ព័ត៌មានអន្តរជាតិ

ព្រមគ្នាជាមួយនឹងអង្គការសហប្រតិបត្តិការឥស្លាម OIC! មហាសន្និបាតអង្គការសហប្រជាជាតិ អនុម័តសេចក្តីសម្រេចមួយ ចាត់ទុករាល់អំពើហឹង្សាប្រឆាំងនឹងគម្ពីរគួរអានរបស់សាសនាឥស្លាម ជាការបំពានច្បាប់អន្តរជាតិ

Spread the love

ហ្សឺណែវ៖ មហាសន្និបាតអង្គការសហប្រជាជាតិ កាលពីថ្ងៃអង្គារ បានអនុម័តសេចក្តីសម្រេចមួយ ដោយចាត់ទុករាល់អំពើហឹង្សាប្រឆាំងនឹងគម្ពីរគួរអានរបស់សាសនាឥស្លាម ជាការបំពានច្បាប់អន្តរជាតិ។

ច្បាប់អន្តរជាតិ ដែលបានចែងអំពី “ការលើកកម្ពស់កិច្ចសន្ទនាអន្តរសាសនា និងអន្តរវប្បធម៌ និងការអត់ឱនក្នុងការប្រឆាំងនឹងការនិយាយស្អប់ខ្ពើម” មានកថាខណ្ឌថា “ជាការប្រមាថយ៉ាងខ្លាំងចំពោះរាល់អំពើហឹង្សាលើមនុស្សដោយផ្អែកលើសាសនា ឬជំនឿរបស់ពួកគេ ក៏ដូចជាទង្វើដែលសំដៅប្រឆាំងនឹងនិមិត្តសញ្ញាសាសនារបស់ពួកគេ គម្ពីរដ៏ពិសិដ្ឋ ផ្ទះ អាជីវកម្ម ទ្រព្យសម្បត្តិ សាលារៀន មជ្ឈមណ្ឌលវប្បធម៌ ឬកន្លែងគោរពប្រណិប័តសាសនា ព្រមទាំងការវាយប្រហារទាំងអស់នៅក្នុងផ្នែកនៃសាសនា រួមទាំងគេហទំព័រផងដែរ”។

ការអនុម័តដោយមហាសន្និបាតរបស់អង្គការសហប្រជាជាតិ ដែលមានសមាជិកចំនួន ១៩៣រូប នាពេលនេះ ធ្វើឡើងបន្ទាប់ពីមានការដុតបំផ្លាញ និងការប្រមាថមើលងាយច្បាប់ចម្លងនៃគម្ពីរគួរអានដ៏ពិសិដ្ឋរបស់សាសនាឥស្លាម ម្តងហើយម្តងទៀត នៅក្នុងបណ្តាប្រទេសអ៊ឺរ៉ុប រួមទាំងហេតុការណ៍ដុតគម្ពីរគួរអាន កាលពីពេលថ្មីៗកន្លងទៅ នៅមុខវិហារឥស្លាម នៃប្រទេសស៊ុយអែត និងមុខស្ថានទូតអេហ្ស៊ីប និងតួកគី ក្នុងទីក្រុងកូប៉ែនហាហ្គែន (Copenhagen) ប្រទេសដាណឺម៉ាក ក្រោមការអនុញ្ញាតពីប៉ូលីស បង្កអោយមានការខឹងសម្បារនិងថ្កោលទោសជាអន្តរជាតិ។ នេះបើតាមការផ្សាយដោយសារព័ត៌មាន TRT World នៅថ្ងៃទី២៦ ខែកក្កដា ឆ្នាំ២០២៣។

ដោយឡែក កាលពីថ្ងៃអង្គារផងដែរ អង្គការសហប្រតិបត្តិការឥស្លាម OIC និងបណ្តាប្រទេសមួយចំនួន រួមមាន៖ អារ៉ាប៊ីសាអូឌីត អេហ្ស៊ីប អ៊ីរ៉ង់ និងអាល់ហ្សេរី បានសម្រេចថ្កោលទោសជាថ្មី ទៅលើប្រទេសដាណឺម៉ាក និងស៊ុយអែត ដែលនៅតែបន្តឱ្យមានការដុតបំផ្លាញគម្ពីរគួរអានរបស់សាសនាឥស្លាម ដែលជាការប្រមាថដ៏ធ្ងន់ធ្ងរដល់អ្នកកាន់សាសនាឥស្លាម នៅទូទាំងពិភពលោក។

មិនត្រឹមតែបានថ្កោលទោសទេ អង្គការសហប្រតិបត្តិការឥស្លាម(OIC) ក៏បានសម្រេចព្យួរឋានៈបេសកជនពិសេស នៃប្រទេសស៊ុយអែត ប្រចាំអង្គការរបស់ខ្លួនផងដែរ ចំពោះការបង្ហាញពីភាពមិនគោរពលើសិទ្ធសេរីភាពរវាងគ្នានិងគ្នា ជាពិសេស រំលោភលើច្បាប់អន្តរជាតិ ដោយបង្កឱ្យមានអំពើហឹង្សា ញុះញង់ឱ្យមានការស្អប់ខ្ពើម និងបង្កើតឱ្យមានការបែកបាក់រវាងសាសនា និងវប្បធម៌ផ្សេងៗនៅលើពិភពលោក៕

camm

Recent Posts

មនុស្សស្លាប់ជិត ២០នាក់ ដោយសារភ្លើងឆេះព្រៃជាច្រើនកន្លែង នៅកូរ៉េខាងត្បូង

មនុស្សស្លាប់យ៉ាងហោចណាស់ ១៨នាក់ ដោយសារភ្លើងឆេះព្រៃជាច្រើនកន្លែង នៅទូទាំងតំបន់ភាគអាគ្នេយ៍របស់ប្រទេសកូរ៉េខាងត្បូង។ ភ្លើងឆេះព្រៃបានរាលដាលពាសពេញតំបន់ភាគអាគ្នេយ៍របស់ប្រទេសកូរ៉េខាងត្បូង កាលពីថ្ងៃអង្គារ ទី២៥ ខែមីនា ដោយបង្ខំឱ្យអ្នកស្រុករាប់ពាន់នាក់ភៀសខ្លួនចេញពីផ្ទះសម្បែង និងតំបន់ជុំវិញ ខណៈអាជ្ញាធរបានផ្ទេរអ្នកទោសរាប់រយនាក់ចេញពីពន្ធនាគារ។ នេះបើតាមការផ្សាយដោយសារព័ត៌មាន CNA នៅថ្ងៃទី២៦ ខែមីនា…

1 week ago

មនុស្សស្លាប់ជិត ២០នាក់ ដោយសារភ្លើងឆេះព្រៃជាច្រើនកន្លែង នៅកូរ៉េខាងត្បូង

មនុស្សស្លាប់យ៉ាងហោចណាស់ ១៨នាក់ ដោយសារភ្លើងឆេះព្រៃជាច្រើនកន្លែង នៅទូទាំងតំបន់ភាគអាគ្នេយ៍របស់ប្រទេសកូរ៉េខាងត្បូង។ ភ្លើងឆេះព្រៃបានរាលដាលពាសពេញតំបន់ភាគអាគ្នេយ៍របស់ប្រទេសកូរ៉េខាងត្បូង កាលពីថ្ងៃអង្គារ ទី២៥ ខែមីនា ដោយបង្ខំឱ្យអ្នកស្រុករាប់ពាន់នាក់ភៀសខ្លួនចេញពីផ្ទះសម្បែង និងតំបន់ជុំវិញ ខណៈអាជ្ញាធរបានផ្ទេរអ្នកទោសរាប់រយនាក់ចេញពីពន្ធនាគារ។ នេះបើតាមការផ្សាយដោយសារព័ត៌មាន CNA នៅថ្ងៃទី២៦ ខែមីនា…

1 week ago

ប្រជាជនប៉ាឡេស្ទីនផ្តល់សក្ខីកម្មនៅអង្គការសហប្រជាជាតិ អំពីការធ្វើទារុណកម្ម និងបៀតបៀនកេរ្តិ៍ភេទ ក្នុងអំឡុងពេលឃុំឃាំង ពីសំណាក់ទាហានអ៊ីស្រាអែល

ប្រជាជនប៉ាឡេស្ទីនបានផ្តល់សក្ខីកម្មនៅអង្គការសហប្រជាជាតិ អំពីការធ្វើទារុណកម្មទៅលើពួកគេ និងបៀតបៀនកេរ្តិ៍ភេទអំឡុងពេលឃុំឃាំង ពីសំណាក់ទាហានអ៊ីស្រាអែល។ នេះបើតាមការផ្សាយដោយសារ (more…)

3 weeks ago

ទីភ្នាក់ងារអង្គការសហប្រជាតិទទួលបន្ទុកជនភៀសខ្លួន បានចាប់ផ្តើមផ្តល់ជំនួយមនុស្សធម៌ជាថ្មីទៅដល់មូស្លីមរ៉ូហ៊ីងយ៉ាជិតបីពាន់នាក់នៅក្នុងប្រទេសឥណ្ឌូនេស៊ី

(ហ្សាការតា)៖ លោក Jeff Labovitz ប្រធានបេសកកម្មនៃអង្គការអន្តរជាតិបានឱ្យដឹងថា ទីភ្នាក់ងារអង្គការសហប្រជាតិទទួលបន្ទុកជនភៀសខ្លួន បានចាប់ផ្តើមផ្តល់ជំនួយមនុស្សធម៌ដល់មូស្លីមរ៉ូហ៊ីងយ៉ាដែល (more…)

3 weeks ago

Singapore Ambassador Pays a Courtesy Call on Cambodian Acting Head of State

Cambodia’s Acting Head of State, Samdech Akka Moha Sena Padei Techo Hun Sen (R, Pic.…

3 weeks ago

អារ៉ាប៊ីសាអូឌីតដឹកនាំប្រទេសអារ៉ាប់ផ្សេងទៀតថ្កោលទោសអ៊ីស្រាអែល ក្រោយពីបានកាត់ផ្តាច់អគ្គិសនីនៅតំបន់ហ្គាហ្សា ខណៈអង្គការសហប្រជាជាតិ និងអង្គការមនុស្សធម៌ក៏បានថ្កោលទោសនូវទង្វើនេះថាជាការដាក់ទណ្ឌកម្មទៅលើពលរដ្ឋស្លូតត្រង់ ខុសនិងច្បាប់អន្តរជាតិ

រីយ៉ាដ៖ អារ៉ាប៊ីសាអូឌីត បានដឹកនាំប្រទេសអារ៉ាប់ផ្សេងទៀតដូចជា កាតា និងហ្សកដានី ដើម្បីធ្វើការថ្កោលទោសការសម្រេចចិត្តរបស់អ៊ីស្រាអែល ក្នុងការកាត់ផ្តាច់ការផ្គត់ផ្គង់អគ្គិសនីទៅកាន់តំបន់ហ្គាហ្សា។ ក្នុង (more…)

3 weeks ago