ប៉ាគីស្ថាន៖ អតីតអ្នកកាន់សាសនាហិណ្ឌូមួយរូប លោក Deen Mohammad Shaikh កើតនៅឆ្នាំ 1942 ក្នុងគ្រួសារហិណ្ឌូ ហើយបានប្តូរមកកាន់សាសនាឥស្លាមនៅឆ្នាំ 1989 ក្រោយពីលោកបានប្តូរមកសាសនាឥស្លាមរួចហើយ គាត់បានក្លាយជាបេសកជនមូស្លីមដោយបានចូលរួមផ្សព្វផ្សាយនូវសាសនាឥស្លាមយ៉ាងសកម្មចាប់ផ្តើមពីភូមិដ៏តូចមួយរហូតធ្វើឱ្យរូបលោកមានភាពល្បីល្បាញនៅលើពិភពលោកជាមួយភាពបិុនប្រសព្វនិងទេព្យកោសល្យដ៏ឈ្លាសវៃរបស់ខ្លួនដែលអាចទាក់ទាញមនុស្សឱ្យប្តូរមកកាន់សាសនាឥស្លាមពី108000 ទៅ 110.000នាក់ មុនពេលគាត់បានបាត់បង់ជីវិត។
បើតាមទិន្នន័យជាក់ស្តែងដែលបានចុះផ្សាយដោយកាសែត The Express Tribune កាលពីពេលកន្លងទៅបានឱ្យដឹងថា លោក Deen Mohammad Shaikh បានចំណាយពេលវេលារបស់លោកនៅក្នុងការផ្សព្វផ្សាយឥស្លាមបានយ៉ាងល្អបន្ទាប់ពីបានសិក្សាស្វែងយល់ពីឥស្លាម ដោយពេលដំបូងលោកបានផ្តើមចាប់អារម្មណ៍ជាមួយនិងសាសនាមួយនេះ លោកបានព្យាយាមស្រាវជ្រាវវាដោយលាក់បាំងអស់មួយរយៈក៏ចាប់ផ្តើមស្រលាញ់នូវសាសនាឥស្លាម លោកបានរៀនសូត្រគម្ពីរគួរអាន លោករៀនប្រតិបត្តិថ្វាយបង្គំ រៀនតមអាហារនៅក្នុងខែរ៉ម៉ាឌន ខណៈពេលដែលលោកព្យាយាមធ្វើរឿងទាំងនោះដោយមិនឱ្យអ្នកណាដឹង លោកពិតជាមានសម្ពាធខ្លាំងណាស់ តែដោយសារក្តីស្រឡាញ់លោកក៏ហ៊ានប្រឈមមុខជាមួយមជ្ឈដ្ឋានខាងក្រៅហើយបានប្រកាសថាខ្លួនបានប្តូរមកកាន់សាសនាឥស្លាមហើយ។
ប្រភពដដែលបានបន្តថា ក្រោយពីលោកក្លាយជាអ្នកឥស្លាមពេញលេញហើយនោះ លោកក៏បានចាប់ផ្តើមអំពាវមនុស្សឱ្យយល់ពីសាសនាមួយនេះ ហើយអ្នកដំបូងដែលលោកបានអំពាវនាវដ៏ជោគជ័យគឺជាអ្នកនៅក្នុងគ្រួសាររបស់លោក។ បន្ទាប់មកលោកបានជួបជាមួយនឹងអ្នកមាន និងអ្នកមានអំណាចជាច្រើននៅក្នុងប្រទេសប៉ាគីស្ថានដើម្បីទាក់ទាញពួកគេឱ្យចូលសាសនាឥស្លាម ការព្យាយាមរបស់គាត់ក៏ទទួលបានលទ្ធផល ដែលពួកគេទាំងនោះបានផ្តល់នូវមាសប្រាក់មួយចំនួនដើម្បីឱ្យគាត់អាចបង្កើតនូវទីកន្លែងសម្រាប់អ្នកដែលគាត់បានបំណងប្តូរមកកាន់សាសនាឥស្លាម។
មិនយូរប៉ុន្មាន លោកក៏បានសាងសង់វិហារអ៊ីស្លាមមួយដែលមានជាច្រើនបន្ទប់សម្រាប់កុមារ – ភាគច្រើនជាក្មេងស្រី និងមនុស្សធំទាំងបុរសនិងនារីទុកបង្រៀនពីរបៀបនៃការប្រតិបត្តិថ្វាយបង្គំនិងសិក្សាស្វែងយល់ពីឥស្លាម ក្រោយពីនោះកិត្តិនាមរបស់លោកបានរីករាលដាលពាសពេញពិភពលោក ហើយមនុស្សជាច្រើនមកពីគ្រប់តំបន់បានមករកលោកដើម្បីចូលសាសនាឥស្លាមដែលគិតជាចំនួនមានរហូតដល់108000 ទៅ 110.000នាក់ នេះជាសមិទ្ធផលដែលលោកបានបន្សល់ទុកមុនលោកទទួលមរណៈភាពសម្រាប់មនុស្សនៅលើពិភពលោក។
គួរជម្រាបផងដែរថា លោក Deen Mohammad Shaikh ដែលជាអ្នកផ្សព្វផ្សាយសាសនាឥស្លាមដ៏ល្បីល្បាញមួយរូបនៅក្នុងប្រទេសប៉ាគីស្ថានគឺលោកបានចាប់អារម្មណ៍លើសាសនាឥស្លាមតាំងពីគាត់មានអាយុ 15 ឆ្នាំមកម្លេះ ដោយគាត់ទុករយៈពេល៤៧ឆ្នាំដើម្បីសិក្សាស្វែងយល់ទើបគាត់សម្រចចូលសាសនាឥស្លាមជាមួយឆន្ទៈដ៏មុះមុតរបស់ខ្លួនដោយទាក់ទាញមនុស្សឱ្យបានច្រើនបំផុតឱ្យយល់ដឹងដូចរូលលោកផងដែរ។ ជាក់ស្តែងមុនពេលគាត់ស្លាប់គាត់ធ្លាប់ធ្វើជាបេសកជនមូស្លីម ជាប្រធាននៃវិហារឥស្លាមដ៏ធំមួយ និងជាប្រធានវិទ្យាស្ថានមួយសម្រាប់អ្នកមានបំណងប្តូរមកកាន់សាសនាឥស្លាមដែលស្នាដៃរបស់គាត់ទាំងអស់បានចាត់ទុកជាប្រវត្តិសាស្ត្រនៅក្នុងប្រទេសប៉ាគីស្ថាន។
(ភ្នំពេញ)៖ នាព្រឹកថ្ងៃពុធ ទី៤ ខែកញ្ញា ឆ្នាំ២០២៤ នៅទីស្តីការក្រសួងពាណិជ្ជកម្ម លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម និងជាប្រធាន គ.ត.ផ.ហ.ក. បានអញ្ជើញដឹកនាំកិច្ចប្រជុំគណៈកម្មាធិការត្រួត (more…)
ប្រជាជនប៉ាឡេស្ទីននៅតំបន់ហ្គាហ្សាទទួលបានជំនួយមនុស្សធម៌ តាមរយៈការទម្លាក់ពីយន្តហោះយោធារបស់ប្រទេសហ្ស៊កដានី។ នៅក្នុងសេចក្តីថ្លែងការណ៍មួយកាលពីថ្ងៃចន្ទ កងកម្លាំងយោធាហ្ស៊កដានី បាននិយាយថា ការទម្លាក់ជំនួយមនុស្សធម៌តាមយន្តហោះដែលធ្វើឡើងនៅក្នុងតំបន់ដែលក្បួនយន្តហោះមិនអាចទៅដល់នោះ ត្រូវបានបញ្ចប់ជាមួយនឹងយន្តហោះប្រភេទ C130 ចំនួនពីរគ្រឿង ពីកងទ័ពអាកាស Royal Jordanian។ នេះបើតាមការផ្សាយដោយសារព័ត៌មានចិន Xinhua នៅថ្ងៃទី៣…
ឯកឧត្តម នេត្រ ភក្រ្តា រដ្ឋមន្រ្តីក្រសួងព័ត៌មាននៃព្រះរាជាណាចក្រកម្ពុជាជួបសម្តែងការគួរសម និងពិភាក្សាការងារជាមួយសមភាគីម៉ាឡេស៊ី ឯកឧត្តម Ahmad Fahmi bin Mohamed Fadzil រដ្ឋមន្ត្រីក្រសួង (more…)
រដ្ឋាភិបាលចក្រភពអង់គ្លេស បានប្រកាសផ្អាកអាជ្ញាប័ណ្ណនាំចេញប្រហែល ៣០ សម្រាប់ឧបករណ៍យោធាទៅកាន់អ៊ីស្រាអែល។ ការសម្រេចចិត្តផ្អាកនេះ កើតឡើងបន្ទាប់ពីការពិនិត្យឡើងវិញអំពីការអនុលោមតាមច្បាប់របស់អ៊ីស្រាអែលជាមួយនឹងច្បាប់មនុស្សធម៌អន្តរជាតិ ខណៈសង្គ្រាមនៅហ្គាហ្សាកំពុងបន្ត ដែលបណ្តាលអោយជនស៊ីវិលប៉ាឡេស្ទីនរាប់ម៉ឺននាក់បាត់បង់ជីវិត។ (more…)
As of the end of July 2024, the construction project of Techo International Airport has…
Prime Minister Hun Manet interacts with villagers during his surprise visit to the border with…