបន្តពង្រឹងកិច្ចសហប្រតិបត្តិការពាណិជ្ជកម្មទ្វេភាគីរវាងកម្ពុជា-អារ៉ាប៊ីសាអូឌីត

(ភ្នំពេញ)៖ នាព្រឹកថ្ងៃអាទិត្យ ទី៨ ខែកុម្ភៈ ឆ្នាំ២០២៦ លោកជំទាវ ចម និម្មល រដ្ឋមន្រ្តី​ក្រសួងពាណិជ្ជកម្ម បានអនុញ្ញាតជូនឯកឧត្តម Waleed Nasser Alsheri ប្រធានក្រុមប្រឹក្សាធុរកិច្ចអារ៉ាប៊ីសាអូឌីត-កម្ពុជា និងគណៈប្រតិភូសភាពាណិជ្ជកម្មអារ៉ាប៊ីសាអូឌីត…

3 weeks ago