ព័ត៌មានអន្តរជាតិ

ប្រទេសម៉ាឡេស៊ី រៀបចំការប្រកួតប្រជែងប្រលងសូត្រគម្ពីរអាល់គួរអានុលការីមថ្នាក់ជាតិលើកទី៦៥ និងសូត្រចាំមាត់ឆ្នាំ២០២៣ ដើម្បីស្វែងរកម្ចាស់ជ័យលាភីឆ្នើមសម្រាប់ការប្រកួតថ្នាក់អន្តរជាតិនាខែសីហាខាងមុខ

Spread the love

កូឡាឡាំពួរ៖ ក្រុមប្រឹក្សារៀបចំការប្រលងសូត្រគម្ពីរអាល់គួរអានុលការីម និងសូត្រចាំមាត់របស់ប្រទេសម៉ាឡេស៊ី បានរៀបចំការប្រកួតប្រជែងប្រលងសូត្រគម្ពីរអាល់គួរអានុលការីមថ្នាក់ជាតិលើកទី៦៥ និងសូត្រចាំមាត់សម្រាប់ឆ្នាំ២០២៣ រយពេលចំនួន 6 ថ្ងៃចាប់ពីថ្ងៃទី 11 ដល់ថ្ងៃទី 16 ខែមិថុនា ដើម្បីស្វែងរកម្ចាស់ជ័យលាភីឆ្នើមសម្រាប់ការប្រកួតថ្នាក់អន្តរជាតិនាខែសីហាខាងមុខ។កម្មវិធីនេះផងដែរបានប្រព្រឹត្តិធ្វើឡើងនៅមជ្ឈមណ្ឌលសន្និបាត PICCA @ Arena Butterworth នៃរដ្ឋ Penang ប្រទេសម៉ាឡេស៊ី ក្នុងនោះប្រជាពលរដ្ឋម៉ាឡេស៊ីទាំងអស់អាចអញ្ជើញចូលរួមនិងរីករាយជាមួយការប្រលងខាងលើនេះ ចាប់ពីម៉ោង 9.00 ព្រឹក ដល់ 11.00យប់។ នេះបើយោងតាមការចុះផ្សាយដោយសារព័ត៌មានរបស់ប្រទេសម៉ាឡេស៊ីនៅថ្ងៃទី១១ខែមិថុនា ឆ្នាំ២០២៣។

ក្រុមប្រឹក្សារៀបចំការប្រលងសូត្រគម្ពីរអាល់គួរអានុលការីម និងសូត្រចាំមាត់របស់ប្រទេសម៉ាឡេស៊ី បានឱ្យដឹងថា កម្មវិធីប្រលងសូត្រគម្ពីរអាល់គួរអាននេះគឺជាកម្មវិធីប្រចាំឆ្នាំដែលរៀបចំឡើងដោយនាយកដ្ឋានអភិវឌ្ឍន៍ឥស្លាមនៃប្រទេសម៉ាឡេស៊ី (JAKIM) ដែលឆ្នាំនេះយើងមានការសហការជាមួយរដ្ឋាភិបាលខេត្ត Penang តាមរយៈនាយកដ្ឋានកិច្ចការសាសនាឥស្លាមផ្ទាល់ដើម្បីរៀបចំកម្មវិធីមួយនេះឱ្យប្រព្រឹត្តទៅយ៉ាងរលូនប្រកបដោយភាពជោគជ័យ ក្នុងគោលបំណងបង្ហាញនូវការប្តេជ្ញាចិត្តរបស់ភាគីទាំងអស់ក្នុងការបន្តពង្រឹងការបង្រៀននិងអភិវឌ្ឍនៃការប្រើប្រាស់សំឡេងក្នុងការសូត្រគម្ពីរអាល់គួរអាន ដែលជាគម្ពីរដ៏ពិសិដ្ឋសម្រាប់អ្នកមូស្លីម ចូលរួមលើកស្ទួយទៅដល់អ្នកដែលមានសមត្ថភាពអាចមានឲកាសក្នុងការបញ្ចេញទេព្យកោសល្យ ក៏ដូចជាជំរុញឱ្យមនុស្សចូលចិត្តសូត្រនូវគម្ពីរគួរអានឱ្យបានច្រើនប្រកបដោយភាពត្រឹមត្រូវ។

ប្រភពដដែលបានបន្តថា ចំពោះបេក្ខជននិងបេក្ខនារី(ករីនិងករីអះ) សម្រាប់ឆ្នាំ២០២៣នេះ យើងបានជ្រើសរើសគ្រប់បណ្តារដ្ឋទាំងអស់នៃប្រទេសម៉ាឡេស៊ី ជាទូទៅរដ្ឋនីមួយៗត្រូវបានអនុញ្ញាតឱ្យមានបេក្ខជនបេក្ខនារី(ករីនិងករីអះ) តំណាងឱ្យរដ្ឋរបស់ខ្លួនចំនួន៨នាក់ ក្នុងនោះអ្នកចូលរួមពីរនាក់សម្រាប់ប្រកួតសូត្រគម្ពីរអាល់គូរអាន និងចំនួន៦នាក់ផ្សេងទៀតសម្រាប់ប្រកួតប្រជែងសូត្រចាំមាត់នៃគម្ពីរអាល់គួរអាន។ ដែលបេក្ខជនបេក្ខនារីទាំងអស់សម្រាប់ឆ្នាំ២០២៣នេះសរុប ១០៩នាក់ ក្នុងនោះផ្នែកប្រកួតប្រជែងសូត្រចាំមាត់នៃគម្ពីរអាល់គួរអានចំនួន៨០នាក់ និងប្រកួតសូត្រគម្ពីរអាល់គម្ពីគូរអានចំនួន២៩នាក់។

គួរជម្រាបថា បេក្ខជនបេក្ខនារីជ័យលាភីឆ្នើមដែលឈ្នះសម្រាប់រដូវកាលថ្មីនេះ នឹងក្លាយជាអ្នកតំណាងឱ្យប្រទេសម៉ាឡេស៊ីទាំងមូលនៅក្នុងការប្រលងសូត្រ និងសូត្រចាំមាត់នៃគម្ពីរអាល់គួរអានថ្នាក់អន្តរជាតិដែលនឹងប្រព្រឹត្តទៅនៅថ្ងៃទី 20 ដល់ថ្ងៃទី 26 ខែសីហា ឆ្នាំ 2023 នៅមជ្ឈមណ្ឌលពាណិជ្ជកម្មពិភពលោក (WTC) ទីក្រុងគូឡាឡាំពួខាងមុខនេះ។

camm

Recent Posts

កម្ពុជា លើកលែងការយកពន្ធលើទំនិញឧស្សាហកម្មនិងកសិកម្ម ពីសហរដ្ឋអាមេរិក

(វ៉ាស៉ីនតោន)៖ សហរដ្ឋអាមេរិក និងកម្ពុជា បានឯកភាពគ្នាលើកិច្ចព្រមព្រៀងពាណិជ្ជកម្មមួយ ដែលនឹងផ្តល់ឱ្យអ្នកនាំចេញរបស់សហរដ្ឋអាមេរិក នូវការចូលមកកាន់ទីផ្សារកម្ពុជា ដែលមិនធ្លាប់មានពីមុនមក។ តាមសេចក្តីប្រកាសរបស់សេតវិមាន នាថ្ងៃអាទិត្យ ទី២៦ ខែតុលា ឆ្នាំ២០២៥ កម្ពុជាបានយល់ព្រមលុបបំបាត់ពន្ធគយទាំងអស់លើទំនិញរបស់សហរដ្ឋអាមេរិក រួមទាំងផលិតផលម្ហូបអាហារ និងកសិកម្ម…

2 days ago

អារ៉ាប៊ីសាអូឌីតផ្តល់ជំនួយជាសម្ភារៈបរិក្ខាគិតជាទឹកប្រាក់ប្រមាណ៨ម៉ឺនដុល្លារអាមេរិកដល់សាកលវិទ្យាល័យកម្ពុជា គ្រប់គ្រង និង បច្ចេកវិទ្យា(CUMT) ដើម្បីធ្វើទំនើបកម្ម និងបង្កើនសមត្ថភាពលើការបណ្តុះបណ្តាលនិស្សិតកម្រិតឧត្តមសិក្សានៅកម្ពុជា

ភ្នំពេញ កម្ពុជា៖ មជ្ឈមណ្ឌលព្រះចៅសាល់ម៉ានដើម្បីជំនួយសង្គ្រោះ និងការងារមនុស្សធម៌ (KSRelief) នៃព្រះរាជាណាចក្រអារ៉ាប៊ីសាអូឌីត បានផ្តល់ជំនួយជាថវិកា និងសម្ភារៈបរិក្ខាក្នុងតម្លៃសរុបប្រមាណ 80,000 (more…)

7 days ago

Cambodia and Thailand to ink accord at ASEAN Summit to end border conflict, says minister

Foreign Minister Prak Sokhonn (front row, 3-L) attends a four-party meeting with Malaysian, US and…

1 week ago

យន្តហោះ Boeing ធ្លាក់ចេញពីផ្លូវរត់ បុករថយន្តបណ្តាលឲ្យស្លាប់មនុស្ស ២ នាក់នៅហុងកុង !

ពិតជារឿងដ៏កម្រមួយ! យន្តហោះដឹកទំនិញរបស់ក្រុមហ៊ុន Emirates ប្រតិបត្តិការណ៍ដោយ ACT Air Cargo បានជួបគ្រោះថ្នាក់ធ្លាក់ចេញពីផ្លូវរត់ទៅបុករថយន្តផ្នែកសេវាកម្ម បណ្តាលឱ្យមនុស្ស២នាក់បានស្លាប់ នៅពេលចុះចតនៅឯព្រលានយន្តហោះអន្តរជាតិហុងកុង នៅព្រលឹមថ្ងៃចន្ទនេះ ហើយភ្លាមៗយន្តហោះនោះបានធ្លាក់ចូលសមុទ្រតែម្តង ។ (more…)

1 week ago

សមត្ថកិច្ច​ ឃាត់ជនបរទេសចំនួន​ ២៩០នាក់ ពាក់ព័ន្ធស្នាក់នៅ និងធ្វើការខុសច្បាប់នៅខេត្តព្រះសីហនុ

ខេត្តព្រះសីហនុ​ ៖ បន្ទាប់ពីមានផ្ទុះការតវ៉ារវាងក្រុមជនជាតិប៉ាគីស្ថាន និងបង់ក្លាដេស ប្រឆាំងនឹងជនជាតិចិន ដែលប្រើពាក្យប្រមាថជាតិសាសន៍នៅកន្លែងធ្វើការ នៅក្នុងក្រុងព្រះសីហនុ​ កាលពីយប់ថ្ងៃទី៤​ ឈានចូលថ្ងៃទី៥​ ខែតុលា​ ឆ្នាំ​២០២៥ ។ (more…)

3 weeks ago

រដ្ឋមន្ត្រី​ក្រសួង​វប្បធម៌​និង​វិចិត្រសិល្បៈ​ ជួប​សំណេះសំណាលជាមួយអ្នកបន្តវេនជំនាញវិជ្ជាជីវៈដូនតា ជំនាញ​ធ្វើ​សាជី​ នៅ​ស្រុក​កំពង់ត្រឡាច​

កំពង់ឆ្នាំង៖ នាព្រឹកថ្ងៃសៅរ៍ ទី៤​ ខែតុលា​ ឆ្នាំ២០២៥ ​លោក​ជំទាវ​បណ្ឌិត​សភាចារ្យ​ ភឿង​ សកុណា​ រដ្ឋមន្ត្រី​ក្រសួង​វប្បធម៌​និង​វិចិត្រសិល្បៈ​ រួមជាមួយថ្នាក់ដឹកនាំខេត្តកំពង់ឆ្នាំង បានជួបសំណេះសំណាលជាមួយអ្នកគ្រូ ខាត ម៉ៃនះ ជាគ្រូបង្គោលបណ្តុះបណ្តាលជំនាញវិជ្ជាជីវៈដូនតា ដល់សិស្សក្រីក្រនៅក្នុងសហគមន៍…

3 weeks ago