រដ្ឋមន្ត្រីការបរទេសចិន និយាយថាសកម្មភាពរបស់អ៊ីស្រាអែល លើសពីការការពារខ្លួន

លោក វ៉ាង ត្រូវបានដកស្រង់សម្តីដែលបាននិយាយក្នុងសេចក្តីថ្លែងការណ៍មួយដែលចេញដោយក្រសួងការបរទេសចិនថា «សកម្មភាពរបស់អ៊ីស្រាអែលបានធ្វើហួសពីការការពារខ្លួន ហើយអ៊ីស្រាអែលគួរតែស្តាប់តាមការអំពាវនាវរបស់សហគមន៍អន្តរជាតិ និងអគ្គលេខាធិការអង្គការសហប្រជាជាតិ និងបញ្ឈប់ការដាក់ទណ្ឌកម្មជារួមទៅលើប្រជាជននៅតំបន់ហ្គាហ្សាស្ទ្រីប»។

លោក វ៉ាង ក៏បាននិយាយផងដែរថា ប្រទេសចិនថ្កោលទោសចំពោះរាល់សកម្មភាពដែលបង្កគ្រោះថ្នាក់សំដៅទៅលើជនស៊ីវិល ហើយបានអំពាវនាវឱ្យមានការវិលត្រឡប់មកកាន់កិច្ចចរចាវិញជាបន្ទាន់។