តង់ជាង១០០០នៅក្នុងជំរុំរបស់មូស្លីមរ៉ូហ៊ីងយ៉ានៃប្រទេសបង់ក្លាដេស ត្រូវបានអគ្គីភ័យឆាបឆេះទាំងស្រុង ខណៈមនុស្សជាច្រើនពាន់នាក់ត្រូវគ្មានផ្ទះសម្បែងស្របពេលស្ថិតក្នុងរដូវរងាដ៏ត្រជាក់

បង់ក្លាដេស៖ លោក Atish Chakma ជំនួយការនាយករងសេវាកម្មពន្លត់អគ្គីភ័យ Cox’s Bazar បានឱ្យដឹងថា តង់ និងជម្រកជនភៀសខ្លួនរបស់មូស្លីមរ៉ូហ៊ីងយ៉ានៃប្រទេសបង់ក្លាដេសយ៉ាងហោចណាស់ 1,040 ត្រូវបានដុតបំផ្លាញទាំងស្រុង ដែលបណ្តាលឱ្យជនមូស្លីមរ៉ូហ៊ីងយ៉ាជាច្រើនពាន់នាក់ត្រូវគ្មានជម្រកស្របពេលកំពុងស្ថិតក្នុងរដូវរងាដ៏ត្រជាក់ដូចគ្នា ជាពិសេសទ្រព្យសម្បត្តិ និតតង់ទាំងអស់ត្រូវបានខូចខាតទាំងស្រុង។ ហើយចំពោះអគ្គីភ័យខាងលើនេះមិនទាន់ដឹងមូលហេតុច្បាស់លាស់នោះទេ ខណៈសមត្ថកិច្ចកំពុងពិនិត្យបន្ថែម តែទោះជាយ៉ាងណាក៏គ្មាននរណាម្នាក់រងរបួសនោះឡើយ។ នេះបើយោងតាមការចុះផ្សាយដោយសារព័ត៌មាន TRT WORLD នៅថ្ងៃទី០៨ ខែមករា ឆ្នាំ២០២៤។