ព័ត៌មានជាតិ

គណៈដឹកនាំជាន់ខ្ពស់នៃសាសនាឥស្លាមកម្ពុជា រៀបចំពិធីប្រគល់សញ្ញាបត្រមធ្យមសិក្សាទុតិយភូមិឥស្លាមកម្ពុជា ជូនដល់សិស្សានុសិស្សដែលបានប្រឡងជាប់ ឆ្នាំសិក្សា២០២១-២០២២

Spread the love

ភ្នំពេញ៖ គណៈដឹកនាំជាន់ខ្ពស់នៃសាសនាឥស្លាមកម្ពុជា នៅថ្ងៃទី១៣ ខែមិថុនា ឆ្នាំ២០២៣ ស្ថិតនៅវិហារធំគីឡូម៉ែត្រលេខ៩ ក្នុងភូមិ៣ សង្កាត់ច្រាំងចំរេះទី១ ខណ្ឌឫស្សីកែវ រាជធានីភ្នំពេញ រៀបចំពិធីប្រគល់សញ្ញាបត្រមធ្យមសិក្សាទុតិយភូមិឥស្លាមកម្ពុជា ជូនដល់សិស្សានុសិស្សដែលបានប្រឡងជាប់ ឆ្នាំសិក្សា២០២១-២០២២។

ពិធីនេះ បានរៀបចំធ្វើឡើងក្រោមអធិបតីភាព អ្នកឧកញ៉ា សុះ កំរ៉ី ចាងហ្វាងនៃគណៈដឹកនាំជាន់ខ្ពស់នៃសាសនាឥស្លាមកម្ពុជា និងមានការចូលរួមផងដែរពីសំណាក់ ឯកឧត្តម លោកជំទាវ ដែលជាតំណាងរាស្ត្រ, ឯកឧត្តមរដ្ឋលេខាធិការ អនុរដ្ឋលេខាធិការ, លោកអភិបាលខណ្ឌ គណៈអ៊ីម៉ាំរាជធានីខេត្ត នាយកសាលា គ្រូបង្រៀន អាណាព្យាបាលសិស្ស និងសិស្សានុសិស្ស សរុបជាង៤៥០នាក់។

យោងតាមរបាយការណ៍ពី លោក ស៊ីម ម៉ាត់ទោត សមាជិកគណៈដឹកនាំជាន់ខ្ពស់នៃសាសនាឥស្លាមកម្ពុជា និងជាប្រធានគណៈកម្មការប្រឡងមធ្យមសិក្សាទុតិយភូមិឥស្លាមកម្ពុជា បានអោយដឹងថា នៅក្នុងឆ្នាំសិក្សា ២០២១-២០២២ មានបេក្ខជនចុះឈ្មោះប្រឡងសរុប ៧៦នាក់ (ស្រី ៤៣នាក់) ដែលមកពីសាលាចំនួន៣។ ចំនួនសិស្សប្រឡងជាប់សរុប ៦៤នាក់ (ស្រី ៣៩នាក់) ដែលស្មើនឹងចំនួន ៨២.២១%។ ដោយក្នុងនោះ សិស្សទទួលបាននិទ្ទេសដូចខាងក្រោម៖ ល្អប្រសើរ ចំនួន ១៨នាក់ (ស្រី ១៦នាក់), ល្អណាស់ ចំនួន ១៤នាក់ (ស្រី ៩នាក់), ល្អ ចំនួន ១២នាក់ (ស្រី ៦នាក់),
មធ្យម ចំនួន ២០នាក់ (ស្រី ៨នាក់)។

ការប្រឡងសញ្ញាបត្រមធ្យមសិក្សាទុតិយភូមិឥស្លាម បានរៀបចំធ្វើឡើងតាំងពីឆ្នាំ២០១៦ មកម៉្លេះ ដោយរាជរដ្ឋាភិបាលកម្ពុជា តំណាងដោយក្រសួងធម្មការ និងសាសនា ដែលមានគណៈដឹកនាំជាន់ខ្ពស់នៃសាសនាឥស្លាមកម្ពុជា ជាអ្នកសម្របសម្រួលការងារ និងរាជរដ្ឋាភិបាលម៉ាឡេស៊ី តំណាងដោយក្រសួងអប់រំរបស់ម៉ាឡេស៊ី ដើម្បីបើកមជ្ឈមណ្ឌលសម្រាប់ការប្រឡងសញ្ញាបត្រជាន់ខ្ពស់ម៉ាឡេស៊ី ផ្នែកសិក្សាសាសនាឥស្លាម ហៅកាត់ថា ការប្រឡង STAM ។

ជាមួយគ្នានេះ ឯកឧត្តម សុះ ហ្វាស៊ី អនុរដ្ឋលេខាធិការក្រសួងអប់រំ យុវជន និងកីឡា តំណាងឯកឧត្តម ណុះ ស្លេះ រដ្ឋលេខាធិការក្រសួងអប់រំ យុវជន និងកីឡា ក្នុងនាមថ្នាក់ដឹកនាំនៃក្រសួងអប់រំ យុវជន និងកីឡា បានវាយតម្លៃខ្ពស់ចំពោះកិច្ចខិតខំប្រឹងប្រែងរបស់ថ្នាក់ដឹកនាំនៃសាសនាឥស្លាមកម្ពុជា ដែលបានយកចិត្តទុកដាក់បណ្តុះបណ្តាលធនធានមនុស្ស និងបានធ្វើអោយវិស័យអប់រំផ្នែកសាសនា ដើរទន្ទឹមនឹងវិស័យអប់រំចំណេះដឹងទូទៅ ដែលជាការចូលរួមចំណែកមួយក្នុងការបណ្តុះបណ្តាលធនធានមនុស្សនៃក្រសួងអប់រំ ស្របតាមគោលនយោបាយដ៏ត្រឹមត្រូវរបស់រាជរដ្ឋាភិបាលកម្ពុជាផងដែរ។

ឯកឧត្តម បានមានប្រសាសន៍ថា ថ្វីត្បិតវិស័យអប់រំផ្នែកសាសនា ជាវិស័យមួយដាច់ដោយឡែក ប៉ុន្តែក៏នៅតែស្ថិតក្នុងរង្វង់នៃការអប់រំ ដែលត្រូវបានទទួលស្គាល់ដោយក្រសួងអប់រំ។ ដូចនេះ មិនថាការសិក្សាលើចំណេះដឹងទូទៅ ឬក៏សិក្សាលើផ្នែកសាសនានោះទេ គឺសុទ្ធតែមានសារៈសំខាន់ ដើម្បីចូលរួមលើកស្ទួយសង្គមជាតិអោយមានការរីកចម្រើន។

ដោយឡែក អ្នកឧកញ៉ា សុះ កំរ៉ី ចាងហ្វាងនៃគណៈដឹកនាំជាន់ខ្ពស់នៃសាសនាឥស្លាមកម្ពុជា បានចូលរួមសម្តែងការសាទរ និងអបអរ ដល់សិស្សានុសិស្សជ័យលាភីទាំង ៦៤នាក់ ដែលបានបញ្ចប់ការសិក្សាប្រកបដោយជោគជ័យក្នុងថ្ងៃនេះ។

អ្នកឧកញ៉ា សុះ កំរ៉ី ក៏បានវាយតម្លៃខ្ពស់ចំពោះថ្នាក់ដឹកនាំគណៈដឹកនាំជាន់ខ្ពស់នៃសាសនាឥស្លាមកម្ពុជា ថ្នាក់ដឹកនាំសាលារៀន លោកគ្រូ អ្នកគ្រូ និងបុគ្គលិក ដែលខិតខំប្រឹងប្រែងក្នុងការចូលរួមបណ្តុះបណ្តាលសិស្សានុសិស្សរហូតទទួលបានជោគជ័យ ដើម្បីក្លាយជាធនធានមនុស្ស ប្រកបដោយសមត្ថភាពខ្ពស់។

គួរជម្រាបថា គិតត្រឹមឆ្នាំ២០២២ សម្រាប់វិស័យអប់រំសហគមន៍ឥស្លាមកម្ពុជា ក្រោមការគ្រប់គ្រងផ្ទាល់ពី គណៈដឹកនាំជាន់ខ្ពស់នៃសាសនាឥស្លាមកម្ពុជា មានសាលាសរុបចំនួន ៧៨៦ខ្នង ស្មើនឹង ២១២៤បន្ទប់, ដែលក្នុងនោះ បង្រៀនតាមសាលាមានចំនួន ៥៤២សាលា, បង្រៀនតាមស៊ូរ៉ាវចំនួន ១៣៦, បង្រៀនតាមវិហារឥស្លាមចំនួន ៤៤ និងបង្រៀនតាមខ្នងផ្ទះចំនួន ២៩កន្លែង។ ដែលមានសិស្សគ្រប់កម្រិតសិក្សាសរុបចំនួន ៤៩.៥១០នាក់ (ស្រី ២៥.៦៤៨នាក់)៕

camm

Recent Posts

ប្រជាពលរដ្ឋរងគ្រោះដោយអគ្គិភ័យឆេះផ្ទះ ចំនួន៣គ្រួសារ នៅភូមិកៀនរមៀត ស្រុកត្បូងឃ្មុំ ខេត្តត្បូងឃ្មុំ ទទួលបានអំណោយជាថវិកា និងគ្រឿងឧបភោគបរិភោគមួយចំនួនទៀត ពីថ្នាក់ដឹកនាំខ្មែរឥស្លាម

ឯកឧត្តម ម៉ូត យូសុះ តំណាងរាស្ត្រមណ្ឌលខេត្តត្បូងឃ្មុំ និងជាអ៊ីម៉ាំខេត្ត អមដំណើរដោយអភិបាលរងខេត្ត និងសមាជិកក្រុមប្រឹក្សាខេត្ត នៅថ្ងៃទី១៩ ខែមិថុនា ឆ្នាំ២០២៥ បានចុះសួរសុខទុក្ខ និងនាំយកថវិកា ព្រម (more…)

1 week ago

Cambodia’s lawsuit in border dispute with Thailand has reached the International Court of Justice

Cambodia’s lawsuit over the border dispute with Thailand has reached the International Court of Justice…

1 week ago

Migrant workers returning from Thailand glad to have opportunities to work in Cambodia

An immigration officer greets returnees from Thailand at the O’Smach International Checkpoint in Oddar Meanchey…

1 week ago

Som Dech Hun Sen: Thailand wrong to drag trade and transit into Border Dispute

Goods lorries backed up at he Cambodia-Thailand border crossing in Battambang province on the 13th…

1 week ago

Royal Cambodian Armed Forces ready to defend the nation

Cambodian Deputy Prime Minister and Minister of National Defence General Tea Seiha said that the…

1 week ago

Many to lead Solidarity March in support of frontline forces

Deputy Prime Minister Hun Many will lead a march tomorrow morning to show support for…

1 week ago