ម៉ិកស៊ិក៖ ប្រទេសម៉ិកស៊ិកបានធ្វើសេចក្តីប្រកាសទទួលស្គាល់ ប៉ាឡេស្ទីនជារដ្ឋអធិបតេយ្យ ហើយប៉ាឡេស្ទីនកំពុងព្យាយាមប្រែក្លាយតំណាងការទូតរបស់ខ្លួន ក្នុងទីក្រុងម៉ិកស៊ិក អោយទៅជាស្ថានទូតពេញលេញ។ នេះបើតាមការផ្សាយដោយសារព័ត៌មាន Quds News នៅថ្ងៃទី៩ ខែមិថុនា ឆ្នាំ២០២៣។
ព្រឹទ្ធសភាម៉ិកស៊ិក បានបោះឆ្នោតទទួលស្គាល់ ប៉ាឡេស្ទីនជារដ្ឋអធិបតេយ្យ ក្នុងខែវិច្ឆិកា ឆ្នាំ២០២២ ពោលក្នុងថ្ងៃខួបនៃការប្រកាសឯករាជ្យរបស់ប៉ាឡេស្ទីន នៅថ្ងៃទី១៥ ខែវិច្ឆិកា ឆ្នាំ១៩៨៥។
បើតាមសេចក្តីថ្លែងការណ៍របស់ ក្រសួងការបរទេសប៉ាឡេស្ទីន បានប្រកាសថា វិធានការនេះត្រូវបានធ្វើឡើងក្នុងស្មារតីនៃកិច្ចសហប្រតិបត្តិការ និងមិត្តភាពរវាងប្រទេសទាំងពីរ ដែលបង្ហាញឱ្យឃើញក្នុងការវិវឌ្ឍន៍ជាបន្តបន្ទាប់នៃទំនាក់ទំនង ទាំងក្នុងវិស័យទ្វេភាគី និងពហុភាគី ដែលបានចាប់ផ្តើមតាំងពីឆ្នាំ១៩៧៥មក។
ប្រធានគណៈកម្មការទំនាក់ទំនងខាងក្រៅ និងជាសមាជិកព្រឹទ្ធសភា លោក Héctor Vasconcelos បាននិយាយថា ខ្ញុំចង់ឃើញប៉ាឡេស្ទីនឯករាជ្យមួយក្នុងការអនុវត្តសិទ្ធិរបស់ខ្លួនទាំងស្រុង ពីព្រោះជម្លោះប៉ាឡេស្ទីន-អ៊ីស្រាអែល ប៉ះពាល់ដល់អ្វីដែលជាសិទ្ធិរបស់ប្រជាជន អ្វីដែលយើងយល់ឃើញពីសេរីភាព និងការទទួលស្គាល់ថា ជាមនុស្សត្រូវមានសេរីភាព និងមិនមែនជាកម្មវត្ថុនៃប្រជាជាតិផ្សេងទៀត។
លោក Vasconcelos បាបន្តថា ប្រសិនបើប៉ាឡេស្ទីនអាចត្រូវបានធ្វើឱ្យគ្មានរដ្ឋ និងដោយគ្មានសិទ្ធិមនុស្សពិតប្រាកដ នោះស្ថានភាពនឹងធ្វើឱ្យខូចដល់គំនិតរបស់យើងអំពីសិទ្ធិមនុស្ស។ វាច្បាស់ណាស់ថានឹងមិនមានលក្ខណៈជាសកលទៀតទេ ហើយនឹងទទួលរងការលើកលែងសំខាន់ៗជាច្រើនដែលអាចធ្វើឱ្យវាគ្មានន័យ។ នោះគឺស្ថានភាពរបស់ប៉ាឡេស្ទីនប៉ះពាល់ដល់ការយល់ឃើញរបស់យើងចំពោះអ្វីដែលជាសិទ្ធិមនុស្ស ហើយនោះជាមូលហេតុដែលវាមានសារៈសំខាន់បំផុត។
ជុំវិញការទទួលស្គាល់ប៉ាឡេស្ទីនជារដ្ឋ អ្នកវិភាគម៉ិកស៊ិក បានលើកឡើងថា សង្ឃឹមថាវានឹងរួមចំណែកដល់ការដោះស្រាយជម្លោះដោយសន្តិវិធីនៅមជ្ឈិមបូព៌ា ដោយផ្អែកលើការគោរព និងការទទួលស្គាល់គ្នាទៅវិញទៅមក និងដើម្បីផលប្រយោជន៍នៃប្រជាជន ក៏ដូចជារួមចំណែកដល់សន្តិសុខ និងការអភិវឌ្ឍន៍អន្តរជាតិ។
គួរជម្រាបថា គិតត្រឹមថ្ងៃទី១ ខែមិថុនា ឆ្នាំ២០២៣ បើតាមឯកសារមួយចំនួនបានអះអាងថា ក្នុងចំណោមរដ្ឋសមាជិកចំនួន១៩៣ របស់អង្គការសហប្រជាជាតិ មានរដ្ឋជាសមាជិកចំនួន១៣៩ ឬប្រហែល៧២% ហើយ ដែលបានទទួលស្គាល់ ប៉ាឡេស្ទីនជារដ្ឋអធិបតេយ្យ ដោយប្រទេសម៉ិកស៊ិក ជាប្រទេសចុងក្រោយ៕
Neth Pheaktra, the Minister of Information, highly appreciated the relations and cooperation between Cambodia and…
Mr. Hun Sen, President of the Senate of the Kingdom of Cambodia, kicked off his…
ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាននៃព្រះរាជាណាចក្រកម្ពុជា បានដឹកនាំគណៈប្រតិភូក្រសួងព័ត៌មាន ចូលរួមកិច្ចប្រជុំរដ្ឋមន្ត្រីទទួលបន្ទុកព័ត៌មានអាស៊ានលើកទី១៧ (17th AMRI) និងកិច្ចប្រជុំពាក់ (more…)
ត្បូងឃ្មុំ៖ នាព្រឹកថ្ងៃពុធទី៧ ខែឧសភា ឆ្នាំ២០២៥ គណៈកម្មាការពិធីសូធ្យគម្ពីរគូរអានុលការីមថ្នាក់ជាតិលើកទី៣២ឆ្នាំ២០២៥បានជួបប្រជុំត្រៀមរៀបចំពិធីដែល នឹងប្រព្រឹត្តិទៅនៅថ្ងៃទី១៧-១៨ ឧសភា ខាងមុខ។ (more…)
រដ្ឋមន្ត្រីការពារជាតិប៉ាគីស្ថាន លោក Khawaja Muhammad Asif បានអះអាងប្រាប់ទូរទស្សន័ក្នុងស្រុកមួយនៅថ្ងៃពុធ ទី៧ ខែឧសភា ថាយោធាប៉ាគីស្ថានបានបាញ់ទម្លាក់យន្ដហោះយោធាឥណ្ឌា៥គ្រឿង និងចាប់ខ្លួនទាហានឥណ្ឌាមួយចំនួនជាឈ្លើយសឹកទៀតផង។ នេះបើតាមការចេញផ្សាយដោយទីភ្នាក់ងារសារព័ត៌មាន Anadolu។ (more…)
Jeddah: បុរសដែលទើបចូលកាន់សាសនាឥស្លាមជនជាតិអេស្បាញទាំង៣រូបមានឈ្មោះដូចជា លោក Abdelkader Harkassi, លោក Abdallah Hernandez និង លោក Tariq Rodriguez បានធ្វើដំណើរពីប្រទេស (more…)