ព័ត៌មានអន្តរជាតិ

នាយករដ្ឋមន្ត្រីថៃ បានប្រកាសដាក់ខេត្តសុងក្លា ក្នុងគ្រាអាសន្ន ខណៈទឹកជំនន់ដែលមិនធ្លាប់មានពីមុនមក បន្តបង្កការខូចខាតយ៉ាងធ្ងន់ធ្ងរ និងគំរាមកំហែងដល់សុវត្ថិភាពសាធារណៈ

Spread the love
នាយករដ្ឋមន្ត្រី លោក អានុទីន ឆានវីរៈគុល បានប្រកាសដាក់ខេត្តសុងក្លា (Songkhla) ក្នុងគ្រាអាសន្ននៅថ្ងៃអង្គារទី២៥ខែវិច្ឆិកាឆ្នាំ២០២៥នេះ ខណៈដែលទឹកជំនន់ដែលមិនធ្លាប់មានពីមុនមក បន្តបង្កការខូចខាតយ៉ាងធ្ងន់ធ្ងរ និងគំរាមកំហែងដល់សុវត្ថិភាពសាធារណៈ។
យោងតាមសារព័ត៍មានថៃ The Nation Thailand បញ្ជាក់ថា ការប្រកាសដែលមានសុពលភាពចាប់ពីថ្ងៃទី២៥ខែវិច្ឆិកាឆ្នាំ២០២៥ ដល់ថ្ងៃទី២៥ខែកុម្ភៈឆ្នាំ២០២៦ ធ្វើឡើងបន្ទាប់ពីមានភ្លៀងធ្លាក់ខ្លាំងជាច្រើនថ្ងៃជាប់ៗគ្នា ដែលបង្កឲ្យមានទឹកជំនន់«ដ៏មហន្តរាយ» នៅតាមស្រុកជាច្រើន។ អាជ្ញាធរបានលើកឡើងថា ស្ថានភាពនេះបានរំខានយ៉ាងខ្លាំងដល់ជីវភាពរស់នៅប្រចាំថ្ងៃ ធ្វើឲ្យប្រជាពលរដ្ឋប្រឈមនឹងគ្រោះថ្នាក់ និងបង្កការខូចខាតយ៉ាងធំធេងដល់ទ្រព្យសម្បត្តិសាធារណៈ និងឯកជន។
រដ្ឋាភិបាលបានប្រកាសថា វិធានការបន្ទាន់គឺចាំបាច់ដើម្បីធានាសុវត្ថិភាពសាធារណៈ រក្សាសណ្តាប់ធ្នាប់ និងពន្លឿនកិច្ចខិតខំប្រឹងប្រែងសង្គ្រោះ និងស្តារឡើងវិញ ដោយកត់សម្គាល់ថា នីតិវិធីរដ្ឋបាលធម្មតាមិនគ្រប់គ្រាន់ដើម្បីដោះស្រាយទំហំនៃគ្រោះមហន្តរាយនេះឡើយ។

នៅក្រោមព្រះរាជក្រឹត្យស្តីពីការគ្រប់គ្រងរដ្ឋបាលក្នុងស្ថានភាពគ្រាអាសន្ន គណៈរដ្ឋមន្ត្រីបានអនុម័តបទបញ្ជានេះ និងបានតែងតាំងអគ្គមេបញ្ជាការកងទ័ព ជាមន្ត្រីទទួលបន្ទុកគ្រប់គ្រង និងសម្របសម្រួលប្រតិបត្តិការសង្គ្រោះបន្ទាន់នៅក្នុងខេត្តសុងក្លា។
រដ្ឋាភិបាលថៃ ក៏បានឲ្យដឹងទៀតថា ខ្លួននឹងបន្តផ្តល់អាទិភាពដល់ជំនួយឆាប់រហ័ស ការកាត់បន្ថយការខូចខាត និងការស្តារឡើងវិញរយៈពេលវែង ខណៈដែលស្ថានភាពទឹកជំនន់នៅតែធ្ងន់ធ្ងរនៅឡើយ៕
គួរបញ្ជាក់ថា អាជ្ញាធរទប់ស្កាត់និងបង្ការគ្រោះមហន្តរាយរបស់ថៃ កាលពីថ្ងៃចន្ទនេះ បានរាយការណ៍ថា គ្រោះមហន្តរាយទឹកជំនន់ កំពុងវាយប្រហារខ្លាំងលើខេត្តសរុបចំនួន១០ នៅភាគខាងត្បូងប្រទេស ប៉ះពាល់ដល់ប្រជាជនសរុបជិត២លាននាក់ ហើយកម្ពស់ទឹក កំពុងបន្តកើនឡើងថែមទៀត។
ក្នុងចំណោមខេត្តភាគខាងត្បូងទាំងនោះរបស់ប្រទេសថៃ ខេត្ត Songkhla បានប្រកាសដាក់ខេត្តទាំងមូល ជាតំបន់គ្រោះមហន្តរាយ ដោយអភិបាលខេត្ត បានបញ្ជាឱ្យជម្លៀសពលរដ្ឋទាំងអស់ ចេញទៅរកកន្លែងមានសុវត្ថិភាព បន្ទាប់ពីស្ថានការណ៍ទឹកជំនន់ នៅស្រុក Hat Yai ព្រមទាំងស្រុកមួយចំនួនទៀតនៃខេត្តនេះ ត្រូវបានរាយការណ៍ថា ឈានដល់កម្រិតធ្ងន់ធ្ងរបំផុត។
camm

Recent Posts

អូស្ត្រាលីហាមឃាត់សមាជិកព្រឹទ្ធសភាស្តាំនិយមម្នាក់មិនឲ្យចូលព្រឹទ្ធសភានិងសភា ដោយសារ តែស្លៀកសម្លៀកបំពាក់មូស្លីមនៅក្នុងព្រឹទ្ធសភាក្នុងយុទ្ធនាការចង់ឲ្យមានច្បាប់ហាមឃាត់មូស្លីមមិន បិទបាំងមុខពេញជាសារធារណៈ

លោកស្រី Pauline Hanson អាយុ ៧១ ឆ្នាំ ដែលគេស្គាល់ថា មេដឹកនាំគណបក្សតូចតាចមួយឈ្មោះ One Nation ដែលប្រឆាំងមូស្លីម និងប្រឆាំងអន្តោប្រវេសន៍ ត្រូវបានចោទប្រកាន់ពីបទធ្វើត្រាប់ដែលគួរឲ្យស្អប់កាលពីថ្ងៃចន្ទ នៅពេលដែលលោកស្រីបានដើរចូលទៅក្នុងព្រឹទ្ធសភាដោយស្លៀកពាក់សម្លៀកបំពាក់ពីក្បាលដល់កជើង ដើម្បីតវ៉ាប្រឆាំងនឹងការបដិសេធរបស់សមាជិកព្រឹទ្ធសភាដទៃទៀតក្នុងការពិចារណាលើសេចក្តីព្រាងច្បាប់របស់លោកស្រី…

32 minutes ago

គណៈដឹកនាំជាន់ខ្ពស់នៃសាសនាឥស្លាមកម្ពុជា បានរៀបចំពិធីប្រគល់សញ្ញាបត្របឋមសិក្សាឥស្លាម ជូនដល់សិស្សជ័យលាភី ចំនួន ៥០០នាក់ ក្នុងឆ្នាំសិក្សា ២០២៤ ២០២៥ និងភូឈួយទី១ នៅសណ្ឋាគាភ្នំពេញ

គណៈដឹកនាំជាន់ខ្ពស់នៃសាសនាឥស្លាមកម្ពុជា បានរៀបចំពិធីប្រគល់សញ្ញាបត្របឋមសិក្សាឥស្លាម ជូនដល់សិស្សជ័យលាភី ចំនួន ៥០០នាក់ ក្នុងឆ្នាំសិក្សា (more…)

1 day ago

អគាសិក្សាសាលាបឋមសិក្សាដែលជាអំណោយដ៏ថ្លៃថ្លារបស់សម្តេចធិបតី ហ៊ុន ម៉ាណែតនិង លោកជំទាវ បណ្ឌិតត្រូវបានបញ្ចុះបឋមសិលាសាងសង់ក្រោមអធិបតីភាភាពឯកឧត្តមឡា ឡៃ តំណាង រដ្ឋមន្រ្តីក្រសួងធម្មការនិងសាសនា

តាកែវ៖ នាព្រឹកថ្ងៃទី២២ ខែវិច្ឆិកា ឆ្នាំ២០២៥នេះឯកឧត្តមឡាឡៃ រដ្ឋលេខាធិការ និងជាតំណាងដ៌ខ្ពង់ខ្ពស់ឯកឧត្តមបណ្ឌិត ចាយ បូរិនរដ្ឋមន្រ្តីក្រសួងធម្ម (more…)

4 days ago

ឯកឧត្តមបណ្ឌិត ហ៊ឺ វីរៈ អ្នកតំណាងរាស្ត្រមណ្ឌលកំពង់ឆ្នាំង អញ្ជើញដោះស្រាយ​បញ្ហា​ទំនាស់​ដីធ្លី​ ដែល​ជា​ស្រះទឹក​សហគមន៍​ របស់​បងប្អូន​ខ្មែរ​ឥស្លាម​ នៅស្រុក​កំពង់ត្រឡាច​ ខេត្តកំពង់ឆ្នាំង

នាព្រឹក​ថ្ងៃសុក្រ ១កើត ខែមិគសិរ ឆ្នាំម្សាញ់​ សប្តស័ក ព.ស.២៥៦៩​ ត្រូវ​នឹងថ្ងៃទី២១ ខែវិច្ឆិកា ឆ្នាំ២០២៥​ ឯកឧត្តមបណ្ឌិត ហ៊ឺ វីរៈ អ្នកតំណាងរាស្ត្រមណ្ឌលកំពង់ឆ្នាំង រួម​ជាមួយ​ក្រុមការងារ​ បានអញ្ជេីញ​ដោះស្រាយ​ទំនាស់​ដីធ្លី​…

4 days ago

កូនឈ្លោះគ្នាដុតផ្ទះបង្កជាអគ្គិភ័យធ្វើឲ្យស្ត្រីរម្នាក់បានបាត់បង់ជីវិត បុរសម្នាក់រងរបួសធ្ងន់ និងផ្ទះប្រជាពលរដ្ឋជាង១០ខ្នង ត្រូវបានបំផ្លាញ ក្នុងអគ្គិភ័យឆាបឆេះកាលពីយប់មិញ

ភ្នំពេញ៖ ផ្ទះប្រជាពលរដ្ឋ មួយកន្លែង ត្រូវបានអគ្គិភ័យឆាបឆេះយ៉ាងសន្ធោសន្ធៅ នៅវេលាម៉ោង ៨និង៥០នាទីយប់ ថ្ងៃទី២១ ខែវិច្ឆិកា ឆ្នាំ២០២៥ ស្ថិតនៅចំណុចផ្លូវលំ ភូមិរលួស សង្កាត់ជើងឯក ខណ្ឌដង្កោ រាជធានី (more…)

4 days ago

លោក ដូណាល់ត្រាំ ថាសហរដ្ឋអាមេរិកនឹងធ្វើការដើម្បីបញ្ចប់សង្រ្គាមស៊ូដង់ តាមសំណើរបស់អារ៉ាប៊ីសាអូឌីត

ប្រធានាធិបតីអាមេរិក លោក ដូណាល់​ ត្រាំ បាននិយាយថាសហរដ្ឋអាមេរិកនឹងធ្វើការដើម្បីជួយបញ្ចប់សង្រ្គាមនៅស៊ូដង់ បន្ទាប់ពីព្រះអង្គម្ចាស់ មហាំម៉ាត់ ប៊ីនសាលម៉ាននាយករដ្ឋមន្រ្តីអារ៉ាប៊ីសាអូឌីត បានស្នើសុំឱ្យរូបលោកធ្វើអន្តរាគមន៍។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។ (more…)

6 days ago