ជារឿងដ៏គួរអោយភ្ញាក់ផ្អើល និងនឹកស្មានមិនដល់! វីរៈកីឡាករ Jiu-Jitsu សញ្ជាតិប្រេស៊ីល លោក Royce Gracie ដែលជាម្ចាស់ជើងឯក UFC ដំបូងគេបង្អស់ បានសម្រេចចិត្តប្តូរមកកាន់សាសនាឥស្លាម។ នេះបើតាមការផ្សាយដោយសារព័ត៌មាន Middle East Monitor នៅថ្ងៃទី៤ ខែមីនា ឆ្នាំ២០២៤។
ការសម្រេចចិត្តប្តូរមកកាន់សាសនាឥស្លាមរបស់លោក បានធ្វើឡើងក្នុងឱកាសដែលលោកចូលរួមបទសម្ភាសន៍ជាមួយកម្មវិធី The Deen Show ដែលរៀបចំដោយលោក Eddie Redzovic និងមានការចូលរួមដោយ shaykh Uthman ibn Farooq ចាក់ផ្សាយកាលពីថ្ងៃសុក្រ តាមរយៈការស្នើសុំពីម្ចាស់ខ្សែក្រវ៉ាត់ខ្មៅ Idriz Redzovic ក្នុងបំណងអោយលោក Royce Gracie បកស្រាយជុំវិញអ្វីដែលលោកធ្លាប់បានបង្ហាញជំហជាមួយអ៊ីស្រាអែល អំពីបញ្ហាសង្គ្រាមនៅហ្គាហ្សា នៅក្នុងបណ្តាញសង្គម Instagram កាលពីពេលថ្មីៗកន្លងទៅ ដែលនាំអោយមានការរិះគន់ជាខ្លាំងពីសំណាក់មហាជន។
នៅក្នុងបទសម្ភាសន៍ បន្ទាប់ពីបានស្តាប់រឿងរ៉ាវដែលបានកើតឡើងនៅហ្គាហ្សា ក៏ដូចជានៅប៉ាឡេស្ទីនទាំងមូល លោក Royce Gracie បានលើកឡើងអំពីគំនិតរបស់លោកចំពោះសាសនាឥស្លាម និងអំពើប្រល័យពូជសាសន៍ដែលកំពុងកើតឡើងនៅហ្គាហ្សា និងបង្ហាញពីបំណងចង់ទៅទស្សនាទីក្រុងម៉ាក្កះដ៏ពិសិដ្ឋផងដែរ។
ហើយនៅចុងបញ្ចប់ លោកបានទទួលយក shahada ឬថ្លែងការទទួលស្គាល់ថា “គ្មានទេម្ចាស់ដែលត្រូវគេគោរពប្រតិបត្តិក្រៅពីអល់ឡោះ! ហើយមូហាំម៉ាត់ គឺជាអ្នកនាំសាររបស់ព្រះ”។
គួរជម្រាបថា លោក Royce Gracie គឺជាវីរបុរសរបស់ប្រទេសប្រេស៊ីល លើប្រភេទកីឡា Jiu-Jitsu (BJJ) និងជាឥស្សរជនដ៏មានឥទ្ធិពលបំផុតមួយរូបនៅក្នុងប្រវត្តិសាស្រ្ត ដែលបានត្រួសត្រាយផ្លូវនៃសិល្បៈក្បាច់គុនចម្រុះ (MMA) ទៅកាន់ពិភពលោក៕
នៅរសៀលថ្ងៃអាទិត្យទី១៦ ខែកុម្ភៈ ឆ្នាំ២០២៦ ឯកឧត្តមបណ្ឌិត អូស្មាន ហាស្សាន់ ទេសរដ្ឋមន្ត្រីទទួលបន្ទុកបេសកកម្មពិសេស អញ្ជើញជាអធិបតី និងលោក អះម៉ាត់យ៉ះយ៉ា អារ៉ហ្វាត ភូឈួយទី១ នៃគណៈដឹកនាំជាន់ (more…)
ពិធីអ៊ិជទីម៉ាក ជួបជុំសាសនិកឥស្លាមដើម្បីបួងសួងសុំសេចក្តីសុខសន្តិភាពលើពិភពលោក ស្ថិតនៅវិហារឥស្លាម ភូមិទ្រាទី២ ឃុំទ្រា ស្រុកក្រូចឆ្មារ ខេត្តត្បូងឃ្មុំ មានប្រជាពលរដ្ឋសាសនិកឥស្លាមចូលរួមចំនួន ៩,៤២៩នាក់ មកពីទូទាំង ២៥រាជធានី ខេត្ត ក្រុង និងសាសនិកឥស្លាមបរទេស ចំនួន៤៨នាក់…
រាជធានីភ្នំពេញ៖ នារសៀលថ្ងៃអាទិត្យ ៦រោច ខែមាឃ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៨ ខែកុម្ភៈ ឆ្នាំ២០២៦ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា…
ត្បូងឃ្មុំ៖ ឯកឧត្តម ផារ៉ា មង្គល ប្រធានក្រុមការងារគណបក្សចុះមូលដ្ឋានស្រុកក្រូចឆ្មារ រួមជាមួយសហការី បានចុះជួបសំណេះសំណាល និងនាំយក កញ្ចប់អាហារស្រាយបួស ចែកជូនដល់ ហាកឹមម៉ាស្ជិតទាំង ២៥វិហារ ក្នុងស្រុកក្រូចឆ្មារ ក្នុងឱកាសអបអរសាទរ ខែរ៉ាម៉ាឌន…
តបតាមការអញ្ជើញរបស់ ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ នាឱកាសដែលឯកឧត្តមបានចូលរួមកិច្ចប្រជុំមហាសន្និបាតលើកទី២៦ នៃអង្គការទេសចរណ៍សហប្រជាជាតិ (UN Tourism- 26th General Assembly) នៅរាជធានីរីយ៉ាដ ព្រះរាជាណាចក្រអារ៉ាប់ប៊ីសាអ៊ូឌីត កាលពីថ្ងៃទី១០…
(ភ្នំពេញ)៖ នាព្រឹកថ្ងៃអាទិត្យ ទី៨ ខែកុម្ភៈ ឆ្នាំ២០២៦ លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម បានអនុញ្ញាតជូនឯកឧត្តម Waleed Nasser Alsheri ប្រធានក្រុមប្រឹក្សាធុរកិច្ចអារ៉ាប៊ីសាអូឌីត-កម្ពុជា និងគណៈប្រតិភូសភាពាណិជ្ជកម្មអារ៉ាប៊ីសាអូឌីត…