ភ្នំពេញ៖ ពិធីសូត្រគម្ពីរគួរអានថ្នាក់ជាតិត្រូវបានរាជរដ្ឋាភិបាលកម្ពុជាអនុញ្ញាតជាគោលការណ៍ជូនក្រសួងធម្មការនិងសាសនាសហការជាមួយគណៈដឹកនាំជាន់ខ្ពស់នៃសាសនាឥស្លាមកម្ពុជាដើម្បីប្រារព្ធធ្វើឡើងជារៀងរាល់ឆ្នាំដើម្បីជ្រើសរើសបេក្ខជនករីនិងបេក្ខនារីករីអះជ័យលាភីតំណាងប្រទេសកម្ពុជាសម្រាប់ចូលរួមប្រកួតជាលក្ខណៈអន្តរជាតិនៅតាមបណ្តាប្រទេសនានា ដោយឡែកនៅក្នុងឆ្នាំ២០២៣នេះ កម្មវិធីប្រកួតប្រជែងប្រលងសូត្រគម្ពីរអាល់គួរអានុលការីមថ្នាក់ជាតិលើកទី៣០ និងសូត្រចាំមាត់លើកទី៤ ឆ្នាំ២០២៣នេះ គ្រោងនិងធ្វើឡើងចំនួនពីរថ្ងៃចាប់ពីថ្ងៃទីទី២០-២១ ខែឧសភា នៅវិហារធំគីឡូម៉ែត្រលេខ៩ ភូមិ៣ សង្កាត់ច្រាំងចំរេះ១ ខណ្ឌឬស្សីកែវ រាជធានីភ្នំពេញ។
ថ្លែងប្រាប់ទូរទស្សន៍មូស្លីមកម្ពុជានៅថ្ងៃទី២ ខែឧសភា ឆ្នាំ២០២៣ ឯកឧត្តម យូប អាស្ការី រដ្ឋលេខាធិការក្រសួងធម្មការនិងសាសបានឱ្យដឹងថា កម្មវិធីប្រកួតប្រជែងប្រលងសូត្រគម្ពីរអាល់គួរអានុលការីមថ្នាក់ជាតិលើកទី៣០ និងសូត្រចាំមាត់លើកទី៤ ឆ្នាំ២០២៣នេះ ក្រោមប្រធានបទ សាសនាឥស្លាមប្រយុទ្ធប្រឆាំងជូញដូរមនុស្សនិងទាសភាពសម័យទំនើប ដោយនៅក្នុងនោះនិងមានការចូលរួមពីបេក្ខជនបេក្ខនារីចំនួន២៥រាជធានីខេត្ត ដោយពួកគេត្រូវជ្រើសរើសដោយធ្វើការប្រលងតាមខេត្តរៀងៗខ្លួនជាមុនសិន ដើម្បីមានឲកាសមកប្រលងថ្នាក់ជាតិតំណាងខេត្តរបស់ខ្លួនបាននៅពេលខាងមុខនេះ ដើម្បីយើងសម្រិតសម្រាំងយកម្ចាស់ជ័យលាភីឆ្នើមទាំងបេក្ខជននិងបេក្ខនារីក្នុងការចូលរួមជាលក្ខណៈអន្តរជាតិនៅប្រទេសម៉ាឡេស៊ីខាងមុខនេះ។
ឯកឧត្តមបានបន្តថា គោលបំណងសំខាន់នៅក្នុងការរៀបចំប្រលងសូត្រគម្ពីរគួរអាននេះគឺយើងចង់ឃើញបងប្អូនមូស្លីមកម្ពុជាខិតខំយកចិត្តទុកដាក់ខ្ពស់ជាមួយការសូត្រនូវគម្ពីរដ៏ពិសិដ្ឋ ជំរុញឱ្យមានការសូត្រគម្ពីរគួរអានអោយបានច្រើនពីសំណាក់កូនចៅជំនាន់ក្រោយ ទាំងការប្រើប្រាស់សំឡេង និងរបៀបសូត្យអោយបានត្រឹមត្រូវ ជាពិសេសដើម្បីជ្រើសរើសបេក្ខជនបេក្ខនារីឆ្នើមតំណាងអោយប្រទេសកម្ពុជាទៅចូលរួមប្រកួតមិត្តភាពជាមួយបណ្តាប្រទេសឥស្លាមជាច្រើននៅលើពិភពលោកជាលក្ខណៈអន្តរជាតិផងដែរ។
គួរជម្រាបថា គណៈដឹកនាំជាន់ខ្ពស់នៃសាសនាឥស្លាមកម្ពុជាបានរៀបចំការប្រកួតប្រជែងប្រលងសូត្រគម្ពីរអាល់គួរអានុលការីមថ្នាក់ជាតិនេះជារៀងរាល់ឆ្នាំផងដែរ តែដោយសារជំងឺរាតត្បាតកូវីដ១៩បានធ្វើឱ្យខកខានចំនួនពីរឆ្នាំគឺឆ្នាំ២០២០និង២០២១ ។ ដោយឡែកនៅឆ្នាំ២០២៣នេះបេក្ខភាពជ័យលាភីតំណាងប្រទេសកម្ពុជាគ្រោងនិងបញ្ជូនទៅប្រកួតនៅក្នុងទីក្រុងកូឡាឡាំពួរ ប្រទេសម៉ាឡេស៊ីចាប់ពីថ្ងៃទី៧ដល់ថ្ងៃ១២ ខែសីហា ដែលមានប្រទេសជាង៨០ចូលរួមផងដែរ។
The AOT team inspects damage caused by Thai military attacks on Cambodian territory at O’Smach…
Prak Sokhonn, Deputy Prime Minister, Minister of Foreign Affairs and International Cooperation, received a farewell…
មនុស្សយ៉ាងហោចណាស់១៤នាក់បានបាត់បង់ជីវិត និង១៨នាក់ផ្សេងទៀតបានរងរបួស បន្ទាប់ពីទឹកជំនន់បានវាយប្រហារស្រុក Sitaro Islands ក្នុងខេត្តស៊ូឡាវេស៊ីភាគខាងជើង (North Sulawesi) នៃប្រទេសឥណ្ឌូណេស៊ី កាលពីព្រឹកថ្ងៃចន្ទទី៥ខែមករា។ ប្រភពពីNews Straight Times ឲ្យដឹងថា គ្រោះមហន្តរាយ…
ឯកឧត្ដម ឃួង ស្រេង អភិបាលរាជធានីភ្នំពេញ និងជាប្រធានគណៈបញ្ជាការឯកភាពរាជធានីភ្នំពេញ បានណែនាំឱ្យកម្លាំងមានសមត្ថកិច្ច នគរបាល កងរាជអាវុធហត្ថ និងអាជ្ញាធរខណ្ឌទាំង១៤ ត្រូវប្រយុទ្ធប្រឆាំង (more…)
សារព័ត៌មាន Arab News បានរាយការណ៍កាលពីថ្ងៃសៅរ៍ថា ក្រុមប្រឹក្សាសន្តិសុខអង្គការសហប្រជាជាតិនឹងបើកកិច្ចប្រជុំនៅថ្ងៃចន្ទ ទី៥ ខែមករា ឆ្នាំ២០២៦ ដើម្បីពិភាក្សាអំពីការវាយប្រហាររបស់សហរដ្ឋអាមេរិកលើ (more…)
ម៉ាឡេស៊ី៖ នាយករដ្ឋមន្រ្តីម៉ាឡេស៊ី លោកអាន់វ៉ា អ៊ីប្រាហ៊ីម នៅថ្ងៃ០៤ មករា នេះបានបង្ហោះសារក្នុងបណ្ដាញសង្គមហ្វេកប៊ុករបស់លោកដោយធ្វើការថ្កោលទោសយ៉ាងខ្លាំង ចំពោះប្រតិបត្តការយោធាសហរដ្ឋអាម៉េរិក (more…)