នាថ្ងៃព្រឹកថ្ងៃព្រហស្បតិ៍ ទី១០ ខែមេសា ឆ្នាំ២០២៥ មណ្ឌលកុមារកំព្រាផ្ទះនៃសុភមង្គលត្រូវបានសម្ពោធ
ដាក់ឱ្យប្រើប្រាស់ជាផ្លូវការ ក្រោមអធិបតីភាពឯ.ឧ ឡា ឡៃ រដ្ឋលេខាធិការក្រសួងធម្មការ និងសាសនា , តំណាងដ៏ខ្ពង់ខ្ពស់ឯ.ឧ ចាយ បូរីន, រដ្ឋមន្ត្រីក្រសួងធម្មការ និងសាសនា។
ថ្លែងក្នុងមតិស្វាគមន៍ និងជម្រាបជូននូវអំពីរបាយការណ៍នៃការសាងសង់ ឯ.ឧ បណ្ឌិត ហូសេន មហាម៉ាត់ ហ្វារីត, ទីប្រឹក្សាក្រសួងធម្មការ និងសាសនា , ប្រធានក្រុមប្រឹក្សាភិបាលសាកលវិទ្យាល័យកម្ពុជាគ្រប់គ្រង និងបច្ចេកវិទ្យា និងជាប្រធានអង្គការសម្ព័ន្ធបញ្ញវន្តមូស្លីមកម្ពុជា បានប្រសាសន៍ជម្រាបជូនអំពីប្រវត្តិ វឌ្ឍនភាព និងសមិទ្ធផលជាច្រើនក្នុងរយ:ពេល២០ឆ្នាំមកនេះ
ដែលអង្គការសម្ព័ន្ធបញ្ញវន្តមូស្លីមកម្ពុជាសម្រេចបានក្នុងការចូលរួមអភិវឌ្ឍសហគមន៍ និងសង្គមជាតិ។ សមិទ្ធផលទាំងនេះ អាចរីកចំរើនទៅបាន ដោយសារ
កត្តាដ៏ធំមួយ នោះគឺកត្តាសន្តិភាព ក្រោមការដឹកនាំដ៏ឈ្លាសវៃពីសំណាក់សម្តេចតេជោ, អតីតនាយករដ្ឋមន្ត្រី និងបន្តវេនដឹកនាំប្រកដោយភាពស្វាហាប់ដោយសម្តេចមហាបវរធិបតី ហ៊ុន ម៉ាណែត, នាយករដ្ឋមន្ត្រីនៃព្រះរាជាណាចក្រកម្ពុជា។
ក្នុងកម្មវិធីសម្ពោធដាក់ឱ្យប្រើប្រាស់មណ្ឌលកុមារកំព្រានេះ ឯ.ឧ បានប្រសាសន៍បន្តថា គម្រោងឧបត្ថម្ភកុមារកំព្រាជាគម្រោងមួយដែលអង្គការសម្ព័ន្ធបញ្ញវន្តមូស្លីមកម្ពុជាយកចិត្តជាខ្លាំងទោះក្នុងកាល:ទេស: ណាដោយ ព្រោះថា ការចិញ្ចឹម និងការថែរក្សាកុមារកំព្រាជាទង្វើដ៏សប្បុរស និងសាសនាឥស្លាមជម្រុញលើកទឹកចិត្តឱ្យអនុវត្ត ដូចជាប្រសាសន៍របស់ព្យាការីមហាំម៉ាត់ ដែលបានលើកឡើងអំពីគុណតម្លៃនៃការល្អធ្វើចំពោះកុមារកំព្រា។
ជាមួយគ្នាផងដែរ ក្នុងនាមតំណាងម្ចាស់ជំនួយលោក ហូសេន រ៉ូមី, ប្រធានអង្គការNouvelle Optique ពីប្រទេសបារាំង បានមានប្រសាសន៍ថា លោកពិតជាមានកិត្តិយសយ៉ាងជ្រាលជ្រៅ
ក្នុងការឧបត្ថម្ភគាំទ្រដល់ការសាងសង់មជ្ឈមណ្ឌលកុមារកំព្រា”ផ្ទះនៃសុភមង្គល” នេះ និងសង្ឃឹមថា មណ្ឌលនេះនឹងក្លាយជាផ្ទះដ៏កក់ក្តៅ ពោពេញដោយក្តីស្រលាញ់ជាកន្លែងដែលកុមារនឹងធំធាត់ បានរៀនសូត្រ និងកសាងអនាគតរបស់ពួកគេ។ លោកបានមានប្រសាសន៍បន្តទៀតថា:
អង្គការ Nouvelle Optique បានធ្វើការជិតម្ភៃឆ្នាំមកហើយនៅក្នុងប្រទេសជាង20 ដោយបានអនុវត្តគម្រោងមនុស្សធម៌រាប់ពាន់ -ឧបត្ថម្ភគាំទ្រលើការអប់រំ សាងសង់វិហារឥស្លាម សាលារៀន, ការផ្តល់ជំនួយជាស្បៀងអាហារ ដល់ជនរងគ្រោះ ឆ្លើយតបទៅនឹងគ្រោះអាសន្ននានាដូចជាទឹកជំនន់ និងគ្រោះអគ្គីភ័យជាដើម។ លោកសុំទូអាបួងសួងឱ្យមជ្ឈមណ្ឌលនេះក្លាយជាកន្លែងនៃក្តីសង្ឃឹម ផ្តល់ការបង្ហាត់បង្ហាញ និងការផ្លាស់ប្តូរជីវិតសម្រាប់កុមារកំព្រា។
ថ្លែងក្នុងកម្មវិធីឯ.ឧ ឡា ឡៃ, រដ្ឋលេខាធិការក្រសួងធម្មតា និងសាសនា តំណាងដ៏ខ្ពង់ខ្ពស់របស់ឯ.ឧ ចាយ បូរីន, រដ្ឋមន្ត្រីក្រសួងធម្មការ និងសាសនា
បានមានប្រសាសន៍វាយតម្លៃខ្ពស់លើកិច្ចខិតខំប្រឹងប្រែងរបស់អង្គការសម្ព័ន្ធបញ្ញវន្តមូស្លីមកម្ពុជាដែលសម្រេចបាននូវសមិទ្ធផលជាច្រើនក្នុងការចូលរួមអភិវឌ្ឍន៍សហគមន៍ និងសង្គមជាតិ
ជាច្រើនឆ្នាំកន្លងមកក្រោមដំបូលសន្តិភាពនៃការដឹកនាំរបស់សម្តេចតេជោហ៊ុនសែន និងសម្តេចមហាបវរធិបតីហ៊ុន ម៉ាណែត, នាយករដ្ឋមន្ត្រីនព្រះរាជាណាចក្រកម្ពុជា ជាពិសេសជាក់ស្តែង ការសម្ពោធដាក់ឱ្យប្រើប្រាស់នូវមណ្ឌលកុមារកំព្រាផ្ទះនៃសុភមង្គលនេះ។ ក្នុងឲកាសដ៏មានតម្លៃនេះ ឯ.ឧ បានប្រសាសន៍លើកទឹកចិត្ត និងជម្រុញគ្នាឱ្យបង្កើនការធ្វើទង្វើសប្បុរសធម៌ និងជាពិសេសការយកចិត្តទុកដាក់ ចិញ្ចឹមថែរក្សាកុមារកំព្រា ព្រោះវាជាទង្វើដ៏មានតម្លៃបំផុតនៅក្នុងសង្គម។
គូសបញ្ជាក់ថា មណ្ឌលកុមារកំព្រាផ្ទះនៃសុភមង្គលនេះ មានទីតាំងស្ថិតនៅភូមិ៤ សង្កាត់ច្រាំងចំរេះ១ ខណ្ឌឬស្សីកែវ រាជធានីភ្នំពេញ ត្រូវបានឧបត្ថម្ភសាងសង់ដោយអង្គការNovelle Optique ក្នុងទឹកប្រាក់សរុបលើការសាងសង់ចំនួនប្រមាណ២៦
មុឺនដុល្លារអាមេរិច។
ភ្នំពេញ កម្ពុជា៖ មជ្ឈមណ្ឌលព្រះចៅសាល់ម៉ានដើម្បីជំនួយសង្គ្រោះ និងការងារមនុស្សធម៌ (KSRelief) នៃព្រះរាជាណាចក្រអារ៉ាប៊ីសាអូឌីត បានផ្តល់ជំនួយជាថវិកា និងសម្ភារៈបរិក្ខាក្នុងតម្លៃសរុបប្រមាណ 80,000 (more…)
Foreign Minister Prak Sokhonn (front row, 3-L) attends a four-party meeting with Malaysian, US and…
ពិតជារឿងដ៏កម្រមួយ! យន្តហោះដឹកទំនិញរបស់ក្រុមហ៊ុន Emirates ប្រតិបត្តិការណ៍ដោយ ACT Air Cargo បានជួបគ្រោះថ្នាក់ធ្លាក់ចេញពីផ្លូវរត់ទៅបុករថយន្តផ្នែកសេវាកម្ម បណ្តាលឱ្យមនុស្ស២នាក់បានស្លាប់ នៅពេលចុះចតនៅឯព្រលានយន្តហោះអន្តរជាតិហុងកុង នៅព្រលឹមថ្ងៃចន្ទនេះ ហើយភ្លាមៗយន្តហោះនោះបានធ្លាក់ចូលសមុទ្រតែម្តង ។ (more…)
ខេត្តព្រះសីហនុ ៖ បន្ទាប់ពីមានផ្ទុះការតវ៉ារវាងក្រុមជនជាតិប៉ាគីស្ថាន និងបង់ក្លាដេស ប្រឆាំងនឹងជនជាតិចិន ដែលប្រើពាក្យប្រមាថជាតិសាសន៍នៅកន្លែងធ្វើការ នៅក្នុងក្រុងព្រះសីហនុ កាលពីយប់ថ្ងៃទី៤ ឈានចូលថ្ងៃទី៥ ខែតុលា ឆ្នាំ២០២៥ ។ (more…)
កំពង់ឆ្នាំង៖ នាព្រឹកថ្ងៃសៅរ៍ ទី៤ ខែតុលា ឆ្នាំ២០២៥ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ រួមជាមួយថ្នាក់ដឹកនាំខេត្តកំពង់ឆ្នាំង បានជួបសំណេះសំណាលជាមួយអ្នកគ្រូ ខាត ម៉ៃនះ ជាគ្រូបង្គោលបណ្តុះបណ្តាលជំនាញវិជ្ជាជីវៈដូនតា ដល់សិស្សក្រីក្រនៅក្នុងសហគមន៍…
បន្ទាប់ពីបានទទួលព្រះរាជទ្រព្យដ៏ឧត្តុង្គឧត្តមចំនួន ២ម៉ឺនដុល្លារអាម៉េរិក របស់សម្តេចព្រះមហាក្សត្រី ព្រះវររាជមាតាជាតិខ្មែរ ព្រះប្រធានកិត្តិយសកាកបាទក្រហមកម្ពុជា ជាទីសក្ការៈដ៏ខ្ពង់ខ្ពស់បំផុត ភ្លាមៗនៅព្រឹកថ្ងៃអាទិត្យ ទី៥ ខែតុលា ឆ្នាំ២០២៥នេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា…