ប្រធានាធិបតីប៉ាឡេស្ទីន លោក Mahmoud Abbas កាលពីថ្ងៃអាទិត្យ បានអំពាវនាវអោយបណ្តាមេដឹកនាំនៃក្រុមប៉ាឡេស្ទីន រួបរួមគ្នាប្រឆាំងនឹងការឈ្លានពានរបស់អ៊ីស្រាអែល។
ការអំពាវនាវនេះ ធ្វើឡើងក្នុងអំឡុងកិច្ចប្រជុំមួយដើម្បីពិភាក្សាអំពីការអភិវឌ្ឍន៍នៅប៉ាឡេស្ទីន ការស្ដារឡើងវិញនូវឯកភាពជាតិ និងដើម្បីបញ្ចប់ការបែកបាក់គ្នានៅក្នុងស្រមោលនៃការលំបាកដ៏ធំដែលប្រឈមមុខនឹងបញ្ហាប៉ាឡេស្ទីន ដែលរៀបចំឡើងក្នុងប្រទេសអេហ្ស៊ីប។ នេះបើតាមការផ្សាយដោយទីភ្នាក់ងារព័ត៌មាន Anadolu នៅថ្ងៃទី៣០ ខែកក្កដា ឆ្នាំ២០២៣ ។
ឯកអគ្គរដ្ឋទូតប៉ាឡេស្ទីន ប្រចាំនៅអេហ្ស៊ីប លោក Diab Allouh បាននិយាយថា កិច្ចប្រជុំថ្នាក់អគ្គលេខាធិការមួយ ដែលជាកិច្ចប្រជុំបិទទ្វារ បានរៀបចំធ្វើឡើងតាមការអំពាវនាវរបស់លោក Abbas បានចាប់ផ្តើមនៅទីក្រុងឆ្នេរសមុទ្រ El Alamein របស់ប្រទេសអេហ្ស៊ីប។
ប្រភពដដែល បានបន្តថា ដោយកត់សម្គាល់ថា វាជារឿងដែលជៀសមិនរួចសម្រាប់ប៉ាឡេស្ទីនទាំងអស់ ទៅលើការសង្គ្រោះប្រទេសជាតិ ប្រឆាំងនឹងការឈ្លានពានដ៏ព្រៃផ្សៃរបស់អ៊ីស្រាអែល ដែលកំពុងតែកើតមាននោះ លោក Abbas បានលើកឡើងនៅក្នុងកិច្ចប្រជុំថា យើងត្រូវតែធានាឱ្យមានការឯកភាពជាតិរបស់យើង ដើម្បីប្រយុទ្ធប្រឆាំងនឹងការកាន់កាប់ ដែលកំណត់គោលដៅសិទ្ធិ និងវិសុទ្ធរបស់យើង ក៏ដូចជាអត្ថិភាពរបស់យើង។
លោក Mahmoud Abbas ក៏បានស្នើអោយបញ្ចប់បញ្ហាបែកបាក់ផ្ទៃក្នុង ដែលកើតឡើងពីរដ្ឋប្រហារដឹកនាំដោយក្រុមហាម៉ាស នៅតំបន់ហ្គាហ្សាស្ទ្រីប ក្នុងឆ្នាំ២០០៧ ផងដែរ។
ទន្ទឹមនឹងនោះ លោក Abbas បានផ្តល់ដំបូន្មានដល់ភាគីទាំងអស់កុំឱ្យមានការស្ទាក់ស្ទើរចំពោះ ការគាំទ្រដល់ អង្គការរំដោះប៉ាឡេស្ទីន (PLO) ដែលលោកនិយាយថា ជាតំណាងតែមួយគត់ និងស្របច្បាប់របស់ប្រជាជនប៉ាឡេស្ទីន និងរបៀបវារៈនយោបាយជាតិមួយចំនួន សម្រាប់ការត្រួសត្រាយផ្លូវ ដើម្បីអាចក្លាយជាភាគីពេញសិទ្ធិនៃកិច្ចព្រមព្រៀង ដើម្បីក្លាយជាសមាជិកពេញសិទ្ធិរបស់ អង្គការសហប្រជាជាតិ UN រួមនិងស្ថាប័នអន្តរជាតិចំនួន ១៣០ស្ថាប័ន។
លោក Abbas បានសង្កត់ធ្ងន់ថា គោលការណ៍ជាមូលដ្ឋានមួយ ដែលនឹងធានាឱ្យមានការឯកភាពប៉ាឡេស្ទីន គឺការប្រកាន់ខ្ជាប់នូវភាពស្របច្បាប់អន្តរជាតិ និងការតស៊ូដោយសន្តិវិធី។
គួរជម្រាបថា អស់រយៈពេលជាយូរមកហើយ ប្រទេសប៉ាឡេស្ទីនប្រឈមនឹងបញ្ហាបែកបាក់ផ្ទៃក្នុង ដែលបង្កការអាកខានក្នុងការបង្កើតរដ្ឋាភិបាលតែមួយ ខណៈទឹកដីជាច្រើនរបស់ប៉ាឡេស្ទីនកំពុងស្ថិតក្រោមការកាន់កាប់ពីសំណាក់អ៊ីស្រាអែល និងបានបន្តគោលនយោបាយពង្រីកការតាំងទីលំនៅជនជាតិជ្វីហ្វលើទឹកដីដែលខ្លួនកាន់កាប់ផងដែរ៕
នៅថ្ងៃពុធ ទី៤ ខែមីនា ឆ្នាំ២០២៦ វេលាម៉ោង ១៣:០០នាទីរសៀល ក្រសួងការពារជាតិ នៃព្រះរាជាណាចក្រកម្ពុជា បានសម្របសម្រួលជូនប្រតិភូអនុព័ន្ធយោធាបរទេស ប្រចាំព្រះរាជាណាចក្រកម្ពុជាចំនួន ១២ប្រទេស ចុះទៅពិនិត្យទីតាំងជាក់ស្តែងនៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ…
នៅរសៀលថ្ងៃអាទិត្យទី១៦ ខែកុម្ភៈ ឆ្នាំ២០២៦ ឯកឧត្តមបណ្ឌិត អូស្មាន ហាស្សាន់ ទេសរដ្ឋមន្ត្រីទទួលបន្ទុកបេសកកម្មពិសេស អញ្ជើញជាអធិបតី និងលោក អះម៉ាត់យ៉ះយ៉ា អារ៉ហ្វាត ភូឈួយទី១ នៃគណៈដឹកនាំជាន់ (more…)
ពិធីអ៊ិជទីម៉ាក ជួបជុំសាសនិកឥស្លាមដើម្បីបួងសួងសុំសេចក្តីសុខសន្តិភាពលើពិភពលោក ស្ថិតនៅវិហារឥស្លាម ភូមិទ្រាទី២ ឃុំទ្រា ស្រុកក្រូចឆ្មារ ខេត្តត្បូងឃ្មុំ មានប្រជាពលរដ្ឋសាសនិកឥស្លាមចូលរួមចំនួន ៩,៤២៩នាក់ មកពីទូទាំង ២៥រាជធានី ខេត្ត ក្រុង និងសាសនិកឥស្លាមបរទេស ចំនួន៤៨នាក់…
រាជធានីភ្នំពេញ៖ នារសៀលថ្ងៃអាទិត្យ ៦រោច ខែមាឃ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៨ ខែកុម្ភៈ ឆ្នាំ២០២៦ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា…
ត្បូងឃ្មុំ៖ ឯកឧត្តម ផារ៉ា មង្គល ប្រធានក្រុមការងារគណបក្សចុះមូលដ្ឋានស្រុកក្រូចឆ្មារ រួមជាមួយសហការី បានចុះជួបសំណេះសំណាល និងនាំយក កញ្ចប់អាហារស្រាយបួស ចែកជូនដល់ ហាកឹមម៉ាស្ជិតទាំង ២៥វិហារ ក្នុងស្រុកក្រូចឆ្មារ ក្នុងឱកាសអបអរសាទរ ខែរ៉ាម៉ាឌន…
តបតាមការអញ្ជើញរបស់ ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ នាឱកាសដែលឯកឧត្តមបានចូលរួមកិច្ចប្រជុំមហាសន្និបាតលើកទី២៦ នៃអង្គការទេសចរណ៍សហប្រជាជាតិ (UN Tourism- 26th General Assembly) នៅរាជធានីរីយ៉ាដ ព្រះរាជាណាចក្រអារ៉ាប់ប៊ីសាអ៊ូឌីត កាលពីថ្ងៃទី១០…