រីយ៉ាដ៖ បណ្តាប្រទេសអារ៉ាប់ រួមមាន អារ៉ាប៊ីសាអូឌីត អេមីរ៉ាត់អារ៉ាប់រួម និងអេហ្ស៊ីប បានចូលរួមជាមួយសហរដ្ឋអាមេរិក ក្នុងការសម្របសម្រួលដើម្បីស្វែងរកការបញ្ចប់ជម្លោះនៅស៊ូដង់។ នេះបើតាមការផ្សាយដោយកាសែតអារ៉ាប់ Saudi Gazette នៅថ្ងៃទី២៦ ខែមេសា ឆ្នាំ២០២៣។
ជម្លោះប្រដាប់អាវុធនៅក្នុងប្រទេសស៊ូដង់ បានផ្ទុះឡើងកាលពីថ្ងៃសៅរ៍ ទី១៥ ខែមេសា រវាងកងកម្លាំងប្រដាប់អាវុធស៊ូដង់ (SAF) និងកងកម្លាំងគាំទ្ររហ័ស (RSF) បណ្តាលអោយមនុស្សយ៉ាងហោចណាស់ជាង ៥០០នាក់បានស្លាប់ និងជាង៤ពាន់នាក់ផ្សេងទៀតបានរងរបួស គិតត្រឹមថ្ងៃទី២៥ ខែមេសា។
ទោះបីយ៉ាងណា ភាគជម្លោះដែលកំពុងប្រយុទ្ធគ្នាក្នុងប្រទេសស៊ូដង់ បានយល់ព្រមនៅក្នុងបទឈប់បាញ់មួយ ដែលមានរយៈពេល ៧២ម៉ោង ក្រោមការសម្របសម្រួលនិងកិច្ចខិតខំប្រឹងប្រែងរបស់ សហរដ្ឋអាមេរិក ដោយមានការចូលរួមពីបណ្តាប្រទេសអារ៉ាប់ រួមមាន អារ៉ាប៊ីសាអូឌីត អេមីរ៉ាត់អារ៉ាប់រួម និងអេហ្ស៊ីប។
កងកម្លាំងប្រដាប់អាវុធស៊ូដង់ (SAF) បាននិយាយថា សហរដ្ឋអាមេរិក និងបណ្តាប្រទេសអារ៉ាប់ បានសម្រុះសម្រួលអោយមានបទឈប់បាញ់ ដែលនឹងចាប់ផ្តើមនៅពាក់កណ្តាលអធ្រាត្រ ថ្ងៃច័ន្ទ ទី២៤ ខែមេសា។
រដ្ឋមន្ត្រីការបរទេសអាមេរិក លោក Antony Blinken បាននិយាយនៅក្នុងសេចក្តីថ្លែងការណ៍មួយកាលពីថ្ងៃចន្ទថា បន្ទាប់ពីការចរចាដ៏តឹងតែងក្នុងរយៈពេល ៤៨ម៉ោងកន្លងមក កងកម្លាំងប្រដាប់អាវុធស៊ូដង់ (SAF) និងកងកម្លាំងគាំទ្ររហ័ស (RSF) បានយល់ព្រមអនុវត្តបទឈប់បាញ់ទូទាំងប្រទេស រយៈពេល ៧២ម៉ោង ដែលចាប់ផ្តើមនៅពាក់កណ្តាលអធ្រាត្រ ថ្ងៃទី២៤ ខែមេសា។
នៅក្នុងសេចក្តីថ្លែងការណ៍ដដែល បានបន្តថា ក្នុងអំឡុងពេលនេះ សហរដ្ឋអាមេរិកក៏បានជំរុញឱ្យ SAF និង RSF រក្សាបទឈប់បាញ់ជាបន្ទាន់ និងពេញលេញ ដើម្បីបញ្ចប់ការប្រយុទ្ធគ្នាយូរអង្វែង ដែលសហរដ្ឋអាមេរិក នឹងធ្វើការសម្របសម្រួលជាមួយដៃគូក្នុងតំបន់ និងអន្តរជាតិ និងអ្នកពាក់ព័ន្ធជនស៊ីវិលស៊ូដង់។
ដោយឡែក អគ្គលេខាធិការអង្គការសហប្រជាជាតិ លោក Antonio Guterres បានជំរុញឱ្យសមាជិកនៃក្រុមប្រឹក្សាសន្តិសុខអង្គការសហប្រជាជាតិ ប្រើអំណាចរបស់ពួកគេដើម្បីអោយស៊ូដង់ត្រឡប់ទៅមាគ៌ានៃការផ្លាស់ប្តូរលទ្ធិប្រជាធិបតេយ្យ បន្ទាប់ពីរដ្ឋប្រហារយោធាបានកើតឡើង កាលឆ្នាំ២០២១កន្លងទៅ៕
ក្រសួងបរិស្ថានកម្ពុជា នៅថ្ងៃព្រហស្បតិ៍ ទី២ ខែមេសា ឆ្នាំ២០២៦ នេះបានបង្ហាញថា សីតុណ្ហភាពមានការកើនឡើងនៅទូទាំងប្រទេស ដែលអាចបង្កឱ្យមានហានិភ័យនៃការអគ្គីភ័លើផ្ទះសម្បែង និងភ្លើងឆេះព្រៃជាដើម។ ក្រសួងបរិស្ថានស្នើសុំឱ្យសាធារណជនមានការប្រុងប្រយ័ត្នខ្ពស់ និងចូលរួមចាត់វិធានការបង្ការ ដើម្បីសុវត្ថិភាពសាធារណៈ និងចៀសវាងការខូចខាតយ៉ាងធ្ងន់ធ្ងរដល់ទ្រព្យសម្បត្តិ និងធនធានធម្មជាតិ។ (more…)
ភ្នំពេញ៖ សាលារៀនសុវណ្ណភូមិ បានរៀបចំការប្រកួតកីឡា និងប្រឡងសិល្បៈសិស្ស ដណ្តើមពានរង្វាន់ ៣០ឆ្នាំ នៃស្ថាប័នអប់រំ អ៊ិន ធី ស៊ី គ្រុប ប្រកបដោយជោគជ័យដោយបានប្រារព្ធ (more…)
អារ៉ាប៊ីសាអូឌីតកំពុងជំរុញទៅមុខជាមួយនឹងអាកាសយានដ្ឋានថ្មីមួយនៅទីក្រុងម៉ាក្កះ ដែលជាផ្នែកមួយនៃការធ្វើឱ្យប្រសើរឡើងនូវវិស័យដឹកជញ្ជូនកាន់តែទូលំទូលាយ ដែលមានគោលបំណងផ្លាស់ប្តូរបទពិសោធន៍ (more…)
ប្រធានាធិបតីអាមេរិក លោក Donald Trump បានប្រាប់ទីភ្នាក់ងារសារព័ត៌មានរ៉យទ័រកាលពីថ្ងៃពុធ (១ មេសា) ថា សហរដ្ឋអាមេរិកនឹង «ចេញពីអ៊ីរ៉ង់យ៉ាងឆាប់រហ័ស» ហើយអាចនឹងត្រឡប់ទៅវិញសម្រាប់ការ (more…)
អ៊ីស្រាអែល៖ សភាអ៊ីស្រាអែលបានបោះឆ្នោតគាំទ្រឲ្យមានការប្រើប្រាស់ទោសប្រហារជីវិតទៅលើជនជាតិប៉ាឡេស្ទីនណាដែលត្រូវបានតុលាការកាត់ទោសពីបទភេរវកម្ម។ច្បាប់ថ្មីទើបអនុម័តនៅថ្ងៃទី៣០ ខែមីនានេះ (more…)
ប្រទេសប៉ាគីស្ថានបានរៀបចំកិច្ចប្រជុំការទូតដ៏សំខាន់មួយជាមួយលោក Ishaq Dar និងសមភាគីមកពីប្រទេសទួគីយេ អារ៉ាប៊ីសាអូឌីត និងអេហ្ស៊ីប ដើម្បីជំរុញឱ្យមានការបន្ធូរបន្ថយភាពតានតឹងនៅក្នុងជម្លោះដែលកំពុងបន្តពាក់ព័ន្ធនឹងអ៊ីរ៉ង់ និងសហរដ្ឋអាមេរិក។ កិច្ចចរចានៅទីក្រុង Islamabadនៅថ្ងៃអាទិត្យ និងថ្ងៃចន្ទនេះ មានគោលបំណងរៀបចំមូលដ្ឋានសម្រាប់ការចរចាដោយផ្ទាល់ដែលអាចធ្វើទៅបានរវាងភាគីទាំងពីរ។ (more…)