ព័ត៌មានជាតិ

ប្រជាពលរដ្ឋ ១៥០០នាក់ ក្នុងខណ្ឌឬស្សីកែវ ទទួលបានការពិនិត្យនិងព្យាបាលជំងឺឥតគិតថ្លៃ ពីសំណាក់សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) សហការជាមួយក្រុមគ្រូពេទ្យ​នៃមន្ទីរពហុព្យាបាល​ ហ្វា​ ហាវ​ MEDIC កឹនធើ

Spread the love

ភ្នំពេញ៖ សមាគមគ្រូពេទ្យស្ម័គ្រចិត្តយុវជនសម្តេចតេជោ (TYD​A) សហការជាមួយក្រុមគ្រូពេទ្យ​នៃមន្ទីរពហុព្យាបាល​ ហ្វា​ ហាវ​ MEDIC កឹនធើ បានចុះផ្តល់សេវាពិនិត្យនិងព្យាបាលជំងឺជូនបងប្អូន​ប្រជា​ពល​រដ្ឋជាង ១.៥០០នាក់ ដោយឥតគិតថ្លៃ នៅក្នុងខណ្ឌឬស្សីកែវ។

ពិធីនេះបានរៀបចំធ្វើឡើងនៅថ្ងៃទី៧ ខែឧសភា ឆ្នាំ២០២៣ ស្ថិតនៅវិហារឥស្លាមគីឡូម៉ែត្រលេខ៩ ក្នុងភូមិ៤ សង្កាត់ច្រាំងចំរេះ២ ខណ្ឌឬស្សីកែវ រាជធានីភ្នំពេញ ក្រោមអធិបតីភាព ឯកឧត្តម បណ្ឌិត អូស្មាន ហាស្សាន់ ទេសរដ្ឋមន្ត្រីទទួលបន្ទុកបេសកកម្មពិសេស និងជាប្រធានក្រុមការងារចុះជួយប្រជាពលរដ្ឋខណ្ឌឬស្សីកែវ, លោកវេជ្ជបណ្ឌិត ស៊ូ ស៊ីផាណ្ណា ប្រធានប្រតិបត្តិ សមាគមគ្រូពេទ្យស្ម័គ្រចិត្តយុវជនសម្តេចតេជោ តំណាងដ៏ខ្ពង់ខ្ពស់ ឯកឧត្តម បណ្ឌិត ហ៊ុន ម៉ាណែត និងលោកជំទាវ, លោក វូ កៅគន់ សមាជិកក្រុមប្រឹក្សាភិបាលមន្ទីរពហុព្យាបាល ហ្វា ហាវ មេឌីគ កឹនធើ, ព្រមទាំងមានការចូលរួមពីសំណាក់ ឯកឧត្តមនិងលោកជំទាវតំណាងរាស្ត្រ អាជ្ញាធរមូលដ្ឋាន ក្រុមគ្រូពេទ្យស្ម័គ្រចិត្ត និងបងប្អូនប្រជាពល​រដ្ឋដែលមកទទួលសេវាពិនិត្យនិងព្យាបាលជំងឺ ជាង១៥០០នាក់ផងដែរ។

បើតាមលោកវេជ្ជបណ្ឌិត ស៊ូ ស៊ីផាណ្ណា បានបញ្ជាក់ថា នេះជាលើកទី១១ហើយ ដែលសមាគគ្រូពេទ្យស្ម័គ្រចិត្តសម្តេចតេជោ (TYDA) បានចុះផ្តល់សេវា​ពិនិត្យ​និងព្យា​បាលជំងឺជូនបងប្អូនប្រជាពលរដ្ឋដោយឥតគិតថ្លៃ នៅក្នុងខណ្ឌឬស្សីកែវ ដោយទទួលបានប្រសាសន៍ណែនាំចង្អុលបង្ហាញពី ឯកឧត្តម បណ្ឌិត ហ៊ុន ម៉ាណែត និងលោក​ជំទាវ។

TYDA បានបង្កើតឡើងអស់រយៈពេល១០ឆ្នាំកន្លងមកហើយ ដោយបានចូលរួមសកម្មភាពជា​មួយរាជ​រដ្ឋា​ភិបាលជាច្រើននៅក្នុងវិស័យសុខាភិបាល ជាពិសេស ការចុះជួយបងប្អូន​ប្រជាពលរដ្ឋលើការផ្តល់​សេវាពិនិត្យនិងព្យាបាលជំងឺជូនប្រជាពលរដ្ឋនៅតាម​ទីជនបទដាច់ស្រយ៉ាល​ទាំង ២៥រាជធានី​ខេត្ត​ក្រុង។

ហើយបច្ចុប្បន្ននេះ TYDA បានបន្ថែមសកម្មភាពរបស់ខ្លួននៅក្នុងទីក្រុងភ្នំពេញ នៅតាម​ជា​យក្រុង និងប្រជាពលរដ្ឋនៅក្នុងសហគមន៍ដែលមានជីវភាពខ្វះខាតផងដែរ ស្របតាមអនុ​សាសន៍​ណែនាំ​របស់ ឯកឧត្តម បណ្ឌិត ហ៊ុន ម៉ាណែត និងលោកជំទាវ ដើម្បីធ្វើយ៉ាងណាផ្តល់សេវាពិនិត្យនិងព្យា​បាលជំងឺជូនពួក​គាត់អោយអស់ពីលទ្ធភាព និងមានប្រសិទ្ធិភាពខ្ពស់បំផុត៕

 

camm

Recent Posts

Hayat Al-Sindi គឺជាវិទ្យាសាស្ត្រស្ត្រីអារ៉ាប់ដំបូងគេ ដែលក្លាយជាអ្នកច្នៃប្រឌិត និងអ្នកដឹកនាំដ៏ធំក្នុងវិស័យវិទ្យាសាស្ត្រ

លោកស្រី Dr. Hayat Al-Sindi កើតនៅ ថ្ងៃទី៦ ខែវិច្ឆិកា ឆ្នាំ១៩៦៧ ក្នុងទីក្រុង មាក្កះនៃប្រទេសអារ៉ាប៊ីសូឌីត។ គាត់បានមានឱកាសចាកចេញទៅសិក្សានិងបណ្តុះបណ្តាលផ្នែកភាសាសអង់គ្លេសនៅប្រទេសអង់គ្លេស (more…)

3 days ago

ម៉ាឡេស៊ី ស្នើឱ្យមានការបញ្ជូន និងដាក់ពង្រាយកងកម្លាំងទាហានពិសេសម៉ាឡេសុីនៅតំបន់ព្រំដែនជម្លោះកម្ពុជា-ថៃ ដើម្បីត្រួតពិនិត្របទឈប់បាញ់ និងធានាថាមិនមានការរំលោភលើកិច្ចព្រមព្រៀង

ម៉ាឡេស៊ី ស្នើឱ្យមានការបញ្ជូន និងដាក់ពង្រាយកងកម្លាំងទាហានពិសេសម៉ាឡេសុីនៅតំបន់ព្រំដែនជម្លោះកម្ពុជា-ថៃ ដើម្បីត្រួតពិនិត្របទឈប់បាញ់ និងធានាថាមិនមានការរំលោភលើកិច្ចព្រមព្រៀង (more…)

2 weeks ago

រដ្ឋាភិបាលជប៉ុន ផ្តល់ជំនួយ ១.៨លានដុល្លារអាមេរិក ដើម្បីឆ្លើយតបទៅនឹងតម្រូវការផ្នែកមនុស្សធម៌នៅកម្ពុជា ដែលកំពុងរងគ្រោះដោយសារជម្លោះព្រំដែនកម្ពុជា-ថៃ

រដ្ឋាភិបាលជប៉ុន ផ្តល់ជំនួយ ១.៨លានដុល្លារអាមេរិក ដើម្បីឆ្លើយតបទៅនឹងតម្រូវការផ្នែកមនុស្សធម៌នៅកម្ពុជា ដែលកំពុងរងគ្រោះដោយសារជម្លោះព្រំដែនកម្ពុជា-ថៃ (more…)

2 weeks ago

មកដឹងរឿងរ៉ាវដ៏អាថ៍កំបាំងរបស់ស្តេចស្រីហ្ពាល់គីស និងការព្រមទទួលយកសាសនាឥស្លាមតាមរយៈព្យាការីស៊ូឡៃម៉ាន.

បើយោងតាមឯកសារប្រវត្តិសាស្ត្រឥស្លាមជាច្រើនបានឱ្យដឹងថា មហាក្សត្រីយ៍នៃនគរសាហ្ពាក់ ឬគេស្គាល់ថា ស្តេចស្រីហ្ពាល់គីស គឺជាស្ត្រីដែលមានអំណាច (more…)

2 weeks ago

សាសនិកឥស្លាមនៅខេត្តកំពង់ឆ្នាំង ដឹកនាំគណៈអ៊ីម៉ាំខេត្តកំពង់ឆ្នាំងរួមគ្នាថ្វាយបង្គំ បួងសួង សុំពរជ័យពីអុលឡោះជាម្ចាស់ ជួយថែរក្សាទឹកដីកម្ពុជា

សាសនិកឥស្លាមនៅខេត្តកំពង់ឆ្នាំង ដឹកនាំគណៈអ៊ីម៉ាំខេត្តកំពង់ឆ្នាំងរួមគ្នាថ្វាយបង្គំ បួងសួង សុំពរជ័យពីអុលឡោះជាម្ចាស់ ជួយថែរក្សាទឹកដីកម្ពុជានិងជួយការពារឲ្យបានសេចក្ដីសុខ គ្រប់ប្រការជូន វីរជនកងទ័ពសមរភូមិមុខ កំពុងឈរជើងការ ពារទឹកដី ពីការឈ្លានពានរបស់ប្រទេសជិតខាង (more…)

2 weeks ago