ព័ត៌មានជាតិ

ចាងហ្វាងនៃគណៈដឹកនាំជាន់ខ្ពស់នៃសាសនាឥស្លាមកម្ពុជា ថ្លែងអំណរគុណសម្តេចតេជោ ហ៊ុន សែន ដែលបានយកចិត្តដាក់លើរូបលោក ក៏ដូចជាសាសនិកឥស្លាមទូទាំងប្រទេស លើកិច្ចការសាសនានិងការងារសង្គម

Spread the love

ភ្នំពេញ៖ អ្នកឧកញ៉ា សុះ កំរី ចាងហ្វាងនៃគណៈដឹកនាំជាន់ខ្ពស់នៃសាសនាឥស្លាមកម្ពុជា បានសម្តែងអំណរគុណសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែលបានយកចិត្តទុកដាក់ដល់សាសនិកឥស្លាមទូទាំងប្រទេស ទាំងលើកិច្ចការងារសាសនា និងការងារសង្គម ជាពិសេស អរគុណសម្តេចតេជោ ដែលបានផ្ញើសារលិខិតទូលថ្វាយព្រះមហាក្សត្រនៃព្រះរាជាណាចក្រកម្ពុជា ស្នើសុំគោរមងារជា “អ្នកឧកញ៉ា”។ នេះបើតាមលិខិតរបស់អ្នកឧកញ៉ាគោរពជូនសម្តេចតេជោ ហ៊ុន សែន ចុះថ្ងៃទី៦ ខែឧសភា ឆ្នាំ២០២៣ និងត្រូវបានបង្ហោះផ្សាយលើហ្វេសប៊ុកផេកផ្លូវការរបស់លោក នាថ្ងៃទី៩ ខែឧសភា។

នៅក្នុងលិខិតនោះ អ្នកឧកញ៉ា សុះ កំរី បានសរសេរយ៉ាងដូច្នេះថា៖ “ក្នុងនាមចាងហ្វាងនៃគណៈដឹកនាំជាន់ខ្ពស់នៃសាសនាឥស្លាមកម្ពុជា ថ្នាក់ដឹកនាំគ្រប់ជាន់ថ្នាក់ និងក្នុងនាមខ្លួនលោកផ្ទាល់ សូមគោរពថ្លែងអំណរគុណយ៉ាងជ្រាលជ្រៅបំផុតចំពោះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែលតែងតែផ្តល់ការយកចិត្តទុកដាក់ដល់រូបលោក និងសាសនិកឥស្លាមទូទាំងប្រទេស ទាំងលើកិច្ចការងារសាសនា និងការងារសង្គមជាតិ។”

នៅក្នុងលិខិតដដែល អ្នកឧកញ៉ា សុះ កំរី បានបន្តថា “ជាពិសេស អរគុណសម្តេចតេជោ ដែលបានផ្តល់អនុសាសន៍ដ៏ខ្ពង់ខ្ពស់បំផុត និងបានបានផ្ញើសារលិខិតទូលថ្វាយព្រះមហាក្សត្រនៃព្រះរាជាណាចក្រកម្ពុជា ស្នើសុំការប្រោសព្រះរាជទានគោរមងារជា “អ្នកឧកញ៉ា” ដល់រូបលោក។”

កាលពីពេលថ្មីៗកន្លងទៅ លោកឧកញ៉ា សុះ កំរី ត្រូវបានព្រះមហាក្សត្រនៃព្រះរាជាណាចក្រកម្ពុជា ត្រាស់បង្គាប់ផ្តល់គោរមងារជា “អ្នកឧកញ៉ា” តាមសេចក្តីក្រាបបង្គំទូលថ្វាយរបស់ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។

នាឱកាសទទួលបានផ្តល់គោរមងារថ្មីនេះ ប្រជាពលរដ្ឋនិងថ្នាក់ដឹកនាំនៃសហគមន៍ខ្មែរឥស្លាមយ៉ាងច្រើនបានសម្តែងការសាទរ និងក្តីរីករាយជាទីមោទនៈ ជូនចំពោះ អ្នកឧកញ៉ា សុះ កំរី ចាងហ្វាងនៃគណៈដឹកនាំជាន់ខ្ពស់នៃសាសនាឥស្លាមកម្ពុជា។

នៅក្នុងសារលិខិតអបអររបស់ប្រជាពលរដ្ឋនិងថ្នាក់ដឹកនាំនៃសហគមន៍ខ្មែរឥស្លាម ទៅចំពោះ អ្នកឧកញ៉ា សុះ កំរី សុទ្ធតែបានសម្តែងនូវមនោសញ្ចេតនាកោតសរសើរចំពោះអ្នកឧកញ៉ា ដែលជានិច្ចកាលតែងតែយកអស់កម្លាំងកាយចិត្ត និងប្រាជ្ញាស្មារតី ពុះពារ ជម្នះឧបសគ្គគ្រប់បែបយ៉ាង ដើម្បីរួមចំណែកក្នុងការដឹកនាំវិស័យសាសនានៅកម្ពុជាអោយមានការរីកចម្រើន និងផ្តល់ជំនឿយ៉ាងម៉ុតមាំជូនដល់បងប្អូនប្រជាពលរដ្ឋខ្មែរឥស្លាម អោយចូលរួមចំណែកថែរក្សាសន្តិភាព ស្ថិរភាពក្នុងសង្គមជាតិ។ ជាពិសេស រួមចំណែកអភិវឌ្ឍប្រទេសជាតិ តាមរយៈការកសាងនូវសមិទ្ធផលជាច្រើនគួរជាទីមោទនៈ៕

camm

Share
Published by
camm

Recent Posts

សិស្សានុសិស្សសាលារៀនសុវណ្ណភូមិ 762នាក់ ទទួលវិញ្ញាបនបត្រគុណវុឌ្ឍិភាសាអង់គ្លេសខេមប្រ៊ីជ ខណៈដែលសាលារៀនសុវណ្ណភូមិទទួលត្រូវបានទទួលស្គាល់ជាមជ្ឈមណ្ឌលត្រៀមប្រលងcambridgeកម្រិតមាស ដំបូងគេនៅកម្ពុជា

សិស្សានុសិស្សជ័យលាភីចំនួន ៧៦២នាក់ មកពីទូទាំងព្រះរាជាណាចក្រកម្ពុជា បានទទួលវិញ្ញាបនបត្រគុណវុឌ្ឍិភាសាអង់គ្លេសខេមប្រ៊ីជ (Cambridge English) ពីសាលារៀនសុវណ្ណភូមិ ក្នុងពិធីដ៏អធិកអធម ដែល (more…)

1 day ago

ឯកឧត្តម ស៊ីយ៉េដ យូសាហ្វ រ៉ាសា ហ្គីឡានី (Syed Yusuf Raza Gillani) ប្រធានព្រឹទ្ធសភា នៃសាធារណរដ្ឋឥស្លាមប៉ាគីស្ថានបានអញ្ជើញមកដល់ព្រះរាជាណាចក្រកម្ពុជា ក្នុងឱកាសបំពេញទស្សនកិច្ចផ្លូវការ ចាប់ពីថ្ងៃទី២ ដល់ថ្ងៃទី៥ ខែកុម្ភៈ ឆ្នាំ២០២៦

នាព្រឹកថ្ងៃទី២ ខែកុម្ភៈ ឆ្នាំ២០២៦ នៅអាកាសយានដ្ឋានអន្តរជាតិតេជោ ឯកឧត្តមបណ្ឌិត ធន់ វឌ្ឍនា អនុប្រធានទី២ ព្រឹទ្ធសភា បានអញ្ជើញទទួលបដិសណ្ឋារកិច្ចស្វាគមន៍ឯកឧត្តម ស៊ីយ៉េដ យូសាហ្វ រ៉ាសា ហ្គីឡានី (more…)

1 day ago

យោធាអ៊ីស្រាអែលទើបចេញមុខទទួលស្គាល់ លើទិន្នន័យអ្នកស្លាប់ក្នុងសង្គ្រាមនៅហ្គាហ្សាថាក្នុងរង្វង់៧ម៉ឺននាក់ដែលពីមុនធ្លាប់តែដិសេធ

ក្រោយបដិសេធទិន្នន័យអ្នកស្លាប់របស់អាជ្ញាធរប៉ាឡេស្ទីន យោធាអ៊ីស្រាអែលបានចេញមុខបញ្ជាក់នៅថ្ងៃទី៣០ ខែមករា លើទិន្នន័យអ្នកស្លាប់ក្នុងសង្គ្រាមនៅតំបន់កាហ្សា។យោងតាមការបញ្ជាក់របស់មន្ត្រីយោធាជាន់ខ្ពស់របស់អ៊ីស្រាអែលទៅសារព័ត៌មាន Ynet ចំនួនមនុស្សស្លាប់ក្នុងសង្គ្រាមនៅតំបន់ហ្គាហ្សាគឺក្នុងរង្វង់៧ម៉ឺននាក់។ (more…)

1 day ago

ស្ថាប័នអប់រំ អ៊ិនធីស៊ីគ្រុប(NTC Group)ដែលមានបុត្រសម្ព័ន្ធស្ថាប័នអប់រំចំនួន ៥ រៀបចំ ប្រជុំបូកសរុបការងារ ឆ្នាំ២០២៥ និងលើកទិសដៅបន្ត ឆ្នាំ២០២៦របស់ខ្លួន

ស្ថាប័នអប់រំ អ៊ិនធីស៊ីគ្រុប(NTC Group) ដែលមានបុត្រសម្ព័ន្ធស្ថាប័នអប់រំចំនួន៥ រួមមាន៖ សាលាកុមារប៉ាស៊ីហ្វិក, សាលាអន្តរជាតិ អាមេរិកាំងប៉ាស៊ីហ្វិក, សាលាសុវណ្ណភូមិ, សាលាអ៊ិស វ៉េស និង NTC Exam Centre…

2 days ago

រដ្ឋមន្ត្រីក្រសួងការពារជាតិអារ៉ាប៊ីសាអូឌីតជួបជាមួយមន្ត្រីជាន់ខ្ពស់អាមេរិក នៅទីក្រុងវ៉ាស៊ីនតោន

រដ្ឋមន្ត្រីក្រសួងការពារជាតិអារ៉ាប៊ីសាអូឌីត ព្រះអង្គម្ចាស់ Khalid bin Salman បានជួបជាមួយមន្ត្រីជាន់ខ្ពស់អាមេរិកនៅថ្ងៃព្រហស្បតិ៍ទី២៩ ខែមករាឆ្នាំ២០២៦ ខណៈដែលព្រះអង្គយាងបំពេញទស្សនកិច្ចជាផ្លូវការនៅទីក្រុងវ៉ាស៊ីនតោន។ (more…)

4 days ago

កម្ពុជាបណ្ដេញចេញជនជាតិមីយ៉ាន់ម៉ា៧២៩នាក់ តាមយន្តហោះពិសេស ពាក់ព័ន្ធការឆបោកតាមអនឡាញ និងគ្មានលិខិតឆ្លងដែន

ភ្នំពេញ៖ នៅយប់ថ្ងៃទី២៣ ដល់ថ្ងៃទី២៦ ខែមករា ឆ្នាំ២០២៦ សមត្ថកិច្ច បានបណ្តេញជនជាតិមីយ៉ាន់ម៉ា សរុបចំនួន ៧២៩នាក់ (ស្រី២១៧នាក់) ចេញពីប្រទេសកម្ពុជា តាមរយៈយន្តហោះពិសេស ពាក់ព័ន្ធករណីលួចស្នាក់នៅធ្វើការងារខុសច្បាប់ និងគ្មានលិខិតឆ្លងដែន (online…

4 days ago