អាល់ហ្សេរី៖ យ៉ាងហោចណាស់មនុស្សចំនួន ៣៤នាក់ រួមទាំងទាហានចំនួន ១០នាក់បានស្លាប់ ដោយសារភ្លើងឆេះព្រៃជិត១០០កន្លែង នៅទូទាំងប្រទេសអាល់ហ្សេរី និងមនុស្សរាប់ពាន់នាក់ត្រូវបានជម្លៀសចេញពីផ្ទះដើម្បីទៅរកកន្លែងសុវត្ថិភាព។ នេះបើតាមការផ្សាយដោយសារព័ត៌មាន Al Jazeera នៅថ្ងៃទី២៥ ខែកក្កដា ឆ្នាំ២០២៣។
នៅក្នុងសេចក្តីថ្លែងការណ៍របស់ ក្រសួងមហាផ្ទៃនៃប្រទេសអាល់ហ្សេរី បាននិយាយកាលពីថ្ងៃច័ន្ទថា សីតុណ្ហភាពបានឡើងដល់ ៤៨អង្សាសេ (ឬ១១៨ហ្វារិនហៃ) នៅក្នុងតំបន់មួយចំនួន បានបង្កអោយមានអគ្គិភ័យកើតឡើងចំនួន ៩៧កន្លែង នៅទូទាំងខេត្តចំនួន១៦ ក្នុងប្រទេស ដែលបណ្តាលមកពីខ្យល់បក់ខ្លាំង។
ប្រភពដដែល បន្តថា អគ្គិភ័យបានសម្លាប់មនុស្សយ៉ាងហោចណាស់ ៣៤នាក់ រួមទាំងទាហានចំនួន ១០នាក់ផងដែរ ហើយបានបង្ខំឱ្យមានការជម្លៀសប្រជាជនប្រហែល ១៥០០នាក់ ពីខេត្តពើជាយ៉ា (Bejaia), ពូអ៊ីរ៉ា (Bouira) និងជីជែល (Jijel) ដែលស្ថិតនៅភាគខាងកើតនៃរដ្ឋធានី Algiers។
ក្រសួងមហាផ្ទៃ បានអំពាវនាវឱ្យប្រជាពលរដ្ឋចាកចេញពីតំបន់ដែលរងផលប៉ះពាល់ដោយអគ្គិភ័យ និងត្រូវរាយការណ៍ជាបន្ទាន់ទៅអាជ្ញាធរ អំពីករណីអគ្គិភ័យថ្មីៗដែលកើតមានឡើង និងបានបញ្ជាឱ្យមានការស៊ើបអង្កេតបឋម ដើម្បីរកមូលហេតុដែលបណ្តាលអោយមានភ្លើងឆាបឆេះ និងរកជនល្មើស។
ជុំវិញគ្រោះអកុសលនេះ ប្រធានាធិបតីនៃប្រទេសអាល់ហ្សេរី លោក Abdelmadjid Tebboune បានផ្ញើសារចូលរួមរំលែកទុក្ខដល់ក្រុមគ្រួសារនៃជនរងគ្រោះ និងបានលើកឡើងថា អ្នកពន្លត់អគ្គិភ័យប្រហែល ៧៥០០នាក់ និងរថយន្តពន្លត់អគ្គិភ័យចំនួន ៣៥០គ្រឿង និងយន្តហោះជំនួយពីលើអាកាសមួយចំនួនទៀត កំពុងតស៊ូប្រយុទ្ធដើម្បីពន្លត់អណ្តាតភ្លើងនៅទូទាំងប្រទេស។
គួរជម្រាបថា ហេតុការណ៍ភ្លើងឆេះព្រៃ ក៏បានកើតឡើងនៅក្នុងប្រទេសទុយនីស៊ី ដែលជាប្រទេសក្បែរខាងផងដែរ ហើយសីតុណ្ហភាពនៅក្នុងប្រទេសនេះបានឈានដល់ជិត ៥០អង្សាសេ (ឬ១២២ហ្វារិនហៃ) កាលពីថ្ងៃច័ន្ទ។ មនុស្សជាង៣០០នាក់ ត្រូវបានជម្លៀសតាមសមុទ្រនិងតាមផ្លូវគោក ពីតំបន់ Melloula ។
អ្នកវិទ្យាសាស្ត្របានចាត់ថ្នាក់តំបន់មេឌីទែរ៉ាណេថាជា “ចំណុចងាយរងគ្រោះបំផុត” នៃការប្រែប្រួលអាកាសធាតុ៕
នៅថ្ងៃពុធ ទី៤ ខែមីនា ឆ្នាំ២០២៦ វេលាម៉ោង ១៣:០០នាទីរសៀល ក្រសួងការពារជាតិ នៃព្រះរាជាណាចក្រកម្ពុជា បានសម្របសម្រួលជូនប្រតិភូអនុព័ន្ធយោធាបរទេស ប្រចាំព្រះរាជាណាចក្រកម្ពុជាចំនួន ១២ប្រទេស ចុះទៅពិនិត្យទីតាំងជាក់ស្តែងនៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ…
នៅរសៀលថ្ងៃអាទិត្យទី១៦ ខែកុម្ភៈ ឆ្នាំ២០២៦ ឯកឧត្តមបណ្ឌិត អូស្មាន ហាស្សាន់ ទេសរដ្ឋមន្ត្រីទទួលបន្ទុកបេសកកម្មពិសេស អញ្ជើញជាអធិបតី និងលោក អះម៉ាត់យ៉ះយ៉ា អារ៉ហ្វាត ភូឈួយទី១ នៃគណៈដឹកនាំជាន់ (more…)
ពិធីអ៊ិជទីម៉ាក ជួបជុំសាសនិកឥស្លាមដើម្បីបួងសួងសុំសេចក្តីសុខសន្តិភាពលើពិភពលោក ស្ថិតនៅវិហារឥស្លាម ភូមិទ្រាទី២ ឃុំទ្រា ស្រុកក្រូចឆ្មារ ខេត្តត្បូងឃ្មុំ មានប្រជាពលរដ្ឋសាសនិកឥស្លាមចូលរួមចំនួន ៩,៤២៩នាក់ មកពីទូទាំង ២៥រាជធានី ខេត្ត ក្រុង និងសាសនិកឥស្លាមបរទេស ចំនួន៤៨នាក់…
រាជធានីភ្នំពេញ៖ នារសៀលថ្ងៃអាទិត្យ ៦រោច ខែមាឃ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៨ ខែកុម្ភៈ ឆ្នាំ២០២៦ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា…
ត្បូងឃ្មុំ៖ ឯកឧត្តម ផារ៉ា មង្គល ប្រធានក្រុមការងារគណបក្សចុះមូលដ្ឋានស្រុកក្រូចឆ្មារ រួមជាមួយសហការី បានចុះជួបសំណេះសំណាល និងនាំយក កញ្ចប់អាហារស្រាយបួស ចែកជូនដល់ ហាកឹមម៉ាស្ជិតទាំង ២៥វិហារ ក្នុងស្រុកក្រូចឆ្មារ ក្នុងឱកាសអបអរសាទរ ខែរ៉ាម៉ាឌន…
តបតាមការអញ្ជើញរបស់ ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ នាឱកាសដែលឯកឧត្តមបានចូលរួមកិច្ចប្រជុំមហាសន្និបាតលើកទី២៦ នៃអង្គការទេសចរណ៍សហប្រជាជាតិ (UN Tourism- 26th General Assembly) នៅរាជធានីរីយ៉ាដ ព្រះរាជាណាចក្រអារ៉ាប់ប៊ីសាអ៊ូឌីត កាលពីថ្ងៃទី១០…